គោលដៅដែលរដ្ឋាភិបាលកម្ពុជាបានកំណត់នៅក្នុងការប្រែក្លាយប្រទេសឲ្យទៅជាប្រជាជាតិមួយនៅក្នុង ចំណោមប្រជាជាតិដែលមានចំណូលមធ្យមកម្រិតខ្ពស់នៅឆ្នាំ២០៣០ អាចលំបាកបន្តិចកុំថាឡើយដល់ ក្លាយជាប្រទេសដែលមានចំណូលខ្ពស់នៅក្នុងឆ្នាំ២០៥០ ។ ដើម្បីសម្រេចបានទៅតាមចក្ខុវិស័យនេះលុះត្រាតែកម្ពុជាអាចអភិវឌ្ឍន៍ប្រទេសហើយលើកកម្ពស់កម្រិត ជីវភាពប្រជាពលរដ្ឋធ្វើយ៉ាងណាបង្កលក្ខណៈឲ្យពលរដ្ឋអាចរកចំណូលបានយ៉ាងហោចណាស់ពី ៤.៤៦៦ ដុល្លារនៅក្នុងមួយឆ្នាំ ទៅដល់១៣.៨៤៦ដុល្លារនៅក្នុងមួយឆ្នាំ…
គោលដៅដែលរដ្ឋាភិបាលកម្ពុជាបានកំណត់នៅក្នុងការប្រែក្លាយប្រទេសឲ្យទៅជាប្រជាជាតិមួយនៅក្នុង ចំណោមប្រជាជាតិដែលមានចំណូលមធ្យមកម្រិតខ្ពស់នៅឆ្នាំ២០៣០ អាចលំបាកបន្តិចកុំថាឡើយដល់ ក្លាយជាប្រទេសដែលមានចំណូលខ្ពស់នៅក្នុងឆ្នាំ២០៥០ ។
ដើម្បីសម្រេចបានទៅតាមចក្ខុវិស័យនេះលុះត្រាតែកម្ពុជាអាចអភិវឌ្ឍន៍ប្រទេសហើយលើកកម្ពស់កម្រិត ជីវភាពប្រជាពលរដ្ឋធ្វើយ៉ាងណាបង្កលក្ខណៈឲ្យពលរដ្ឋអាចរកចំណូលបានយ៉ាងហោចណាស់ពី ៤.៤៦៦ ដុល្លារនៅក្នុងមួយឆ្នាំ ទៅដល់១៣.៨៤៦ដុល្លារនៅក្នុងមួយឆ្នាំ ។
នៅពេលនេះកម្ពុជាអាចស្ថិតនៅក្នុងចំណោមប្រទេសក្រុមប្រទេសដែលមានចំណូលមធ្យមកម្រិតទាបនៅឡើយ ដោយនៅក្នុង១ឆ្នាំពលរដ្ឋកម្ពុជាអាចរកចំណូលនៅក្នុងម្នាក់បានត្រឹមតែ ២.០៧១ ដុល្លារនៅក្នុង មួយឆ្នាំប៉ុណ្ណោះ ។
តាមចំណាត់ថ្នាក់របស់ធនាគារពិភពលោកបានឲ្យដឹងថា សម្រាប់ប្រជាជាតិដែលមានពលរដ្ឋរកចំណូលបាននៅក្នុងមួយឆ្នាំតិចជាង ១.១៣៦ ដុលលារ គឺត្រូវបានចាត់ទុកថា ជាប្រជាជាតិនៅក្នុងក្រុមសេដ្ឋកិច្ចដែលមានចំណូលទាប ហើយប្រសិនបើប្រជាជាតិនោះមានប្រជាពលរដ្ឋរកចំណូលបានចន្លោះពី ១.១៣៦ដុល្លារទៅ ៤.៤៦៥ ដុល្លារនៅក្នុងមួយឆ្នាំនោះគេចាត់ទុកថាជាក្រុមប្រទេសដែលមានសេដ្ឋកិច្ចដែលមានចំណូលមធ្យមកម្រិតទាប ដែលជាថានៈដែលកម្ពុជាកំពុងតែសម្រេចបាននៅពេលនេះ ។
នេះគឺជាអ្វីដែលកម្ពុជាអាចសម្រេចបាននៅពេលបច្ចុប្បន្នហើយនៅជាង៥ឆ្នាំទៅមុខទៀតនេះ កម្ពុជាចង់លោតចូលទៅជាប្រជាជាតិដែលមានពលរដ្ឋមានចំណូលមធ្យមកម្រិតខ្ពស់ ដូច្នេះ ពលរដ្ឋកម្ពុជានៅក្នុងម្នាក់ដាច់ខាតទាល់តែរកប្រាក់ចំណូលជាមធ្យមនៅក្នុងមួយឆ្នាំ ចន្លោះពី ៤.៤៦៦ ដុល្លារ ដល់ ១៣.៨៤៥ ដុល្លារ។
តើកម្ពុជាអាចសម្រេចបានទេ គោលដៅ២០៣០ ដែលខ្លួនបានកំណត់ទុកនោះ?
