រាជធានីភ្នំពេញ ៖ ដីសួនច្បារនៅសួនច្បារចំណុចនាគបាញ់ទឹក មហាវិថីព្រះសីហនុ ក្នុងសង្កាត់ទន្លេបាសាក់ ខណ្ឌចំការមន បានបាក់ស្រុត បណ្តាលឱ្យដើមក្ងោកធំ១ដើមរលើងគល់ដួលរលំ និងរបើកការ៉ូឡាផ្អើលដល់អ្នករស់នៅម្ដុំនោះ កាលពីវេលាទៀបភ្លឺថ្ងៃទី៥ ខែតុលា ឆ្នាំ២០២៤ កន្លងទៅ ។
បើតាមអ្នកដើរហាត់ប្រាណនៅទីនោះនិយាយថា ពួកគាត់បានដើរហាត់ប្រាណនៅសួនច្បារចំណុចខាងលើជារៀងរាល់ព្រឹក ។ ដោយឡែក នៅវេលាម៉ោងប្រមាណជា៥ និង៣០នាទីព្រឹកព្រលឹមថ្ងៃទី៥ ខែតុលានោះ ខណៈគាត់ជិះម៉ូតូមកដល់ ដើម្បីដើរហាត់ប្រាណដូចសព្វមួយដង ស្រាប់តែឃើញដើមក្ងោកធំ១ដើម រលើងគល់ដួលមកលើសួនច្បារ រួមជាមួយនឹងការ៉ូឡាជាច្រើនដុំស្រុតចុះទៅក្រោម ដែលមានជម្រៅជាច្រើនម៉ែត្រ ។
ភ្លាមៗនោះ ពួកគាត់បានរាយការណ៍ទៅអាជ្ញាធរមូលដ្ឋានឲ្យមកពិនិត្យមើល ។ បន្តិចក្រោយមក អាជ្ញាធរមូលដ្ឋាន រួមជាមួយមន្ត្រីមន្ទីរសាធារណការនិងដឹកជញ្ជូនរាជធានីភ្នំពេញ បានមកពិនិត្យនិងកាត់យកដើមក្ងោកចេញ ដើម្បីកុំឱ្យកកស្ទះដល់អ្នកដើរហាត់ប្រាណនៅលើសួនច្បារផងដែរ ៕
ចែករំលែកព័តមាននេះ