រាជធានីភ្នំពេញ ៖ ជនសង្ស័យពីរនាក់ត្រូវបានប្រជាពលរដ្ឋនាំគ្នាដេញចាប់ និងវា.យទ្រមខ្លួន បន្ទាប់ពីធ្វើសកម្មភាពឆ.ក់កាបូបពីនារីម្នាក់មិនបានសម្រេច ហើយប្រតាយប្រតប់គ្នាដួលម៉ូតូ ។ ហេតុការណ៍នេះបង្កឲ្យមានការភ្ញាក់ផ្អើល កាលពីម៉ោង១រសៀល ថ្ងៃទី១១…
រាជធានីភ្នំពេញ ៖ ជនសង្ស័យពីរនាក់ត្រូវបានប្រជាពលរដ្ឋនាំគ្នាដេញចាប់ និងវា.យទ្រមខ្លួន បន្ទាប់ពីធ្វើសកម្មភាពឆ.ក់កាបូបពីនារីម្នាក់មិនបានសម្រេច ហើយប្រតាយប្រតប់គ្នាដួលម៉ូតូ ។
ហេតុការណ៍នេះបង្កឲ្យមានការភ្ញាក់ផ្អើល កាលពីម៉ោង១រសៀល ថ្ងៃទី១១ ខែតុលា ឆ្នាំ ២០២៤ នៅតាមបណ្ដោយផ្លូវលេខ១៩៦២ ក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
ជនសង្ស័យ១.ឈ្មោះ ធន់ ប៊ុនថេន អាយុ១៧ឆ្នាំ ២.ហេង សំណាង អាយុ១៥ឆ្នាំ ។ តាមព័ត៌មានឱ្យដឹងថា នៅមុនគេកើតហេតុ ជនសង្ស័យមានគ្នាពីរនាក់ ជិះម៉ូតូមួយគ្រឿងម៉ាកស្កុបពី ពណ៌សលាយឈាមជ្រូក ពាក់ផ្លាកលេខភ្នំពេញ១AT.៣៤២៤ មួយគ្រឿងធ្វើដំណើរតាមបណ្ដោយផ្លូវលេខ១៩៦២ នៅក្នុងទិសដៅពីលិចទៅកើត នៅពេលធ្វើដំណើរដល់ចំណុចកើតហេតុជិតដល់ប្រឡាយទឹកស្អុយក៏បានធ្វើសកម្មភាពឆ.ក់កាបូបពីស្ត្រីម្នាក់ពីម៉ូតូម៉ាក copy មួយគ្រឿង ធ្វើដំណើរស្របទិសគ្នា ។
នៅក្នុងសកម្មភាពឆ.ក់ពុំបានសម្រេចដោយមានការប្រតាយប្រតប់ទាញកាបូបគ្នា បណ្តាលអោយដួលម៉ូតូទាំងពីរគ្រឿង ហើយស្ត្រីរងគ្រោះក៏បានស្រែកឆោឡោ ហើយបង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចនាំគ្នាដេញចាប់បានជនសង្ស័យពីរនាក់ ខណៈពេលដែលព្យាយាមរត់គេចខ្លួនចូលទៅក្នុងបុរីពិភពថ្មីនៅក្បែរនោះ ។ បន្ទាប់ពីឃាត់ខ្លួនត្រូវបានប្រជាពលរដ្ឋនាំគ្នាស្វាគមន៍ដៃមួយជើងទ្រោមខ្លួនផងដែរ ។ ជនសង្ស័យទាំងពីរនាក់ត្រូវបាននគរបាលបញ្ជូនទៅស្នាក់ការប៉ុស្តិ៍នគរបាលក្រាំងធ្នង់ រួចបញ្ជូនបន្តទៅអធិការដ្ឋានខណ្ឌសែនសុខ ដើម្បីចាត់ការតាមច្បាប់ ៕
ចែករំលែកព័តមាននេះ