ខេត្តមណ្ឌលគិរី ៖ ឈានចូលឆ្នាំថ្មីភ្លាម បុរសម្នាក់បានទៅដាក់ពាក្យបណ្តឹង សុំឲ្យសមត្ថកិច្ចជួយរកប្រពន្ធនៅថ្ងៃទី០១ ខែមករា ឆ្នាំ២០២៥ នៅភូមិក្រង់តេះ ឃុំក្រង់តេះ ស្រុកពេជ្រាដា…
ខេត្តមណ្ឌលគិរី ៖ ឈានចូលឆ្នាំថ្មីភ្លាម បុរសម្នាក់បានទៅដាក់ពាក្យបណ្តឹង សុំឲ្យសមត្ថកិច្ចជួយរកប្រពន្ធនៅថ្ងៃទី០១ ខែមករា ឆ្នាំ២០២៥ នៅភូមិក្រង់តេះ ឃុំក្រង់តេះ ស្រុកពេជ្រាដា ខេត្តមណ្ឌលគិរី ។
សេចក្តីរាយការណ៍បានឲ្យដឹងថា បុរសឈ្មោះ ព្យើក ភៀង ភេទប្រុស អាយុ៣៣ឆ្នាំ ជនជាតិភ្នង បានដាក់ពាក្យបណ្ដឹងបាត់ប្រពន្ធ ឈ្មោះ ព្លោត ព្រៀប អាយុ៣២ឆ្នាំ ជនជាតិភ្នង មានកូនចំនួន០៣នាក់ ស្រី០២នាក់ បាត់ទៅដោយគ្មានមូលហេតុ ។
យោងតាមការបំភ្លឺរបស់ប្ដីឈ្មោះ ព្យើក ភៀង ថា គាត់មិនមានការឈ្លោះប្រកែកគ្នាអីទេ ។ គាត់រវល់ឃ្វោលគោនៅស្រែទើបឡើងមកដល់ភូមិ នៅវេលាម៉ោង១៦និង០០នាទីល្ងាចថ្ងៃដដែល ។
ពេលមកដល់ផ្ទះក៏មិនឃើញប្រពន្ធ ឃើញតែកូនរបស់គាត់ចំនួន០៣នាក់ បងប្អូននៅផ្ទះ ដោយបាត់ម្ដាយ ហើយគាត់បានដើរសួរបងប្អូនអ្នកជិតខាងក្នុងភូមិថា មានឃើញប្រពន្ធខ្ញុំអត់ ហើយប្អូនថ្លៃរបស់ខ្ញុំឈ្មោះ ព្លោត សំណាង ភេទប្រុស អាយុ១៥ឆ្នាំ បានប្រាប់ខ្ញុំថា គាត់ឃើញប្រពន្ធខ្ញុំឡើងឡានពណ៌ក្រហម មិនស្គាល់ម៉ាក បានជិះឡើងទៅខេត្ត តាំងពីម៉ោង១៣និង៥០នាទីម្ល៉េះ លុះដល់ម៉ោង១៨និង០០នាទីនេះទើបបានខ្ញុំមកប្ដឹងនៅប៉ុស្ដិ៍នគរបាលរដ្ឋបាលក្រង់តេះ ឲ្យជួយស្រាវជ្រាវរកប្រពន្ធរបស់ខ្ញុំផង ៕
ចែករំលែកព័តមាននេះ