ខេត្តបន្ទាយមានជ័យ ៖ មានការភ្ញាក់ផ្អើលក្រោយពីប្រទះឃើញសាកសពជនជាតិចិនអណ្តែតទឹកនៅអាងស្តុបទឹកអូរខៃដន ដោយសមត្ថកិច្ចសន្និដ្ឋាន អាចករណីឃាតកម្មចងដៃចងជើងទំលាក់ទឹក ។ ហេតុការណ៍ប្រទះឃើញ កាលពីនៅព្រឹកថ្ងៃទី០១ ខែវិច្ឆិកា ឆ្នាំ២០២៤…
ខេត្តបន្ទាយមានជ័យ ៖ មានការភ្ញាក់ផ្អើលក្រោយពីប្រទះឃើញសាកសពជនជាតិចិនអណ្តែតទឹកនៅអាងស្តុបទឹកអូរខៃដន ដោយសមត្ថកិច្ចសន្និដ្ឋាន អាចករណីឃាតកម្មចងដៃចងជើងទំលាក់
ទឹក ។ ហេតុការណ៍ប្រទះឃើញ កាលពីនៅព្រឹកថ្ងៃទី០១ ខែវិច្ឆិកា ឆ្នាំ២០២៤ ស្ថិតភូមិសុខសាន្ត សង្កាត់និមិត្ត ក្រុងប៉ោយប៉ែត។
បើតាមសមត្ថកិច្ចបានប្រាប់ថា ជនរងគ្រោះដែលស្លាប់មានឈ្មោះ ជឹង ហ័រកាង ភេទប្រុស អាយុ៣១ឆ្នាំ មានប្រពន្ធជនជាតិខ្មែរឈ្មោះ ទូច កញ្ញា ភេទស្រី អាយុ៣១ឆ្នាំ ស្នាក់នៅភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត។
ស្ត្រីឈ្មោះ ទូច កញ្ញា បានប្រាប់ឱ្យដឹងថា ខ្លួនពិតជាប្រពន្ធជនរងគ្រោះឈ្មោះ ជឹង ហ័រកាង (ជនជាតិចិន)ដែលត្រូវបានគេប្រទះឃើញសាកសពអណ្តែតទឹកនៅអាងស្តប់ទឹកអូរខៃដន ក្រោយទទួលព័ត៌មានដឹងហើយ មកមើលឃើញគឺពិតជាប្តីរបស់ខ្លួន ត្រូវបានឃាតករចងដៃចងជើង
បន្តោងដែកទំលាក់ចូលទឹក ។
យោងតាមការរៀបរាប់ថា ប្តីរបស់ខ្លួនបានបាត់រយៈពេល២ថ្ងៃមកហើយ ឃើញតែរថយន្តមិនឃើញមនុស្ស ទើបទៅប្តឹងសមត្ថកិច្ចជួយស្រាវជ្រាវផងដែរ ។ កាលពីថ្ងៃទី៣០ ខែតុលា ឆ្នាំ២០២៤នៅពេលដែលជិះរថយន្តម៉ាក់RANG ROVER ពណ៌.ស ពាក់ផ្លាក់លេខភ្នំពេញ2AA-8553 ដែលចេញពីផ្ទះបងប្អូនជីដូនមួយនៅបូរីឌឺផាកស៊ីធី នៅចន្លោះម៉ោង១រសៀល។
ស្ត្រីជាប្រពន្ធបានបញ្ជាក់ទៀតថា ក្រោយបាត់ប្តី រហូតដល់ល្ងាចត្រូវបានកម្លាំងមូលដ្ឋានកងរាជអាវុធហត្ថក្រុងប៉ោយប៉ែតប្រទះឃើញរថយន្តជនរងគ្រោះប្លុងចោលនៅចំណុចបូរីខេអិលស្ថិតភូមិគីម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ត្រូវបានកម្លាំងជំនាញយកទៅរក្សាទុកនៅទីបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត។
លុះដល់ព្រឹកឡើងថ្ងៃទី០១ វិច្ឆិកា ឆ្នាំ២០២៤ ទើបទទួលដំណឹងប្រជាពលរដ្ឋប្រទៈឃើញសាកសពអណ្តែតទឹកនៅអាងស្តុបទឹកអូរខៃដន ហើយកម្លាំងជំនាញចុះទៅពិនិត្យស្រង់ឡើងគោកធ្វើកោសលវិច្ឆ័យពិតជាប្តីរបស់ខ្លួន ត្រូវបានចងដៃចងជើងជាប់ដែក២ដុំទម្លាក់ចូក្នុងទឹក ។
ការសន្និដ្ឋានរបស់សមត្ថកិច្ចថា ជាករណីឃាតកម្មចងដៃចងជើងទំលាក់ចូលទឹកស្លាប់ ។ ករណីឃាតកម្មនេះ សមត្ថកិច្ចជំនាញនៅមិនទាន់បានបញ្ជាក់ច្បាស់នៅឡើយទេ ខណៈកំពុងស្រាវជ្រាវ បន្ត ។
ចែករំលែកព័តមាននេះ