រាជធានីភ្នំពេញ ៖ មួយរយៈចុងក្រោយនេះមានការចាប់អារម្មណ៍ខ្លាំងមែនទែនទៅលើកូនប្រុសតារាកំប្លែងនាយពាក់មីដែលមានឈ្មោះហៅក្រៅថា«អាតួ»ដោយវីដេអូរបស់គេត្រូវបានផ្សព្វផ្សាយពេញបណ្ដាញសង្គមទាំងហ្វេសប៊ុក និងតិកតុក ។
ក្រោយពីនាយពាក់មីដែលជាតារាកំប្លែងមួយរូបមានកេរ្តិ៍ឈ្មោះបោះសំឡេងនៅក្នុងប្រទេស
កម្ពុជា បានធ្វើការបង្កើតនូវការលេងបាល់ជាក្រុមជាមួយនឹងតារាសិល្បៈល្បីៗជាច្រើនកាល
ពីពេលកន្លងទៅ ហើយក៏មានការបែកធ្លាយនូវវីដេអូលេងបាល់របស់កូនប្រុសគាត់ដែលទើប
មានអាយុ១២ឆ្នាំ ធ្វើឱ្យមានការគាំទ្រនិងកោតសរសើរយ៉ាងខ្លាំង ។ គាំទ្រនិងកោតសរសើរ
ដោយសាររូបគេមានបច្ចេកទេសនៅក្នុងការលេងបាល់ប្រៀបបីដូចជាកីឡាករអាជីពអ៊ីចឹង។
កន្លងមក នាយពាក់មីតែងតែបង្កើតនូវការលេងបាល់ទាត់ដើម្បីធ្វើកម្មវិធីសប្បុរសធម៌នៅ
តាមបណ្ដាទីរួមខេត្តជាច្រើនដោយប្រមូលផ្ដុំសុទ្ធសឹងតែតារាសិល្បៈល្បីៗនៅក្នុងស្រុក ហើយ
ក្នុងនោះផងដែរក៏មានការគាំទ្រពីសំណាក់មហាជនច្រើនមែនទែន ជាពិសេសគឺបន្ទាប់ពីការ
លេងជាមួយក្រុមផាន់ណារ៉ុង ដែលជាយូធូប័រដ៏ល្បីម្នាក់ដែលធ្វើឱ្យមហាជនមានការចាប់
អារម្មណ៍ទៅលើការបង្កើតក្រុមបាល់ទាត់នេះយ៉ាងខ្លាំង។
តាមរយៈនាយពាក់មីផ្ទាល់ក៏បានឱ្យដឹងដែរថា គាត់ក៏គាំទ្រឱ្យកូនប្រុសលេងបាល់ទាត់ដែរដោយសារតែកូនប្រុសគាត់ស្រឡាញ់បាល់ទាត់និងមានដុងខាងបាល់ទាត់នេះខ្លាំងណាស់ ។ គាត់
សង្ឃឹមថា នៅថ្ងៃអនាគតកូនប្រុសរូបនេះនឹងក្លាយជាគ្រាប់ពេជ្រនៅក្នុងក្រុមបាល់ទាត់ជម្រើស
ជាតិកម្ពុជាមិនខាន ។ ជាក់ស្ដែង សូម្បីក្លិបTottenham Hot Spurs នៅលីគកំពូលអង់
គ្លេសក៏ចាប់អាម្មណ៍នឹងការលេងបាល់របស់កូនប្រុសគាត់ដែរ។
ដោយឃើញសមត្ថភាពលេងបាល់របស់កូនប្រុស«តួ»តាំងពីអាយុ៩ឆ្នាំ តារាកំប្លែងនាយ
ពាក់មី មានក្តីប្រាថ្នាចង់ឱ្យកូនក្លាយទៅជាកីឡាករបាល់ទាត់ជម្រើសជាតិតាមរយៈការ
ជួយជ្រោមជ្រែងកូនប្រុសនោះខ្លាំង សូម្បីតែពេលទៅប្រកួត ឬហ្វឹកហាត់បាល់ទាត់ម្តងៗ ក៏នាយ
ទៅតាមមើលកូនមិនដែលខានឡើយ។
នាយពាក់មីបានលាន់មាត់សរសើរកូនប្រុស«តួ»ថា មិនខុសពីលោកប៉ុន្មានឡើយដោយ«តួ»
មិនត្រឹមតែឆ្លាតនោះទេ ថែមទាំងមានសមត្ថភាពមិនខុសពីឪពុកទៀតផង ។ កន្លងមកកូនប្រុស
នោះ ធ្លាប់បានសម្តែងក្នុងខ្សែភាពយន្តជាច្រើននិងដើរតួអង្គសំខាន់ដោយមានទាំងកំប្លែងផង
កម្សត់ផង ។ បើទោះជាកូនប្រុសមានដុងសិល្បៈនិងអាចមានឱកាសក្តាប់តំណែងជាតួអង្គសំខាន
់ក៏ដោយក្តី ក៏លោកនៅតែមានក្តីប្រាថ្នាចង់ឱ្យកូនប្រុសក្លាយទៅជាកីឡាករបាល់ទាត់របស់
ក្រុមជម្រើសជាតិកម្ពុជានៅថ្ងៃអនាគត។
គួរឱ្យដឹងផងដែរថា រយៈពេលប្រមាណជា១៤ឆ្នាំហើយ ដែលនាយពាក់មី បានផ្លាស់ប្ដូរវាសនាខ្លួនឯងពីអ្នកធ្វើសំណង់បែកញើសហូរសស្រាក់ក្រោមកម្ដៅថ្ងៃ ក្លាយជាតារាកំប្លែងសាងកេរ្តិ៍ឈ្មោះដ៏ល្បីល្បាញមួយរូបនៅក្នុងវិស័យសិល្បៈដល់សព្វថ្ងៃ តាមរយៈកម្មវិធីប្រឡងជ្រើសរើសតារាកំប្លែងមួយកាលពីអំឡុងឆ្នាំ២០១០រៀបចំដោយស្ថានីយទូរទស្សន៍សុីធីអិន។
ងាកមកមើលជីវិតគ្រួសារវិញ នាយពាក់មី ដែលមានឈ្មោះពិតចែម ចាន់រ៉ា បានរៀបការជាមួយភរិយាតាំងពីមិនទាន់ប្រឡូកក្នុងវិស័យសិល្បៈ ហើយមកដល់ពេលនេះ លោក និងភរិយាទទួលបានចំណងដៃកូនប្រុសស្រី ៣ នាក់ ដែលកូនស្រីច្បងមានឈ្មោះថា ស្រីខួច, កូនប្រុសកណ្ដាលមានឈ្មោះថា តួ និងកូនប្រុសពៅមានឈ្មោះថា រឹម សុរ៉ារីហ្វីន ហៅ នាគភ្លើង ៕
ចែករំលែកព័តមាននេះ