ខេត្តត្បូងឃ្មុំ ៖ គ្រោះថ្នាក់ពិតជាមើលមិនឃើញមែន ដោយរថយន្តដឹកកម្មករមួយគ្រឿងបានបើកបរលើដងផ្លូវជាតិលេខ៧ ខណៈបើកសុខៗស្រាប់តែឡើងសួនច្បារបុកបង្គោលភ្លើងបំភ្លឺតាមផ្លូវបណ្ដាលឲ្យរថយន្តក្រឡាប់រងរបួសធ្ងន់-ស្រាលចំនួន៧នាក់ ស្ថិតនៅចំណុចឃុំស្រឡប់ ស្រុកត្បូងឃ្មុំ កើតឡើងនៅវេលាម៉ោង០៤ និង៤៥នាទីយប់ទៀបភ្លឺឈានចូលព្រឹកថ្ងៃទី១៣ វិច្ឆិកា…
ខេត្តត្បូងឃ្មុំ ៖ គ្រោះថ្នាក់ពិតជាមើលមិនឃើញមែន ដោយរថយន្តដឹកកម្មករមួយគ្រឿងបានបើកបរលើដងផ្លូវជាតិលេខ៧ ខណៈបើកសុខៗស្រាប់តែឡើងសួនច្បារបុកបង្គោលភ្លើងបំភ្លឺតាមផ្លូវបណ្ដាលឲ្យរថយន្តក្រឡាប់រងរបួសធ្ងន់-ស្រាលចំនួន៧នាក់ ស្ថិតនៅចំណុចឃុំស្រឡប់ ស្រុកត្បូងឃ្មុំ កើតឡើងនៅវេលាម៉ោង០៤ និង៤៥នាទីយប់ទៀបភ្លឺឈានចូលព្រឹកថ្ងៃទី១៣ វិច្ឆិកា ឆ្នាំ២០២៤
បានធ្វើឲ្យកម្មករ ដែលជិះខាងក្រោយរបួសដេករដូករណែលនៅលើថ្នល់ ។
សមត្ថកិច្ចមូលដ្ឋានប្រាប់ឲ្យដឹងថា កន្លែងកើតហេតុនៅលើផ្លូវជាតិលេខ៧ ចន្លោះបង្គោលគីឡូម៉ែត្រលេខ១៥៦-១៥៧ នៅភូមិត្រពាំគូរ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។ រថយន្តបុកបង្គោលភ្លើងបំភ្លឺលើទ្រូងផ្លូវ(ផ្លូវភ្លោះ) រថយន្តកែឆ្នៃ១,៥តោន ពណ៌ខ្មៅ គ្មានផ្លាកលេខ បើកបរដោយឈ្មោះ ឈួន ហ៊ាត ភេទប្រុស អាយុ៥៥ឆ្នាំ ជនជាតិខ្មែរ នៅភូមិជ្រៃតាសូ ឃុំអំពិលតាពក ស្រុកអូរាំងឪខេត្តត្បូងឃ្មុំ(របួសធ្ងន់) ។
សមត្ថកិច្ចមូលដ្ឋានបន្តឲ្យដឹងទៀតថា ក្រោយពីរថយន្តបុកបង្គោលភ្លើងលាន់ក្ឌាំងបណ្ដាលឲ្យក្រឡាប់ដេកផ្ងារជើងចាក់កម្មករលើថ្នល់រងរបួសស្រែកហៅគេឲ្យជួយ ។ ភ្លាមៗនោះ កម្លាំងប៉ុស្តិ៍រដ្ឋបាលមូលដ្ឋានរាយការណ៍មកជំនាញសណ្ដាប់ធ្នាប់ស្រុក បានចុះដល់កន្លែងកើតហេតុដឹកយកអ្នករងគ្រោះក្នុងនោះរួមមាន: ដឹកអ្នករួមដំណើរចំនួន៦នាក់÷
១.ឈ្មោះ លី ណាត ភេទស្រីអាយុ៥១ឆ្នាំ នៅភូមិឃុំជាមួយអ្នកបើកបរ(របួសធ្ងន់)
២.ឈ្មោះ លី នឿន ភេទស្រីអាយុ៥៣ឆ្នាំ នៅភូមិជាមួយគ្នា(របួសស្រាល)
៣.ឈ្មោះ វ៉ុន ថន ភេទប្រុសអាយុ៤៥ឆ្នាំ នៅភូមិជាមួយគ្នា(របួសធ្ងន់)
៤.ឈ្មោះ ហ៊ាត ណែម ភេទស្រីអាយុ១៩ឆ្នាំ នៅភូមិជាមួយគ្នា(របួសស្រាល)
៥.ឈ្មោះ ឃ្លី ម៉ាលី ភេទស្រីអាយុ៥៤ឆ្នាំ នៅភូមិជាមួយគ្នា(របួសស្រាល)
៦.ឈ្មោះ យ៉ន សារីម ភេទស្រីអាយុ៥៦ឆ្នាំ នៅភូមិជាមួយគ្នា(របួសស្រាល) ។
រីឯអ្នករងគ្រោះ៧នាក់ បញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ចិនត្បូងឃ្មុំ គឺរថយន្តរបស់មន្ទីរពេទ្យជាអ្នកមកដឹក ព្រោះថាកន្លែងកើតហេតុនៅមិនឆ្ងាយប៉ុន្មានពីមន្ទីរពេទ្យ។ ចំពោះមូលហេតុរថយន្តទៅបុកបង្គោលភ្លើងសង្ស័យអ្នកបើកបរងងុយដេកទើបបណ្ដាលឲ្យគ្រោះថ្នាក់នេះកើតឡើង។
ចែករំលែកព័តមាននេះ