បន្ទាយមានជ័យ ៖ ឃាត់ខ្លួនជនសង្ស័យ២នាក់ដែលខ្ចីម៉ូតូមិត្តភក្តិ១គ្រឿងទៅជិះហើយយកទៅបញ្ចាំត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៦ ខែតុលា ឆ្នាំ២០២៤ ។ លោកវរៈសេនីយ៍ត្រី នួន នីណារ៉ូ…
បន្ទាយមានជ័យ ៖ ឃាត់ខ្លួនជនសង្ស័យ២នាក់ដែលខ្ចីម៉ូតូមិត្តភក្តិ១គ្រឿងទៅជិះហើយយកទៅបញ្ចាំត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៦ ខែតុលា ឆ្នាំ២០២៤ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ថា ៖ ជនសង្ស័យ២នាក់ ដែលត្រូវឃាត់ខ្លួនមាន ១.ឈ្មោះ សុន វុធធឿន ហៅតឿ ភេទប្រុស អាយុ២៣ឆ្នាំ ២.ឈ្មោះ ឡា លាន ហៅតាំងតោ ភេទប្រុស អាយុ២៤ឆ្នាំ រស់នៅភូមិចាន់គីរី សង្កាត់/ក្រុងប៉ោយប៉ែត ។
លោកបានបញ្ជាក់ថា ៖ ក្រោយទទួលពាក្យបណ្តឹងឈ្មោះ មាស កក្តដា ហៅវ៉ាង ភេទប្រុសអាយុ២០ឆ្នាំ រស់នៅភូមិជាមួយគ្នា បានប្តឹងជនសង្ស័យ២នាក់ មាន១.ឈ្មោះ សុន វុធធឿន ១.ឈ្មោះ ឡា លាន បានខ្ចីម៉ូតូម៉ាក់ហុងដា ឌ្រីម១គ្រឿងទៅជិះហើយត្រូវបានយកទៅបញ្ចាំបាត់ កាលពីថ្ងៃទី០៣ ខែតុលា ឆ្នាំ២០២៤ នៅចំណុចមុខកាស៊ីណូហ្គោដវើល ស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត។
លោកវរៈសេនីយ៍ត្រី នួន នីណារ៉ូ បានបញ្ជាក់ថា៖ក្រោយទទួលពាក្យបណ្តឹងកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវ និងកំណត់មុខសញ្ញាឃាត់ខ្លួនជនសង្ស័យ២នាក់ និងដកហូតម៉ូតូបាន១គ្រឿង របស់ជនសង្ស័យត្រូវបានបញ្ជូនមកទីបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ដើម្បីសាកសួរ និងកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់ ៕
ចែករំលែកព័តមាននេះ