រាជធានីភ្នំពេញ ៖ លោក ប្លង់ សុផល ព្រះរាជអាជ្ញរង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី១៩ ខែតុលា ឆ្នាំ២០២៤…
រាជធានីភ្នំពេញ ៖ លោក ប្លង់ សុផល ព្រះរាជអាជ្ញរង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី១៩ ខែតុលា ឆ្នាំ២០២៤ បានឲ្យដឹងថា តំណាងអយ្យការបានបើកការស៊ើបសួរលើជនសង្ស័យ ដែលជាអ្នកគ្រប់គ្រងអន្តេវាសិដ្ឋានសិស្សសាលានារីខ្មែរស្លាម រួចរាល់ហើយចំនួនពីរបទល្មើស ៖១-បទរំលោភសេពសន្ថវៈមានស្ថានទម្ងន់ទោសទាក់ទង នឹងជនល្មើសតាមមាត្រា ២៤០ នៃក្រមព្រហ្មទណ្ឌ ។ ២-បទប្រទូស្តកេរខ្មាសមានស្ថានទម្ងន់ទោស ទាក់ទងនឹង ចារី និងស្ថានទម្ងន់ទោសទាក់ទងទៅនឹងជនរងគ្រោះ តាមមាត្រា ២៤ ៧ និងមាត្រា ២៤៨ នៃក្រមព្រហ្មទណ្ឌ ។
យោងតាមមាត្រា ២៤០ ស្ថានទម្ងន់ទោសដោយសារមធ្យោបាយប្រប្រាស់ ឬទាក់ទងនិងជនល្មើសបទ. រំលោភសេពសន្ថវៈ ត្រូវផ្តន្ទាទោសដាក់ពន្ធនាគារពី ៧ ឆ្នាំ ទៅ ១៥ ឆ្នាំ កាលបើបទល្មើសនេះប្រព្រឹត្តឡើង ៖ ១.ដោយការប្រើអាវុធ ឬគំរាមកំហែង នឹងអាវុធ ។
២.ដោយប្រើគ្រឿងញៀន ឬគ្រប់វិធីដែលនាំឲ្យជនរងគ្រោះបាត់បង់ ឬចុះខ្យោយលទ្ធភាពទប់ទល់ ។
៣.ដោយបុគ្គលដែលមានអំណាចទៅលើជនរងគ្រោះ ។
៤.ដោយបុគ្គលដែលរំលោភអំណាច ដែលមុខងាររបស់ខ្លួនប្រគល់ឲ្យ ។
៥.ដោយបុគ្គលច្រើនរូប ដែលប្រព្រឹត្តឡើងក្នុងឋានៈជាចារី សហចារី អ្នកផ្តើមគំនិត ឬជាអ្នកសមគំនិត ។
យោងតាមមាត្រា ២៤៧ និងមាត្រា ២៤៨ ស្ថានទម្ងន់ទោសដោយសារមធ្យោយបាយប្រើប្រាស់ ឬទាក់ទងនិងចារី បទល្មើសដែលមានចែងក្នុងមាត្រា ២៤៦ “ប្រទូស្តកេរក្មាស”នៃក្រមនេះ ត្រូវផ្តន្ទាទោសលើជនជាប់ចោទដាក់ពន្ធនាគារពី ២ឆ្នាំ ទៅ៥ ឆ្នាំ និងពិន័យប្រាក់ពី៤ លានទៅ១០ លានរៀល ។
។ ដូច្នេះហើយបើយោងតាមការចោទប្រកាន់ លើបទល្មើសទាំង ពីរនេះ ជនជាប់ចោទប្រឈមនឹងជាប់ពន្ធនាគារពី២ ឆ្នាំទៅ ៥ ឆ្នាំនិង ពី៧ ឆ្នាំទៅ១៥ ឆ្នាំ ។ ក្រោយពីតំណាងអយ្យការបានធ្វើការចោទប្រកាន់ជាផ្លូវការ សំណុំ រឿងនេះបានចាត់បញ្ជូនទៅខាងចៅក្រមស៊ើបសួរ ដើម្បីសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ។
សូមរំលឹកថា នៅព្រឹកថ្ងៃទី១៧ ខែតុលា ឆ្នាំ២០២៤ កម្លាំងសមត្តកិច្ចនាយកដ្ឋាននគរបាលប្រឆាំងការជួញដូរមនុស្ស និងការពារអនីតិជនក្រសួងមហាផ្ទៃ បានចាត់បញ្ជូនអ្នកគ្រប់គ្រងអន្តេវាសិកដ្ឋានសិស្សនារី ដែលគេស្គាល់ថា ជាកូនប្រុសរបស់លោកឧកញ៉ា សុះ កំរ៉ី ចាងហ្វាងគណៈដឹកនាំជាន់ខ្ពស់ នៃសាស នាឥស្លាមកម្ពុជា ទៅកាន់សាលាដំបូងរាជធានីភ្នំពេញហើយ ពាក់ពន្ធការចោទប្រកាន់ករណីបៀតបៀនរាងកាយ និងរំលោភបំពានកុមារីជាសិស្សសាលាខ្មែរឥស្លាមនៅខណ្ឌឬស្សីកែវ រាជធានីភ្នំពេ ញ ។ សំណុំរឿងបាន និងកំពុងស្ថិតនៅក្នុងដៃព្រះរាជអាជ្ញារង ទទួលបន្ទុក បើកការស៊ើបសួរលើជនសង្ស័យទៅតាមនីតិវិធី ។
