ខេត្តស្ទឹងត្រែង ៖ កាលពីវេលាម៉ោង៧និង២០នាទីយប់ ថ្ងៃទី២០ មិថុនា មានហេតុការណ៍គ្រោះថ្នាក់ចរាចរណ៍មួយបានកើតឡើងខណៈដែលរថយន្តមែរសឺដេសរបស់លោកស្នងការរងទទួលបន្ទុកផែនកណ្តាលនគរបាលយុត្តិធម៌នៃស្នងការដ្ឋានខេត្ត បុកជាមួយរថយន្តឡិចស៊ីសកូនកាត់ RX300 របស់នាយរងសង្កាត់រដ្ឋបាលព្រៃឈើសង្កាត់
ខេត្តស្ទឹងត្រែង ៖ កាលពីវេលាម៉ោង៧និង២០នាទីយប់ ថ្ងៃទី២០ មិថុនា មានហេតុការណ៍គ្រោះថ្នាក់ចរាចរណ៍មួយបានកើតឡើងខណៈដែលរថយន្តមែរសឺដេសរបស់លោកស្នងការរងទទួលបន្ទុកផែនកណ្តាលនគរបាលយុត្តិធម៌នៃស្នងការដ្ឋានខេត្ត បុកជាមួយរថយន្តឡិចស៊ីសកូនកាត់ RX300 របស់នាយរងសង្កាត់រដ្ឋបាលព្រៃឈើសង្កាត់ព្រះរំកិល ស្រុកថាឡាបរិវ៉ាត់ ខេត្តស្ទឹងត្រែង បណ្តាលឱ្យថ្ពាល់ផតទាំងសងខាង ។
សាក្សីក្នុងហេតុការណ៍នេះបានបញ្ជាក់ថា គ្រោះថ្នាក់ចរាចរណ៍នេះបានកើតឡើងនៅចំណុចផ្លូវបំបែកជាបួនកែងសាលាបឋមសិក្សាស្ទឹងត្រែងក្រុង។ មុនពេលកើតហេតុរថយន្តមែរសឺដេស ពណ៌ក្រហម ពាក់ស្លាកលេខភ្នំពេញ 2M-7792 បើកបរដោយលោកយ៉ន ឌីន ស្នងការរងប៉ូលិសខេត្តធ្វើដំណើរពីលិចទៅកើត។ ចំណែករថយន្តឡិចសីុសកូនកាត់ RX300 ពណ៌ពងមាន់ ពាក់ស្លាកលេខភ្នំពេញ 2M-0379 ជារបស់លោកអ៊ូ សុខុន នាយរងសង្កាត់រដ្ឋបាលព្រៃឈើសង្កាត់ព្រះរំកិល បើកបរពីត្បូងទៅជើង។ តាមប្រភពថា លុះមកដល់ចំណុចផ្លូវបំបែកជាបួននោះរថយន្តទាំង២ក៏បានប៉ះគ្នាបណ្តាលឱ្យក្រពឹតថ្ពាល់ម្ខាង ម្នាក់ តែមិនបណ្តាលឱ្យអ្នកធ្វើដំណើរក្នុងរថយន្តទាំងសងខាងរងរបួសឡើយ ។
មន្ត្រីនគរបាលនៃស្នងការដ្ឋានម្នាក់បាននិយាយថា ផ្លូវធំដែលលោកស្នងការរងបើកបរជាផ្លូវអាទិភាព ចំណែកផ្លូវខ្វែងដែលរថយន្តឡិចស៊ីសបើកបរគ្រាន់តែជាផ្លូវឆ្លងកាត់ក្នុងខេត្តប៉ុណ្ណោះ ហើយបើកបរក្នុងល្បឿនលឿនទៀត ទើបបណ្តាលឱ្យប៉ះគ្នាបែបនេះ ។ បន្ទាប់ពីហេតុការណ៍នេះកើតឡើង លោកគង់ រតនា ប្រធានការិយាល័យចរាចរណ៍ផ្លូវគោកខេត្តបានបញ្ជាឱ្យយករថយន្តទាំង២គ្រឿងចូលស្នងការដ្ឋានដើម្បីវែកញែករកខុសនិងត្រូវ ។
ទាក់ទិននឹងគ្រោះថ្នាក់ចរាចរណ៍ខាងលើនេះ លោកណាវ វណ្ណី នាយរងការិយាល័យចរាចរណ៍ផ្លូវគោកខេត្តឱ្យដឹងថា ការប៉ះទង្គិចគ្នារវាងរថយន្តទាំងសងខាងពុំទាន់ដឹងថា អ្នកណាខុសអ្នកណាត្រូវទេ ដូច្នេះខាងណាសងខាងណាក៏មិនទាន់ដឹងដែរ ព្រោះស្ថិតនៅក្នុងការវែកញែករកខុសត្រូវនៅឡើយ៕
ចែករំលែកព័តមាននេះ