ខេត្តបន្ទាយមានជ័យ ៖ ប្រទីបប្រមាណ៤០គ្រឿងដាក់បណ្តែតនៅដងស្ទឹងសិរីសោភ័ណ ដើម្បីអបអរសាទរព្រះរាជពិធីបុណ្យអុំទូកនៅខេត្តបន្ទាយមានជ័យ ដោយមានវត្តមានលោកអភិបាលខេត្តបន្ទាយមានជ័យបានចុះទៅពិនិត្យ កាលពីថ្ងៃទី២៤ តុលា ឆ្នាំ២០២៤ ស្ថិតនៅភូមិ៣ សង្កាត់ព្រៈពន្លា…
ខេត្តបន្ទាយមានជ័យ ៖ ប្រទីបប្រមាណ៤០គ្រឿងដាក់បណ្តែតនៅដងស្ទឹងសិរីសោភ័ណ ដើម្បីអបអរសាទរព្រះរាជពិធីបុណ្យអុំទូកនៅខេត្តបន្ទាយមានជ័យ ដោយមានវត្តមានលោកអភិបាលខេត្តបន្ទាយមានជ័យបានចុះទៅពិនិត្យ កាលពីថ្ងៃទី២៤ តុលា ឆ្នាំ២០២៤ ស្ថិតនៅភូមិ៣ សង្កាត់ព្រៈពន្លា ក្រុងសិរីសោភ័ណ ។
លោកយ៉ង់ តាំងកួយ ប្រធានមន្ទីវប្បធម៌ និងវិចិត្រសិល្បៈខេត្តបន្ទាយមានជ័យបានប្រាប់ថា រដ្ឋបាលខេត្តបន្ទាយមានជ័យក្នុងឱកាសអបអរសាទរព្រៈរាជពិធីបុណ្យអុំទូក បណ្តែត ប្រទីប អកអំបុក និងសំពះព្រះខែឆ្នាំ២០២៤នេះ ខេត្តបន្ទាយមានជ័យបានរៀបបណ្តែតប្រទីបចំនួន៣៩គ្រឿង នៅដងស្ទឹងសិរីសោភ័ណ ដែលមានប្រទីបរដ្ឋបាលខេត្តបន្ទាយមានជ័យ និងមន្ទីរអង្គភាពស្ថាប័នពាក់ព័ន្ធ និងស្រុក-ក្រុងទាំង៩ក្នុងខេត្តបន្ទាយមានជ័យ ។
លោកបានបញ្ជាក់ថា ប្រទីបដែលត្រូវដាក់បណ្តែតដងស្ទឹងសិរីសោភ័ណ ត្រូវបានរៀបចំធ្វើជិត១ខែមុនហើយត្រូវបានដាក់ទំលាក់ចូលស្ទឹងរៀបចំប្រព័ន្ធភ្លើងលម្អនិងមានរចនាបទប្រពៃណីខ្មែរត្រូវបានទំលាក់ចូលស្ទឹងព្រមគ្នានៅថ្ងៃទី២០ ខែតុលា ឆ្នាំ២០២៤ រហូតដល់ថ្ងៃទី២៤ ខែតុលា ឆ្នាំ២០២៤នេះឃើញមានបងប្អូនប្រជាពលរដ្ឋបានមើលនិងលេងកំសាន្តជាច្រើន ។
លោកជំទាវ រស់ សុផានី អភិបាលរងខេត្តបន្ទាយមានជ័យ និងជាប្រធានគណៈកម្មការរៀបចំប្រទីបបានបញ្ជាក់ថា ក្នុងឱកាសរៀបចំពិធីប្រណាំងទូក អបអរសាទរព្រៈរាជពិធីបុណ្យអុំទូក បណ្តែតប្រទីប និងអកអំបុកសំពៈព្រៈខែឆ្នាំ២០២៤នេះ រដ្ឋបាលខេត្តបន្ទាយមានជ័យបានរៀបចំប្រទីបចំនួន៣៩គ្រឿងដែលជាប្រទីបពីមន្ទីអង្គភាពស្រុក-ក្រុងទាំង៩ បានបណ្តែតនៅដងស្ទឹងសិរីសោភ័ណ និងការប្រណាំងទូករយៈពេល២ថ្ងៃ ចាប់ពីថ្ងៃទី២៦ ដល់២៧ តុលា ឆ្នាំ២០២៤ នៅដងស្ទឹងទឹកថ្លា និងតាំងពិរព័រណ៌នៅសួនមានជ័យ និងរៀបចំអកអំបុកសំពះព្រៈខែនៅសួនជាប់មាត់ស្ទឹងព្រៈពន្លា ៕
ចែករំលែកព័តមាននេះ