រាជធានីភ្នំពេញ ៖ ចាប់ពីវេលាម៉ោង០៨និង៣០ ដល់ម៉ោង១១និង០០នាទី ព្រឹកថ្ងៃទី២១ ខែតុលា ឆ្នាំ២០២៤ កម្លាំងផ្នែកសណ្តាប់ធ្នាប់ នៃអធិការដ្ឋាននគរបាលខណ្ឌទួលគោក សហការជាមួយគណៈបញ្ជាការឯកភាពរដ្ឋបាលខណ្ឌ…
រាជធានីភ្នំពេញ ៖ ចាប់ពីវេលាម៉ោង០៨និង៣០ ដល់ម៉ោង១១និង០០នាទី ព្រឹកថ្ងៃទី២១ ខែតុលា ឆ្នាំ២០២៤ កម្លាំងផ្នែកសណ្តាប់ធ្នាប់ នៃអធិការដ្ឋាននគរបាលខណ្ឌទួលគោក សហការជាមួយគណៈបញ្ជាការឯកភាពរដ្ឋបាលខណ្ឌ ចុះរៀបចំសណ្ដាប់ធ្នាប់តាមបណ្តោយផ្លូវ១៨៦ និងផ្លូវ២១៨ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក ដោយបានធ្វើការណែនាំឱ្យអាជីវករកុំដាក់តាំងលក់ដូរ រំលោភចូលចំណីផ្លូវ ដោយទុកចំណីផ្លូវចិញ្ចើម១/៣ នៃចិញ្ចើមផ្លូវ ដើម្បីឱ្យបងប្អូនប្រជាពលរដ្ឋបានធ្វើដំណើរបានស្រួល ជៀសវាងពីគ្រោះថ្នាក់ចរាចរណ៍ ក៏ដូចបង្កឱ្យមានការកកស្ទះចរាចរណ៍ និងបាត់បង់សណ្តាប់ធ្នាប់សាធារណៈ ។
កម្លាំងគណៈបញ្ជាការឯកភាពសាលាខណ្ឌទួលគោក ចុះរៀបចំសណ្តាប់ធ្នាប់ តាមបណ្តោយផ្លូវ១៨៦ នឹងផ្លូវ២១៨ ស្ថិតនៅក្នុងសង្កាត់ទឹកល្អកទី៣ ខណ្ឧទួលគោក រួមមាន ៖ លោក ស៊ឹម សុផង់ អភិបាលរងខណ្ឌទួលគោក, លោកវរសេនីយ៏ទោ ប៊ុន ណាន អធិការរង ខណ្ឧទួលគោក, លោកវរសេនីយ៏ត្រី ស៊ុយ ទី អធិការរងខណ្ឧ និងលោក នូវ ភក្តី ចៅសង្កាត់រងទឹកល្អកទី៣, កម្លាំងប្រជាការពារ ចំនួន១១នាក់, កម្លាំងចៅសង្កាត់ ចំនួន០៣នាក់, កម្លាំងនគរបាលខណ្ឌទួលគោក ចំនួន០៥នាក់ និងកម្លាំងនគរបាលប៉ុស្ត៍រដ្ឋបាលទឹកល្អកទី៣ ចំនួន០៣នាក់ ។
គណៈបញ្ជាការឯកភាពខណ្ឌទួលគោក បានចុះធ្វើការអប់រំណែនាំដល់ម្ចាស់ទីតាំង កន្លែងលក់ដូរគ្រប់ប្រភេទ បានចំនួន ៦ទីតាំង ដោយបានអប់រំណែនាំអ្នកលក់ដូរ ត្រូវរកកន្លែងលក់ដូរទីតាំងផ្សេង ខណៈដែលអ្នកលក់ដូរទាំង៦ទីតាំងនោះ លក់លើចញ្ចើមផ្លូវ និងទ្រូងផ្លូវ ឫតសំយាបលើផ្លូវសាធារណៈ នាំឲ្យកកស្ទះចរាចរណ៍ ។
គណៈបញ្ជាការឯកភាពខណ្ឌទួលគោក ណែនាំឲ្យធ្វើការរុះរើចេញចាប់ពីជូនដំណឺងនេះតទៅ ប្រសិនបើអ្នកលក់ដូរនៅលើចិញ្ចើម មិនព្រមអនុវត្តតាមការណែនាំនេះទេ គណៈបញ្ជាការឯកភាពខណ្ឌ និងចុះមកធ្វើការរុះរើ និងដកហូតដោយមិនទទួលខុសត្រូវរាល់ការបាត់បង់ ឫខូចខាតទ្រព្យសម្បត្តិ និងសម្ភារៈផ្សេងៗ នៅក្នុងទីតាំងទាំងអស់នេះឡើយ ៕
ចែករំលែកព័តមាននេះ