ខេត្តបាត់ដំបង ៖ ដោយតូចចិត្តនឹងការធ្វើស្រែមិនបានផល ហើយថែមទាំងជំពាក់បំណុកគេវ័ណ្ឌកទៀត បានជំរុញឲ្យយុវជនម្នាក់សម្រេចចិត្តជ្រើសរើសយកផ្លូវធ្វើ«អត្តឃា.តខ្លួន»បញ្ចប់ជីវិតទាំងវ័យក្មេង ដើម្បីឲ្យរួចផុតពីការទទូលខុសត្រូវក្នុងគ្រួសារ និងផុតពីបំណុល កាលពីវេលាម៉ោង៨និង២៥នាទីយប់ ថ្ងៃទី០៥ តុលា…
ខេត្តបាត់ដំបង ៖ ដោយតូចចិត្តនឹងការធ្វើស្រែមិនបានផល ហើយថែមទាំងជំពាក់បំណុកគេវ័ណ្ឌកទៀត បានជំរុញឲ្យយុវជនម្នាក់សម្រេចចិត្តជ្រើសរើសយកផ្លូវធ្វើ«អត្តឃា.តខ្លួន»បញ្ចប់ជីវិតទាំងវ័យក្មេង ដើម្បីឲ្យរួចផុតពីការទទូលខុសត្រូវក្នុងគ្រួសារ និងផុតពីបំណុល កាលពីវេលាម៉ោង៨និង២៥នាទីយប់ ថ្ងៃទី០៥ តុលា នៅក្នុងរោងចាំស្រែរបស់ខ្លួន ស្ថិតក្នុងភូមិអូរតាគី ឃុំអូរតាគី ស្រុកថ្មគោល ។
យោងតាមសេចក្ដីរាយការណ៍បានឲ្យដឹងថា យុវជនដែលធ្វើអត្តឃា.តបញ្ចប់ជីវិតឈ្មោះ ព្រឿន រ៉ាមេឃ អាយុ២១ឆ្នាំ រស់នៅក្នុងភូមិ ឃុំខាងលើ ។
ជនរងគ្រោះរូបនេះបានធ្វើ «អត្តឃា.ត» ដោយប្រើប្រាស់ខ្សែលួច «ចងក» នៅក្នុងរោងទុកសម្ភារៈនៅឯស្រែរបស់ខ្លួន លុះក្រុមគ្រួសារដឹង ទើបមានការភ្ញាក់ផ្អើលក៏រាយការណ៍ប្រាប់សមត្ថកិច្ចភ្លាមៗដែរ ។ លោក សេង លុច អធិការស្រុកថ្មគោល បាននិយាយថា បើតាមការបំភ្លឺនានា ពីជីដូនជនរងគ្រោះបានប្រាប់ថា យុវជនរូបនេះបានព្យាយាមធ្វើអត្តឃា.តប៉ុន្មានថ្ងៃកន្លងមកហើយ តែគាត់បានព្យាយាមតាមឃាត់ និង រារាំងរហូត ។
លោកអធិការបានស្រង់សម្ដីជីដូនទៀតថា ប៉ុន្មានឆ្នាំកន្លងមកនេះ ជនរងគ្រោះធ្វើស្រែមិនសូវបានផល ហើយជំពាក់បំណុលគេទៀត ដែលជាហេតុធ្វើឲ្យចៅប្រុសរូបនេះ តូចចិត្តរហូតប៉ុនប៉ង់ធ្វើអត្តឃា.តច្រើនលើកច្រើនសារ តែជៀសមិនផុតដល់ឆ្នាំនេះ ធ្វើស្រែខាតបង់ទៀត ទើបចៅប្រុសគាត់ធ្វើអត្តឃា.តនៅរោងចាំស្រែរហូតបានសម្រេចតែម្ដង ។ បើតាមមន្ត្រីមូលដ្ឋានបាននិយាយថា ឆ្នាំនេះជនរងគ្រោះធ្វើស្រែមិនទទួលបានផលល្អ ខាតបង់ ហើយថែមទាំងជំពាក់បំណុលគេជាង២០០០ដុល្លាទៀត ។
ប្រភពដដែលបានបញ្ជាក់ថា ដោយសារតែធ្វើស្រែមិនបានផល ហើយជំពាក់បំណុលគេវ័ណ្ឌកទៀត ទើបធ្វើឲ្យយុវជនរូបនេះខូចចិត្តរហូតគិតខ្លី ក៏សម្រេចចិត្តធ្វើ«អត្តឃា.ត» បញ្ចប់ជីវិត ដើម្បីគេចផុតពីភាពអម្រែកដ៏ស្មុគស្មាញនេះ ។ ប៉ុន្តែយ៉ាងណា នេះមិនមែនជាដំណោះស្រាយល្អ ដែលមនុស្សទូទៅត្រូវយកតម្រាប់តាមឡើយ នៅពេលជួបវិបត្តិក្នុងគ្រួសារ ដូចយុវជនខាងលើនេះ ។ គេគូរតែរិះរកគ្រប់មធ្យាយ ដើម្បីដោះស្រាយរាល់បញ្ហានានាដែលបានកើតឡើង ។
គេជឿថា រាល់បញ្ហាដែលបានកើតឡើងសុទ្ធតែអាចដោះស្រាយចេញទាំងអស់សំខាន់តើយើងមានឆន្ទៈ ចង់រកដំណោះស្រាយរាល់បញ្ហាដែលបានកើតឡើងនោះដែរ ឬអត់ ?៕
ចែករំលែកព័តមាននេះ