ឆេះបន្ទប់ផ្ទះសំណាក់មួយកន្លែង ផ្អើលក្រុងព្រះសីហនុ
- ព្រះសីហនុ
ខេត្តព្រះសីហនុ ៖ បន្ទប់នៅជាន់ទី 2 នៃអាគារផ្ទះសំណាក់មួយកន្លែងស្ថិតនៅចំណុចក្រុម១៤ ភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ ត្រូវបានឆាបឆេះ…
ខេត្តព្រះសីហនុ ៖ បន្ទប់នៅជាន់ទី 2 នៃអាគារផ្ទះសំណាក់មួយកន្លែងស្ថិតនៅចំណុចក្រុម១៤ ភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ ត្រូវបានឆាបឆេះ និងខូចខាតសម្ភារៈទាំងស្រុង។
ជុំវិញករណីអគ្គីភ័យនេះផងដែរ បើយោងតាមប្រភពពីក្រុមពន្លត់អគ្គី ភ័យបានឲ្យដឹងជាបឋមថាថ្ងៃទី ១២ ខែវិច្ឆិកា ឆ្នាំ២០២៤វេលាម៉ោង២១និង១០នាទីយប់ មានអគ្គិភ័យឆេះបន្ទប់ស្នាក់នៅរបស់ផ្ទះសំណាក់ យី ហោ សួគា ជាន់ទី២បន្ទប់លេខ១១២ ស្ថិតនៅចំណុចក្រុម១៤ភូមិ៣ សង្កាត់លេខ៤ ក្រុងព្រះសីហនុ ខេត្ពព្រះសីហនុ ។
ទីតាំងកើតហេតុខាងលើ ជាប្រភេទសំណង់សង់អំពីថ្ម មានកម្ពស់៥ជាន់បន្ទប់ទំហំ៤ម៉ែត្រ×៥ម៉ែត្រម្ចាស់ផ្ទះជួលរងគ្រោះមានឈ្មោះ កែវ ហ៉ាន ភេទប្រុស អាយុ៧០ឆ្នាំ មុខរបរលក់ដូរ ការឆេះខូចខាតរួមមាន: ១ បន្ទប់ រួមនឹងសម្ភារៈប្រើប្រាស់ក្នុងបន្ទប់ទាំងស្រុង ។
មូលហេតុ កំពុងស្រាវជ្រាវ ករណីអគ្គិភ័យខាងលើបានចេញរថយន្តពន្លត់ អគ្គិភ័យរបស់ស្នងការដ្ឋាននគរ បាលខេត្តព្រះសីហនុចំនួន ០២ គ្រឿង បានប្រើប្រាស់ទឹកអស់ចំនួន០១ឡានស្មើរ១២ម៉ែត្រគូប។ មិនមានមនុស្សណាម្នាក់រងគ្រោះថ្នាក់នៅឡើយ ៕
ចែករំលែកព័តមាននេះ