វានឹងពិបាក ប៉ុន្តែ វាអាចនឹងសម្រេចបាន ប្រសិនបើមានការប្តេជ្ញាចិត្តខ្ពស់។ ពីព្រោះដើម្បីសម្រេចគោលដៅនេះ កម្ពុជាត្រូវតែបង្កើនសកម្មភាពធ្វើយ៉ាងណាឲ្យពលរដ្ឋមានចំណូលកើនឡើងបន្ថែមនៅក្នុងមួយឆ្នាំដល់ទៅ ២.៣៩៥ ដុល្លារ ទៀតឯណោះ ពោលគឺលើសពីកម្រិតប្រាក់ចំណូលបច្ចុប្បន្នជាង ១០០ភាគរយដើម្បីបង្គ្រប់គោលដៅ៤.៤៦៦ ដុល្លារ ។ យើងអាចននិយាយលេខមូលថាប្រជាជនកម្ពុជាម្នាក់ៗត្រូវមានចំណូលជាមធ្យមយ៉ាងតិចជិត៤០០ដុល្លារក្នុងមួយខែ។
ចក្ខុវិស័យនៅឆ្នាំ២០៥០គឺរឹតតែ ត្រូវការការប្តេជ្ញាចិត្តខ្ពស់បន្ថែមទៀត ហើយបើចង់ប្រែក្លាយទៅជាប្រទេសដែលមានពលរដ្ឋមាន ប្រាក់ចំណូលខ្ពស់គឺលុះត្រាតែពលរដ្ឋនៅក្នុងម្នាក់នៅក្នុងមួយឆ្នាំអាចរកចំណូលបានដល់ទៅលើសពី ១៣.៨៤៦ នាក់ឯណោះ ។
នេះគឺជាគោលដៅមួយខ្ពស់ ដែលកម្ពុជាដាក់ចេញដើម្បីបង្ហាញពីការប្តេជ្ញាចិត្ត ហើយក៏ដើម្បីរុញការខិតខំ ប្រឹងប្រែងឲ្យអស់ពីសមត្ថភាព អស់ដៃអស់ជើង ខណៈដែលកម្ពុជាបានកំពុងតែ បោះជំហានគួរឱ្យចាប់អារម្មណ៍ចាប់តាំងពីបានផ្តាច់ចេញពីជម្លោះស៊ីវិលជាច្រើនទសវត្សរ៍មកនៅចុងឆ្នាំ១៩៩៨ ។ ក្នុងរយៈពេលពីរទសវត្សរ៍កន្លងមកនេះ ប្រទេសកម្ពុជាបានកត់ត្រាកំណើនសេដ្ឋកិច្ចជាមធ្យម ៧% ក្នុងមួយឆ្នាំ។ វិស័យសំខាន់ៗដូចជា ផលិតកម្មកាត់ដេរ សំណង់ កសិកម្ម និងទេសចរណ៍ គឺជាកត្តាសំខាន់ក្នុងការជំរុញកំណើន។ ទោះជាមានការកើនឡើងទាំងនេះក៏ដោយ ក៏ប្រទេសកម្ពុជាប្រឈមមុខនឹងបញ្ហារចនាសម្ព័ន្ធដែលអាចរារាំងការវិវត្តរបស់ខ្លួនឆ្ពោះទៅរកកម្រិតចំណូលមធ្យមកម្រិតខ្ពស់ និងកម្រិតខ្ពស់។
