រាជធានី​ភ្នំពេញ ៖ នៅ​វេលា​ម៉ោង​០០:៣០​នាទី ថ្ងៃ​ទី​១២ ខែវិច្ឆិកា ឆ្នាំ​២០២៤ នៅ​ចំណុច​ដី​វាល​ស្ថិត​ភូមិ​ទួល​ពង្រ សង្កាត់​ចោម​ចៅ​ទី​១ ខណ្ឌ​ពោធិ៍​សែន​ជ័យ កម្លាំង​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ បាន​ធ្វើការ​ឃាត់ខ្លួន​ជនសង្ស័យ​ចំនួន​០២​នាក់ ពាក់ព័ន្ធ​ករណី​រក្សា​ទុក​អាវុធ​ដោយ​ខុសច្បាប់ (​ដាវ​ដែក​កែ​ច្នៃ​) ។ នេះ​បើ​យោង​តាម​ផេ​ក​ក្រុមការងារ​ព័ត៌មាន និង​ប្រតិកម្ម​រហ័ស នៃ​ស្នងការដ្ឋាន​នគរបាល​រាជធានី​ភ្នំពេញ​បាន​បង្ហោះ​មុន​នេះ ។

ឃាត់ខ្លួន​ជនសង្ស័យ​ចំនួន​០២​នាក់​៖ ១- ឈ្មោះ រ៉ាត់ អ៊ី​ត ភេទ​ប្រុស មុខរបរ​កម្មករ សា្ន​ក់​នៅ​បន្ទប់​ជួល​លេខ​១៩ ស្ថិត​នៅ​ភូមិ​ទួល​ពង្រ សង្កាត់​ចោម​ចៅ​ទី​១ ខណ្ឌ​ពោធិ៍​សែន​ជ័យ ។ ២- ឈ្មោះ សុខ មក​រា ភេទ​ប្រុស មុខរបរ​កម្មករ ស្នាក់​នៅ​បន្ទប់​ជួល​លេខ​១៩ ស្ថិត​នៅ​ភូមិ​ទួល​ពង្រ សង្កាត់​ចោម​ចៅ​ទី​១ ខណ្ឌ​ពោធិ៍​សែន​ជ័យ​។

ចំពោះ​វត្ថុ​តាង​ដកហូត​មាន ដាវ​ដែក​កែ​ច្នៃ ចំនួន​០១​ដើម ប្រវែង​១​ម៉ែត្រ​, ម៉ូតូ​ម៉ាក HONDA DREAM ពណ៌​ខ្មៅ ពាក់​ផ្លា​ក​លេខ កំពង់ឆ្នាំង 1M-5400 សេរី​ឆ្នាំ​២០២២, ធុង​ស្ពាយ FOOD PANDA ពណ៌​ផ្កាឈូក ចំនួន​០១​។

បច្ចុប្បន្ន​ជនសង្ស័យ និង​វត្ថុ​តាង​ខាងលើ សមត្ថកិច្ច​ជំនាញ​កំពុង​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី ៕