ក្រុងព្រះសីហនុ ៖ ​បុរសម្នាក់ត្រូវជនដៃដល់ចាក់ បណ្តាល​ឱ្យ​ស្លា.ប់ភ្លាមៗនៅកន្លែងកើតហេតុ​ ក្នុងទំនាស់ពាក្យសម្តីគ្នា នៅចំណុចក្រុមទី១៦ ភូមិ១( ភូមិដូង) សង្កាត់លេខ៤ ក្រុងព្រះសីហនុ វេលាម៉ោង១៦ និង ៥៥នាទីល្ងាច ថ្ងៃទី៧ ខែតុលា ឆ្នាំ២០២៤។

ជនរងគ្រោះដែលស្លាប់ឈ្មោះ អ៊ុក ពេជ្រ ភេទប្រុស អាយុ ៣៣ឆ្នាំ ស្នាក់នៅភូមិ១ សង្កាត់លេខ៤ ក្រុងព្រះសីហនុ ខេត្តព្រះសីហនុ ។

តាមរបាយការណ៍បញ្ជាក់បន្ថែមថា រយៈពេល២ម៉ោងក្រោយកើតហេតុ សមត្ថកិច្ចជំនាញការិយាល័យនគរបាលព្រហ្មទណ្ឌកម្រិតធ្ងន់ បានធ្វើការស្រាវជ្រាវរហូតឈានទៅឃាត់ខ្លួនជនសង្ស័យម្នាក់ជាជនដៃដល់ នៅក្រុមទី១៦ ភូមិ១( ភូមិដូង)សង្កាត់លេខ៤ ក្រុងព្រះសីហនុ។

ជនសង្ស័យដែលត្រូវឃាត់ខ្លួន​ឈ្មោះ ហ៊ាន រិទ្ធី ភេទប្រុស អាយុ ៣៤ឆ្នាំ ស្នាក់នៅភូមិ១ សង្កាត់លេខ៤ ក្រុងព្រះសីហនុ។

ជនសង្ស័យបានឆ្លើយសារភាពប្រាប់សមត្ថកិច្ចថា ខ្លួនបានយកដែកមុតស្រួ​ច​ចា​ក់ទៅលើជនរ​ងគ្រោះ បណ្តាល​ឱ្យស្លាប់ ដោយសារ​មូលហេតុមានទំនាស់ពាក្យសំដីគ្នាជាមួយជនរ​ងគ្រោះ រឿងមករកបាយហូបនៅផ្ទះអ៊ំ​ នៅម្ដុំភូមិដូង តែជនរងគ្រោះហាមមិនឲ្យមក ក៏កើតទៅជាទំនាស់ និងហិង្សាដាក់គ្នាទៅវិញទៅមក។

បើតាមរបាយការណ៍ពីសមត្ថកិច្ចបញ្ជាក់ថា ក្នុងពេលជម្លោះហិង្សា ជនរងគ្រោះមានកាន់កាំបិតប៉័ងតោ ឯជនសង្ស័យកាន់ដែកមុតស្រួច ក្នុងនោះជនសង្ស.យ័បានចា​ក់ទៅលើជនរ​ងគ្រោះ បណ្ដាលឲ្យស្លាប់ភ្លាមៗនៅកន្លែងកើតហេតុ។

បច្ចុប្បន្ន ជនសង្ស័យត្រូវបានសមត្ថកិច្ចនាំយកមកកសាងសំណុំរឿងតាមនីតិវិធី ចាត់ការតាមផ្លូវច្បាប់ ៕