កសិករ និងអ្នកនាំចេញស្រូវក៏ដូចជា អង្ករសូមប្រុងប្រៀបខ្លួនឲ្យហើយពីព្រោះឥណ្ឌាដែលបានដាក់បម្រាមនាំចេញអង្ករ ដើម្បីរក្សាសន្តិសុខស្បៀងនៅក្នុងប្រទេសនោះនៅពេលនេះ បានប្រកាសដកបម្រាមនោះចេញវិញហើយ ។ តាមកាសែតបាងកកប៉ុស្តិ៍បានឲ្យដឹងថា គ្រាន់តែឥណ្ឌាប្រកាសដកបម្រាមនាំចេញអង្ករនេះភ្លាម តម្លៃអង្ករសរនៅលើទីផ្សារអន្តរជាតិបានធ្លាក់ចុះភ្លាមៗ ។…
កសិករ និងអ្នកនាំចេញស្រូវក៏ដូចជា អង្ករសូមប្រុងប្រៀបខ្លួនឲ្យហើយពីព្រោះឥណ្ឌាដែលបានដាក់បម្រាមនាំចេញអង្ករ ដើម្បីរក្សាសន្តិសុខស្បៀងនៅក្នុងប្រទេសនោះនៅពេលនេះ បានប្រកាសដកបម្រាមនោះចេញវិញហើយ ។
តាមកាសែតបាងកកប៉ុស្តិ៍បានឲ្យដឹងថា គ្រាន់តែឥណ្ឌាប្រកាសដកបម្រាមនាំចេញអង្ករនេះភ្លាម តម្លៃអង្ករសរនៅលើទីផ្សារអន្តរជាតិបានធ្លាក់ចុះភ្លាមៗ ។ សារព័ត៌មាននេះបានរាយការណ៍ថា តម្លៃអង្ករសក្នុងស្រុករបស់ថៃបានចាប់ផ្តើមធ្លាក់ចុះបន្ទាប់ពីប្រទេសឥណ្ឌាបានបន្តការនាំចេញអង្ករស ដែលមិនមែនប្រភេទអង្ករបាសម៉ាទី ។
មកដល់ពេលនេះនៅពេលដែលឥណ្ឌាប្រកាសដកបម្រាមចេញភ្លាមពិភពលោក ត្រូវគេបានប៉ានប្រមាណថា នឹងមានបរិមាណស្តុកអង្ករនៅលើទីផ្សារអន្តរជាតិកើនឡើងពី៥ទៅ៦លានតោននៅក្នុង១ឆ្នាំ ។ កាលពីថ្ងៃចន្ទដើមសប្តាហ៍នេះ អង្ករសបាក់៥ភាគរយ របស់ឥណ្ឌាត្រូវបានប្រកាសនាំចេញត្រឹមតម្លៃប្រហែល៤៩០ដុល្លារប៉ុណ្ណោះនៅក្នុងមួយតោន ។ ការប្រកាសនេះបានធ្វើឲ្យតម្លៃអង្ករបាក់៥ភាគរយ របស់ប្រទេសថៃ បានធ្លាក់ចុះពី ៥៥០ដុល្លារទៅ៥២០ដុល្លារក្នុងមួយតោន ។
គិតត្រឹមថ្ងៃទី០៧ ខែតុលា ឆ្នាំ២០២៤ តម្លៃស្រូវសើមដែលសហព័ន្ធស្រូវអង្ករកម្ពុជាបានប្រកាសនៅតែមានតម្លៃសមរម្យ ដោយមួយគីឡូក្រាមអាចលក់ចេញពី១០០០រៀលទៅ១.២៤០ រៀល ខណៈដែលមុននេះ ២ខែតម្លៃអង្ករបាក់៥ភាគរយរបស់កម្ពុជា គឺមានតម្លៃពី៦៥០ ដុល្លារទៅដល់១.៤០០ ដុល្លារនៅក្នុងមួយតោនទៅតាមប្រភេទអង្ករ ។