ដោយមើលឃើញពីភាពទន់ខ្សោយនៃការពឹងផ្អែកលើឧស្សាហកម្មកម្រិតស្រាល រាជរដ្ឋាភិបាលបានកំពុងតែរុញច្រានប្រទេសឲ្យចាប់យកឧស្សាហកម្មកម្រិតមធ្យមដើម្បីជំរុញ ការធ្វើពិពិធកម្មទៅក្នុងវិស័យដូចជា បច្ចេកវិទ្យា សេវាកម្ម និងការផលិតផលិតផលដែលមានតម្លៃខ្ពស់ នឹងមានសារៈសំខាន់ក្នុងការជំរុញផលិតភាព និងការបង្កើនប្រាក់ឈ្នួល។
នៅពេលបច្ចុប្បន្ននេះកម្ពុជាបានកំពុងតែបោះទុនវិនិយោគដ៏សម្បើមដែលថ្មីៗនេះគឺទើបតែទទួលឥណទានសម្បទានពីធនាគារពិភពលោក ដល់ទៅ ៨០ លានដុល្លារមកវិនិយោគនៅលើវិស័យអប់រំធានាគុណភាពនៃការអប់រំប្រកបដោយគុណវឌ្ឍន៍សម្រាប់ជំរុញកំណើននេះ ហើយនឹងកម្មវិធីបណ្តុះបណ្តាលកម្មករជំនាញ ១,៥ លាននាក់ ជាដើម ។
ក្រៅពីនេះមន្ត្រីក៏កំពុងតែដុតដៃដុតជើងគៀងគរវិនិយោគិន សំដៅបង្កើនឱកាសការងារធ្វើជូនប្រជាពលរដ្ឋ និង លើកកំពស់ការអភិវឌ្ឈន៍ហេដ្ឋារចនាសម្ព័ន្ធនានា ក្នុងការទាក់ទាញការវិនិយោគ និងធានានូវកំណើនប្រកបដោយចីរភាព។
ដើម្បីសម្រេចបាននូវគោលដៅឆ្នាំ ២០៣០ និង ២០៥០ កម្ពុជាត្រូវតែបន្តយុទ្ធសាស្ត្រនៃការខិតខំជំរុញ ការធ្វើពិពិធកម្មសេដ្ឋកិច្ច និងការវិនិយោគក្នុងវិស័យដែលមានតម្លៃខ្ពស់ដូចជា បច្ចេកវិទ្យាឌីជីថល ថាមពលកកើតឡើងវិញ និងសេវាកម្ម នឹងមានសារៈសំខាន់ណាស់។
ការកែលម្អលទ្ធផលអប់រំ និងការបណ្តុះបណ្តាលវិជ្ជាជីវៈនឹងផ្តល់កម្លាំងពលកម្មជំនាញដែលត្រូវការសម្រាប់សេដ្ឋកិច្ចទំនើប។ ការដោះស្រាយបញ្ហាប្រឈមផ្នែកអភិបាលកិច្ច ជាពិសេសអំពើពុករលួយ និងអសមត្ថភាពការិយាធិបតេយ្យ អាចជំរុញបរិយាកាសទាក់ទាញបន្ថែមទៀតសម្រាប់ការវិនិយោគផ្ទាល់ពីបរទេស ។ ជាចុងក្រោយ ការផ្តោតលើការអភិវឌ្ឍន៍ប្រកបដោយនិរន្តរភាព ដើម្បីកាត់បន្ថយហានិភ័យដែលទាក់ទងនឹងអាកាសធាតុ គឺជារឿងសំខាន់សម្រាប់ភាពធន់យូរអង្វែង ៕
ចែករំលែកព័តមាននេះ