ខេត្តស្វាយរៀង ៖ មានគ្រោះថ្នាក់ចរាចរណ៍មួយ កើតឡើងដោយសាររថយន្តសារីទំនើប បុកបន្តកន្ទុយគ្នា ចំនួន០៤គ្រឿង និងម៉ូតូ០១គ្រឿងទៀត បណ្តាលឲ្យអ្នកបើកម៉ូតូរងរបួស និងបង្កឲ្យខូចខាតរថយន្តទាំង០៤គ្រឿង យ៉ាងដំណំផងដែរ…
ខេត្តស្វាយរៀង ៖ មានគ្រោះថ្នាក់ចរាចរណ៍មួយ កើតឡើងដោយសាររថយន្តសារីទំនើប បុកបន្តកន្ទុយគ្នា ចំនួន០៤គ្រឿង និងម៉ូតូ០១គ្រឿងទៀត បណ្តាលឲ្យអ្នកបើកម៉ូតូរងរបួស និងបង្កឲ្យខូចខាតរថយន្តទាំង០៤គ្រឿង យ៉ាងដំណំផងដែរ ។
ករណីគ្រោះថ្នាក់ចរាចរណ៍នេះ បានកើតឡើងនៅវេលាម៉ោង១២និង២៥នាទីរសៀលថ្ងៃទី២០ ធ្នូ ២០២៤ នៅលើកំណាត់ផ្លូវជាតិលេខ១ នៅខាងមុខកាស៊ីណូពិភពថ្មី ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ។
បើតាមអ្នកឃើញហេតុការផ្ទាល់ភ្នែក បានឲ្យដឹងថា មូលហេតុអ្នកបើកបររថយន្តជាជនជាតិចិនម្នាក់ បើកបររថយន្តម៉ាក ឡុចស៊ីស ពណ៌ស ពាក់ស្លាកលេខភ្នំពេញ 2BX-6880 បើកបរក្នុងល្បឿនលឿន ខណៈរថយន្តខាងមុខ បានបុកម៉ូតូ០១គ្រឿង ហើយចាប់ហ្វ្រាំង ក៏ត្រូវរថយន្ត ឡុចស៊ីស បុកពីក្រោយបន្ថែមពេញទំហឹង បន្តបុករះរថយន្តចំនួន០២គ្រឿងផ្សេងទៀត ដែលធ្វើដំណើស្របទិសគ្នា គឺបុកបន្តកន្ទុយគ្នា តែម្តង ។
ក្រោយកើតហេតុ សមត្ថកិច្ច នៃអធិការដ្ឋាននគបាលក្រុងបាវិត មកធ្វើការវាស់វែង រួចស្ទូចរថយន្តទាំង០៤គ្រឿង និងម៉ូតូ យកទៅអធិការដ្ឋាននគរបាលក្រុងបាវិត ដើម្បីដោះស្រាយតាមនីតិវិធី ។ ចំណែកអ្នករបួស បញ្ជូនទៅព្យាបាលនៅមណ្ឌលសុខភាពបាវិត ៕
ចែករំលែកព័តមាននេះ