ក្នុងករណីដែលជំងឺធ្លាក់ទឹកចិត្តរបស់អ្នកមិនទាក់ទងនឹងជំងឺ ហេតុផលមួយចំនួនផ្សេងទៀតដែលអាចធ្វើឲ្យអ្នកមានអារម្មណ៍ធ្លាក់ទឹកចិត្ត និងអស់កម្លាំងរួមមាន:
១-អ្នកមានពេលទំនេរច្រើនពេក
ពេលខ្លះអ្នកមានអារម្មណ៍ធុញទ្រាន់ក្នុងជីវិតព្រោះពេលទំនេរច្រើនពេក។
ត្រង់ចំណុចនេះ អ្វីដែលអ្នកត្រូវធ្វើ គឺរៀបចំផែនការធ្វើរឿងដែលអ្នកចូលចិត្ត ហើយផ្តល់ផលដែលមានន័យសម្រាប់អ្នក។ ជីវិតដ៏មមាញឹកនឹងជួយឱ្យអ្នកមានអារម្មណ៍សកម្ម និងមានតម្លៃ។
២-អ្នកមានសុខភាពខ្សោយនាំឱ្យមានជំងឺធ្លាក់ទឹកចិត្ត និងអស់កម្លាំង
ភាពទន់ខ្សោយខាងរាងកាយ ក៏ជាមូលហេតុនៃការធ្លាក់ទឹកចិត្ត និងអស់កម្លាំងផងដែរ។ រាងកាយបាត់បង់ថាមពលនឹងនាំឱ្យធ្លាក់ទឹកចិត្ត និងអស់កម្លាំង។
ដោយសារតែអ្នកមានអារម្មណ៍ថាអ្នកមិនមានកម្លាំងគ្រប់គ្រាន់ដើម្បីធ្វើរឿងជាច្រើនដែលអ្នកចង់បាន។
៣-ការបែកបាក់ទំនាក់ទំនងដែលធ្វើឱ្យអ្នកបាក់ទឹកចិត្តចំពោះជីវិតបច្ចុប្បន្នរបស់អ្នក
មនុស្សជាច្រើនយល់ថាវាពិបាកណាស់ក្នុងការបែកបាក់គ្នា។ ដូច្នេះហើយ ពួកគេតែងតែខូចចិត្ត មានអារម្មណ៍ធុញ នឹងអ្វីៗជុំវិញខ្លួន។
អ្នកក៏អាចមានអារម្មណ៍ក្រៀមក្រំ និងហត់នឿយនៅពេលមានទំនាក់ទំនងដែលបែកបាក់។
៤-អ្នកមិនដឹងថាខ្លួនឯងចង់បានអ្វីទេ
កុំគិតថាអ្នកដែល «មានអ្វីៗទាំងអស់» នឹងសប្បាយចិត្ត ពេលខ្លះក៏រងទុក្ខដូចជាមនុស្សខ្វះអ្វីជាច្រើន។ ដោយសារតែពួកគេប្រហែលជាមិនដឹងថាពួកគេចង់បានអ្វី; ដូច្នេះគ្មានអ្វីគ្រប់គ្រាន់ទេ។
នេះគឺជា «ជំងឺ» ទូទៅនៅជីវិតមនុស្ស។
៥-អ្នកទើបតែជួបប្រទះនឹងការបរាជ័យដ៏ធំមួយ
នេះគឺជាហេតុផលមួយក្នុងចំណោមហេតុផលទូទៅបំផុតដែលធ្វើឱ្យអ្នកមានអារម្មណ៍ធ្លាក់ទឹកចិត្ត និងអស់កម្លាំង។
បើអ្នកចេះរៀនស្វែងយល់ជ្រៅជ្រះពីការដួល ហើយគិតវិជ្ជមាន អ្នកប្រាកដជាអាចទៅមុខបានច្រើនជាងនេះ ៕
ចែករំលែកព័តមាននេះ