ជនសង្ស័យឈ្លោះ កាម៉ារូទីន ស៊ូហៃមី អាយុ៣៣ ឆ្នាំ មុខរបរ ជា អ្នកគ្រប់គ្រង អន្តេវាសិកដ្ឋានសិស្សនារី នៃសាលារៀនអាន់នៀក ម៉ះ ភ្នំពេញ ដែលស្ថិតនៅគីឡូម៉ែត្រលេខ៩ ក្នុងខណ្ឌ ឬស្សីកែវ រាជធានីភ្នំពេញ ។ តាមប្រភពព័ត៌មានបានឱ្យដឹងថា ការឃាត់ខ្លួនជនសង្ស័យបានធ្វើឡើង បន្ទាប់ពីព្រះរាជអាជ្ញាអមសាលាដំបូងរាជធានីភ្នំពេញ បញ្ជាឲ្យសមត្តកិច្ចនគរបាល កោះហៅជនសង្ស័យយកទៅសាកសួរ នៅនាយកដ្ឋាននគរបាលប្រឆាំងការជួញដូរមនុស្ស និងការពារអនីតិជន ។
ក្រោយពីមានការផ្សព្វផ្សាយបង្ហោះលើបណ្តាញសង្គម ដោយចោទប្រកាន់ថា លោក កាម៉ារូទីន ស៊ូហៃមី ជាប់ពាក់ពន្ធនិងករណីបៀតបៀនរាងកាយ និង រំលោភបំពានកុមារី ជាសិស្សសាលាខ្មែរឥស្លាម ។
គួរបញ្ជាក់ថា បន្ទាប់ពីមានការព័ត៌មានខាងលើនេះ សមត្តកិច្ចនាយកដ្ឋាននគ របាលប្រឆាំងការជួញដូរមនុស្ស និងការពារអនីតិជន បានបើកការស្រាវជ្រាវ និងរកឃើញកុមារីសិស្សសាលាខ្មែរឥស្លាម ដែលជាជនរងគ្រោះចំនួន០៤ នាក់ “អាយុ១៣ ឆ្នាំម្នាក់ អាយុ១៤ ឆ្នាំម្នាក់ និង អាយុ១៥ ឆ្នាំ ២ នាក់” ត្រូវបានជនសង្ស័យឈ្មោះ កាម៉ារូទីន ស៊ូហៃមី ប្រព្រឹត្តបទល្មើសប្រទូស្តកេរិ៍ និងរំលោភសេពសន្ថវៈ ក្នុងនោះជនរងគ្រោះបានដាក់ពាក្យបណ្តឹង០២ នាក់ មិនដាក់បណ្តឹង ០២ នាក់ និងសាក្សី០៤ នាក់ ផ្សេងទៀត បានចូលបំភ្លឺផ្តល់ព័ត៌ មានជូនសមត្តកិច្ច ។
នៅថ្ងៃទី១៥ ខែតុលា ឆ្នាំ ២០២៤ សង្ស័យត្រូវបានសមត្តកិច្ចនាយកដ្ឋាននគរបាលប្រឆាំងការជួញដូរមនុស្ស និងការពារអនីតិជន បានឃាត់ខ្លួនជនសង្ស័យជាផ្លូវការ តាមការអនុញ្ញាតពីស្ថប័នអយ្យការអមសាលាដំបូងរាជធានីភ្នំពេញ និងក្រោយពីឃាត់ខ្លួនសមត្ថកិច្ច បានកសាងសំណុំរឿង ដើម្បីចាត់ការតាមនីតិវិធីច្បាប់ ។
គួរបញ្ជាក់ទៀតថា កាលពីប៉ុន្មានថ្ងៃមុននេះលោក ឧកញ៉ា សុះ កំ រី បានបង្ហោះសារនៅក្នុងបណ្ដាញសង្គមឲ្យដឹងថា«ខ្ញុំអ្នកឧកញ៉ា សុះ កំរ៉ី ចាងហ្វាង នៃគណៈដឹកនាំជាន់ខ្ពស់នៃសាសនាឥស្លាម កម្ពុជា សូមជម្រាបជូនសាធារណៈជនជ្រាបថា ៖ ខ្ញុំបានឃើញ ពាក្យចចាមអារ៉ាម និងការចែកចាយបង្ហោះតាមបណ្តាញសង្គមអំពីករណីសិស្សនារីត្រូវបានរំលោភបំពាននៅសាលារៀន អាន់ នៀក ម៉ះភ្នំពេញ ដែលមានពាក់ពន្ធដល់កូនប្រុសរបស់ខ្ញុំ ឈ្មោះ សូហៃមី ជាអ្នកគ្រប់គ្រងអន្តេវាសិកដ្ឋានសិស្សនារី ។
បន្ទាប់ពីបានទទួលដំណឹងនេះ ខ្ញុំបានសាកសួរកូនប្រុសរបស់ខ្ញុំ ជាច្រើនលើកដើម្បីរកការពិត ហើយគាត់បានបដិសេធថា គាត់ មិនបានប្រព្រឹត្តដូចពាក្យចចាមអារ៉ាមនោះទេ “ខ្ញុំគាំទ្រក្នុងការរកការពិត ដើម្បីផ្ដល់យុត្តិធម៌ ជូនដល់ជនរងគ្រោះ” ៕
ចែករំលែកព័តមាននេះ