ប្រធានាធិបតីអាហ្វហ្គានីស្ថាន លោកហាមីដ កាហ្សៃ ថ្លែងកាលពីថ្ងៃទី១៨ មិថុនា ថា សហរដ្ឋអាមេរិក ដែលត្រូវចាប់ផ្តើមក្នុងខែកក្កដា ដកកងទ័ពរបស់ខ្លួនចេញពីអាហ្វហ្គានីស្ថាន នោះបានប្រាស្រ័យទាក់ទងជាមួយពួកតាលីបង់ដែលទាក់ទិនដល់លទ្ធភាព មួយនៃការដោះស្រោយសង្គ្រាម ដែលមានរយៈពេលចាប់តាំងពីជិត១០ឆ្នាំមកហើយ ក្នុងប្រទេសនេះ។
ប្រធានាធិបតីអាហ្វហ្គានីស្ថាន លោកហាមីដ កាហ្សៃ ថ្លែងកាលពីថ្ងៃទី១៨ មិថុនា ថា សហរដ្ឋអាមេរិក ដែលត្រូវចាប់ផ្តើមក្នុងខែកក្កដា ដកកងទ័ពរបស់ខ្លួនចេញពីអាហ្វហ្គានីស្ថាន នោះបានប្រាស្រ័យទាក់ទងជាមួយពួកតាលីបង់ដែលទាក់ទិនដល់លទ្ធភាពមួយនៃការដោះស្រោយសង្គ្រាម ដែលមានរយៈពេលចាប់តាំងពីជិត១០ឆ្នាំមកហើយ ក្នុងប្រទេសនេះ។
លោកកាហ្សៃ ដែលអះអាងផ្លូវការជាលើកដំបូងពីការប្រាស្រ័យទាក់ទងបែបនេះបញ្ជាក់ថា ការប្រាស្រ័យទាក់ទងនានានៅពុំទាន់ឈានដល់ដំណាក់កាលខ្ពស់មួយ និងដល់ការព្រមព្រៀងពីចំណុចមួយ ដែលពួកអ្នកតំណាងរបស់ភាគីទាំង២ ជួបនិយាយគ្នាទៅឡើយ ក៏ប៉ុន្តែច្រកនៃការពិភាក្សានៅតែមាន។
ក្នុងសុន្ទរកថាមួយប្រធានាធិបតីអាហ្វហ្គានី ស្ថានមានប្រសាសន៍ថា ការចរចាសន្តិភាពកំពុងធ្វើជាមួយពួកតាលីបង់ ។ ពួកយោធាបរទេសពិសេសកងយោធាអាេមរិកបានចូលរួមក្នុងការចរចាទាំងនេះ។
ស្ថានទូតអាមេរិកប្រចាំក្រុងកាប៊ុល ពុំចង់បញ្ចេញប្រតិកម្មដោយផ្ទាល់ចំពោះការអះអាងទាំងនេះរបស់លោកកាហ្សៃឡើយ ក៏ប៉ុន្តែគូសបញ្ជាក់ថា ក្រុងវ៉ាស៊ីនតោនគាំទ្រដល់ការបង្រួបបង្រួមគ្នានៅអាហ្វហ្គានីស្ថាន និងជួយឱ្យមានការផ្តួចផ្តើមគំនិតធ្វើសមាហរណកម្មពួកតាលីបង់ទៅក្នុងសង្គមអាហ្វហ្គានីស្ថាន ដឹកនាំ ដោយរដ្ឋាភិបាលរបស់លោកកាហ្សៃ ៕
ចែករំលែកព័តមាននេះ