ខេត្តកំពង់ស្ពឺ ៖ ក្រោយពីមានការណែនាំ ដើម្បីរក្សាបាននូវសុខសុវត្ថិភាព ស្នងការដ្ឋាននគរបាលខេត្តកំពង់ស្ពឺ បានធ្វើការព្រមានដល់អាជីវករឱ្យបញ្ឈប់ការលក់រំសេវផ្ទុះគ្រប់ប្រភេទ (ផាវគ្រាប់បែក) ដើម្បីរក្សាបាននូវសុខសុវត្ថិភាព និងស្ថិរភាពនៃការរស់នៅរបស់ប្រជាពលរដ្ឋ ក្នុងករណីមិនអនុវត្តតាមការណែនាំនឹងចាត់វិធានតាមផ្លូវច្បាប់…
ខេត្តកំពង់ស្ពឺ ៖ ក្រោយពីមានការណែនាំ ដើម្បីរក្សាបាននូវសុខសុវត្ថិភាព ស្នងការដ្ឋាននគរបាលខេត្តកំពង់ស្ពឺ បានធ្វើការព្រមានដល់អាជីវករឱ្យបញ្ឈប់ការលក់រំសេវផ្ទុះគ្រប់ប្រភេទ (ផាវគ្រាប់បែក) ដើម្បីរក្សាបាននូវសុខសុវត្ថិភាព និងស្ថិរភាពនៃការរស់នៅរបស់ប្រជាពលរដ្ឋ ក្នុងករណីមិនអនុវត្តតាមការណែនាំនឹងចាត់វិធានតាមផ្លូវច្បាប់ ។
លោកឧត្ដមសេនីយ៍ទោ ឃឹម សុកខៃ ស្នងការនៃស្នងការដ្ឋាននគរបាលខេត្តកំពង់ស្ពឺបានឱ្យដឹងនៅរសៀលថ្ងៃទី២២ ខែកញ្ញា ឆ្នាំ២០២៤នេះថា កម្លាំងជំនាញនៃស្នងការដ្ឋាន និងគ្រប់អធិការដ្ឋានក្រុងស្រុក បានចុះណែនាំដល់អាជីវករលក់ដូរទាំងអស់ ដែលលក់ចែកចាយរំសេវផ្ទុះ(ផាវគ្រប់ប្រភេទ)នៅតាមបណ្តាផ្សារ និងទីតាំងលក់នានាឱ្យបញ្ឈប់ការលក់ជាបន្ទាន់ ហើយក្នុងឱកាសចុះនោះ សមត្ថកិច្ចក៏បានដកហូតរំសេវផ្ទុះនិងធ្វើកិច្ចសន្យាផងដែរ។
លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺបានបន្ថែមថា ក្រោយការណែនាំ ប្រសិនជាសមត្ថកិច្ចរកឃើញថា មានអាជីវកររូបណានៅតែបន្តលួចលក់(ផាវគ្រាប់បែក)ទៀត សមត្ថកិច្ចនគរបាលនឹងអនុវត្តនីតិវិធីតាមផ្លូវច្បាប់ ដោយគ្មានការលើកលែងឡើយ ៕
ចែករំលែកព័តមាននេះ