អង្ករបាក់៥ភាគរយជាប្រភេទអង្ករសកម្ពុជាត្រូវបានគេដឹងថា មានតម្លៃប្រមាណជា៦៥០ដុល្លារទៅ៦៧០ ដុល្លារ នៅក្នុងមួយតោន ។តាមទិន្នន័យ statista.com មកដល់ពេលនេះ នៅលើពិភពលោកនៅក្នុងចំណោមកំពូលប្រទេសទាំង១០ នៃកានាំចេញអង្ករទោះបីជាកម្ពុជាមិនឈរនៅលេងរៀងទី១មែន តែកម្ពុជាក៏ស្ថិតនៅលំដាប់កំពូលមួយដែរ ។ នៅក្នុងតារាងឥណ្ឌាលេខ១ ថៃលេខ២ វៀតណាមលេខ៣ ប៉ាគីស្ថានលេខ៤ អាមេរិកលេខ៥ ចិនលេខ៦ ហើយកម្ពុជាលេខ៧ មីយ៉ាន់ម៉ាលេខ៨ ប្រេស៊ីលលេខ៩ និងអ៊ុយរ៉ាហ្គាយលេខ១០ ។
តាមតួលេខពីសហព័ន្ធស្រូវអង្ករកម្ពុជា បានឲ្យដឹងថា ដល់៨ខែនៃឆ្នាំ២០២៤ កម្ពុជាបាននាំចេញអង្ករសរុបចំនួន៤១២.០២៣ តោននៅក្នុងតម្លៃ ៣០៥ លានដុល្លារទៅប្រទេស ៦៤ តែស្រូវ គឺអាចនាំចេញបានដល់ទៅ៣,៣លានតោន ដែលមានតម្លៃ៩១៨ លានដុល្លារ ។
នេះ គឺជាសក្តានុពលនៃវិស័យស្រូវអង្ករកម្ពុជា ដែលសម្រេចបាន ប៉ុន្តែទោះបីជាយ៉ាងណាក៏ដោយសមិទ្ធផលនេះបានសម្រេចបាន គឺនៅក្នុងអំឡុងពេលដែលឥណ្ឌាដែលជាទីផ្សារអង្ករធំបំផុតរឹតត្បិតការនាំចេញ ដោយសារតែបញ្ហាអសន្តិសុខស្បៀងនៅក្នុងប្រទេស តែពេលនេះឥណ្ឌាដកបម្រាមវិញ ដូច្នេះផលប៉ះពាល់នឹងមានទោះដោយប្រយោលក្តី ។
គេដឹងថា មកដល់ពេលនេះទីផ្សារអង្ករកម្ពុជាភាគច្រើន គឺជាទីផ្សារអង្ករប្រណីតដែលមានតម្លៃថ្លៃព្រោះគុណភាពវាមិនសូវចោទទេ ប៉ុន្តែស្រូវអាចមានបញ្ហាពីព្រោះស្រូវភាគច្រើន ដែលប្រទេសជិតខាងមកទិញ ពីកម្ពុជាអាចជាប្រភេទស្រូវផ្តល់អង្ករស ដែលងាយស្រួលលក់ងាយស្រួលដាំឆាប់បានផល ។
នៅក្នុងរយៈពេល៩ ខែនៃឆ្នាំ២០២៤ នេះវៀតណាមនាំចេញអង្ករបានជាង៧ លានតោន នៅក្នុងតម្លៃសរុប ៤,៣៧ ពាន់លានដុល្លារ ហើយជាមធ្យមតម្លៃអង្ករវៀតណាមលក់ចេញ បានមួយតោន៦២៤ ដុល្លារ តែក្រោយពេលដែលឥណ្ឌាបើកទីផ្សារអង្ករវិញ តម្លៃអង្ករវៀតណាមធ្លាក់ចុះស្រឹបដែរ ។
តាមសារព័ត៌មាន VN Express បានរាយការណ៍ថា អង្ករវៀតណាមនាំចេញនៅខែកញ្ញា បានធ្លាក់ចុះមកនៅត្រឹមតែ ៥៤៨ ដុល្លារប៉ុណ្ណោះនៅក្នុងមួយតោន គឺធ្លាក់ចុះជាង៧០ ដុល្លារ ។
ផ្អែកតាមទឡ្ហីករណ៍នេះ សហព័ន្ធស្រូវអង្ករកម្ពុជា និងស្ថាប័នពាក់ព័ន្ធគួរតែត្រៀមខ្លួនទុកជាមុន ដើម្បីលៃលកឬចាត់វិធានការណ៍ ពីព្រោះតែស្រូវ/អង្ករធ្លាក់ថ្លៃ កសិករ និងអ្នកនាំចេញ ក៏ដូចជាអ្នករកស៊ីអង្ករនឹងស្រែកមិនខាន ៕
ចែករំលែកព័តមាននេះ