ថៃ ៖ បាតុភូតចម្លែកមួយត្រូវបានគេរាយការណ៍ថា នៅតាមបណ្តោយឆ្នេរ Pranburi ក្នុងខេត្តប្រាច់ឈុមខីរីខាន បន្ទាប់ពីអ្នកស្រុកបានប្រទះឃើញ ហ្វូងសត្វសមុទ្រតូចៗ ជាច្រើនរាប់មិនអស់ ត្រូវបានបោកបក់មកទើលើច្រាំង…
ថៃ ៖ បាតុភូតចម្លែកមួយត្រូវបានគេរាយការណ៍ថា នៅតាមបណ្តោយឆ្នេរ Pranburi ក្នុងខេត្តប្រាច់ឈុមខីរីខាន បន្ទាប់ពីអ្នកស្រុកបានប្រទះឃើញ ហ្វូងសត្វសមុទ្រតូចៗ ជាច្រើនរាប់មិនអស់ ត្រូវបានបោកបក់មកទើលើច្រាំង ហើយដែលបាតុភូតមួយនេះកំពុងបង្កការភ្ញាក់ផ្អើលដល់ប្រជាជននៅក្នុងតំបន់ក៏ដូចជា ភ្ញៀវទេសចរថា តើជាប្រផ្នូលអ្វីឱ្យប្រាកដ ។ នេះបើយោងតាមការចុះផ្សាយរបស់សារព័ត៌មានថៃ The Nation នៅថ្ងៃទី០៩ ខែតុលា ឆ្នាំ២០២៤ ។
ហ្វូងសត្វសមុទ្រតូចៗទាំងនេះ ស្រដៀងទៅនឹងកូនមឹកដែលមានរូបរាងស្រដៀងនឹងម្ជុល ឬកម្ទេចកញ្ចក់ពណ៌ស ត្រូវបានប្រទះឃើញងា.ប់រាយប៉ាយ នៅតាមបណ្តោយប្រវែងជាង៥គីឡូម៉ែត្រពីឧទ្យានព្រៃឈើ Thao Ko Sa ទៅទីក្រុង Pak Nam Pran ។ អាជីវករដែលប្រកបរបររកស៊ីតាមឆ្នេរសមុទ្រមួយនេះអស់ជាច្រើនទស្សវត្សរ៍មកហើយ បាននិយាយថា ពួកគេមិនធ្លាប់បានឃើញសត្វចម្លែកទាំងនេះពីមុនមកទេ ហើយពួកគាត់បានណែនាំឱ្យភ្ញៀវដែលមកលេងកុំឱ្យចុះហែលទឹក ។ អ្នកស្រុកមនុស្សមួយចំនួនបានខ្លាCថា ពួកវាជាសត្វដង្កូវទឹកសមុទ្រ ឬដង្កូវទឹកចាហួយ ប៉ុន្តែការពិនិត្យបន្ថែមបានបញ្ជាក់ថា ពួកវាគ្រាន់តែជាសំបកសត្វ Creseis ហ្វូងសត្វទាំងនេះជំរុញឱ្យអ្នកជិះក្តារខ្លែងលើសមុទ្រ និងអ្នកដើរលេងឆ្នេរបានត្អូញត្អែរថា ពួកវាបានតោងជាប់សម្លៀកបំពាក់ និងមុតស្បែករបស់ពួកគេ ។
យុវតីអ្នកជិះក្តារខ្លែងលើសមុទ្រម្នាក់ឈ្មោះ Noey Varinya បានបង្ហោះឃ្លីបដែលបង្ហាញពីសត្វចម្លែកនេះមុតជាប់សម្លៀកបំពាក់របស់នាង និងបញ្ហាដែលនាង និងមិត្តរបស់នាងត្រូវដោះស្រាយ ដើម្បីយកវាចេញដោយប្រុងប្រយ័ត្ន ដោយនាងបានព្រមានមនុស្សអំពីវត្តមានរបស់ពួកគេនៅក្នុងទឹករាក់ ។ ដើម្បីទប់ស្កាត់ការភ័យខ្លាច និងពាក្យចចាមអារាម អ្នកជំនាញមួយរូបបានអះអាងថា កាកសំណល់ដែលមានទម្រង់ដូចម្ជុលទាំងនេះ គឺជាសំបករបស់សត្វ Creseis ដែលជាប្រភេទខ្យងសមុទ្រ ដែលមានរូបរាងស្រដៀងនឹងសត្វមឹក លោកសាស្ត្រាចារ្យបណ្ឌិត ថន ថារ៉ុងណាវ៉ាសាវ៉ាត អ្នកជំនាញបរិស្ថានវិទ្យាសមុទ្របានចេញមកបកស្រាយអំពីបាតុភូតខាងលើ ដោយអះអាងថា ជាធម្មតាវា ពួកវាគ្មានគ្រោះថ្នាក់ ឬពឹសនោះទេ ប៉ុន្តែអាចបង្កការរំខាននៅពេលដែលវាជាប់នឹងស្បែក ឬសម្លៀកបំពាក់ ។
អ្នកជំនាញបរិស្ថានវិទ្យាសមុទ្រ អះអាងសត្វប្រភេទនេះ ពួកវារស់នៅជាក្រុមធំ ដើម្បីបន្តពូជ ហើយពួកវាបានងា.ប់នៅនៅក្នុងមហាសមុទ្រ ទើបរលកបោកបក់មកកាន់ច្រាំងបែបនេះ វាមិនមានពាក់ព័ន្ធនឹងគ្រោះមហន្តរាយអ្វីឡើយ កុំខ្លាចអី ព្រោះសត្វទាំងនេះមិនមែនមកពីទឹកជ្រៅ ឬបាតសមុទ្រនោះទេ ។
យ៉ាងណាមិញ អាជ្ញាធរខេត្តប្រាច់ឈុមខីរីខាន កំពុងជំរុញឲ្យមានការប្រុងប្រយ័ត្ន ជាពិសេសចំពោះក្មេងតូចៗព្រោះសត្វទាំងនេះអាចបង្កឲ្យមានរបួសស្រាល ប្រសិនបើមានការវា.យប្រហារ ។ អ្នកទៅលេងឆ្នេរ Pranburi ត្រូវបានគេណែនាំឱ្យពិនិត្យមើលច្រាំងសមុទ្រមុនពេលអនុញ្ញាតឱ្យកុមារហែលទឹក ។
គួរកត់សម្គាល់ថា បាតុភូតបែបនេះត្រូវបានគេប្រទះឃើញលើកចុងក្រោយក្នុងប្រទេសថៃ កាលពីឆ្នាំ២០២១ នៅឆ្នេរសមុទ្រ Ban Krut ជាឆ្នេរមួយទៀត ក្នុងខេត្តប្រាច់ឈុមខីរីខាន នេះផងដែរ ៕
ចែករំលែកព័តមាននេះ