ស្រុតដីជិត១០ម៉ែត្រ រលើងគល់ក្ងោកមួយដើម រលំទាំងឫស នៅសួនច្បារនាគបា.ញ់ទឹក
រាជធានីភ្នំពេញ ៖ បាក់ស្រុតដី សួនច្បារនាគបាញ់ទឹក បណ្តាលអោយដើមក្ងោក មួយដើម នឹងការ៉ូឡាមួយចំនួន ត្រូវបានស្រុតទៅក្រោម ផ្អើលប្រជាពលរដ្ឋ ។…
រាជធានីភ្នំពេញ ៖ បាក់ស្រុតដី សួនច្បារនាគបាញ់ទឹក បណ្តាលអោយដើមក្ងោក មួយដើម នឹងការ៉ូឡាមួយចំនួន ត្រូវបានស្រុតទៅក្រោម ផ្អើលប្រជាពលរដ្ឋ ។
ហេតុការណ៍នេះបង្កភ្ញាក់ផ្អើល កាលពីយប់ទៀបភ្លឺឈានចូលថ្ងៃទី០៥ ខែតុលា ឆ្នាំ២០២៤ នៅចំណុចសួនច្បារនាគបាញ់ទឹក តាមបណ្តោយមហាវិថី ព្រះសីហនុ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បើតាមប្រភពព័ត៌មានពលរដ្ឋជាអ្នកដើរហាត់ប្រាណ បានប្រាប់អោយដឹងថា គាត់បានដើរហាត់ប្រាណ នៅតាមសួនច្បារនៅចំណុចកើតហេតុនេះ ជារៀងរាល់ព្រឹកព្រលឹម ប៉ុន្តែនៅវេលាម៉ោងប្រមាណជា០៥និង៣០នាទីព្រឹកព្រលឹម ខណៈគាត់បានជិះម៉ូតូមកឈប់ ដើម្បីដើរហាត់ប្រាណ ក៍ស្រាប់តែបានឃើញដើមឈើមួយដើម ប្រភេទដើមក្ងោក បានរលើងគល់ ដួលសង្កត់មកលើសួនច្បារ រួមជាមួយនឹង ការ៉ូឡាជាច្រើនដុំ បានស្រុតចុះទៅក្រោមដី ដែលមានជម្រៅ ប្រមាណជិត១០ម៉ែត្រ ទើបភ្លាមៗគាត់បានប្រញាប់ទំនាក់ទំនងទៅអាជ្ញាធរមូលដ្ឋានជួយមកចុះត្រួតពិនិត្យទីតាំងកើតហេតុនេះតែម្តង ។
ក្រោយពេលកើតហេតុ អាជ្ញាធរមូលដ្ឋានរួមជាមួយមន្ត្រីជំនាញសាធារណការ រាជធានីភ្នំពេញ បានចុះមកត្រួតពិនិត្យ នឹងបានកាត់យកដើមក្ងោកចេញ ដើម្បីកុំអោយកកស្ទះ ទៅដល់ប្រជាពលរដ្ឋ ក្នុងការដើរហាត់ប្រាណដោយថ្មើរជើងលើសួនច្បារនេះផងដែរ ៕
ចែករំលែកព័តមាននេះ