ខេត្តស្វាយរៀង ៖ មេឃភ្លៀងជាឱកាសក្រុមឈ្មួញធ្វើចរាចរណ៍តាមរថយន្តយីឌុបធុនធំៗដឹកទំនិញសំពីងសំពោងខ្ពស់កប់ពពក ដែលសង្ស័យជាទំនិញគេចពន្ធ គ្មានសមត្ថកិច្ចណារវល់អើពើឡើយ។ ក្រុមឈ្មួញដឹកទំនិញគេចពន្ធ ឆ្ពោះទៅច្រករបៀងនៃប៉ុស្ត៍ព្រំដែនធ្លកថ្មី រួចផ្ទេរដាក់លើរថយន្តវៀតណាមឆ្លងដែនទៅប្រទេសវៀតណាមយ៉ាងរលូន។ ករណីនេះ បានកើតឡើងនៅវេលាម៉ោង៧និង៣០នាទីព្រឹកថ្ងៃទី១៩…
ខេត្តស្វាយរៀង ៖ មេឃភ្លៀងជាឱកាសក្រុមឈ្មួញធ្វើចរាចរណ៍តាមរថយន្តយីឌុបធុនធំៗដឹកទំនិញសំពីងសំពោងខ្ពស់កប់ពពក ដែលសង្ស័យជាទំនិញគេចពន្ធ គ្មានសមត្ថកិច្ចណារវល់អើពើឡើយ។ ក្រុមឈ្មួញដឹកទំនិញគេចពន្ធ ឆ្ពោះទៅច្រករបៀងនៃប៉ុស្ត៍ព្រំដែនធ្លកថ្មី រួចផ្ទេរដាក់លើរថយន្តវៀតណាមឆ្លងដែនទៅប្រទេសវៀតណាមយ៉ាងរលូន។
ករណីនេះ បានកើតឡើងនៅវេលាម៉ោង៧និង៣០នាទីព្រឹកថ្ងៃទី១៩ ខែកញ្ញា ឆ្នាំ២០២៤ ស្ថិតក្នុងភូមិព្រៃរបឹស ឆ្ពោះទៅព្រំដែន ភូមិធ្លកថ្មី ឃុំត្នោត ស្រុកកំពង់រោទិ៍ ។ មហាជនបានរិះគន់ចំៗថាអាជ្ញាធរស្រុក ជាពិសេស អាជ្ញាធរខេត្តគ្មានចំណាត់ការទប់ស្កាត់ ធ្វើឲ្យក្រុមឈ្មួញធ្វើសកម្មភាពដ៏ដែលៗដោយប្រើប្រាស់រថយន្តធុនធំៗដឹកទំនិញលើសទម្ងន់កំពុងបំផ្លាញផ្លូវជនបទស្រុតខូចក្លាយជាល្បាប់ជ្រៅៗ បង្កការលំបាកធ្វើដំណើរយ៉ាងខ្លាំង អាជ្ញាធរគ្មានចំណាត់ការ រីឯមន្ត្រីគយវិញ បើកដៃឲ្យឈ្មួញដឹកទំនិញឆ្លងដែនទៅប្រទេសវៀតណាមយ៉ាងរំភើយ ។
បើតាមកម្មករអ្នកលើកទំនិញបានបង្ហើបឲ្យដឹងថា ទំនិញរួមមាន ដុំកីក្រណាត់ និងគ្រឿងអេឡេចត្រូនេចបានផ្ទេរដាក់លើរថយន្តវៀតណាម ដែលឆ្លងដែនមកពីប្រទេសវៀតណាមចូលមកដីខ្មែរ នៅជិតប៉ុស្ត៍ច្រករបៀងធ្លកថ្មីស្ថិតនៅភូមិធ្លកថ្មីឃុំត្នោតស្រុកកំពង់រោទ៌។ មហាជនលើកឡើងទៀតថា ល្មមដល់ពេលហើយអាជ្ញាធរមានសមត្ថកិច្ចមិនគួរបណ្តែតបណ្តោយឲ្យក្រុមឈ្មួញដឹកទំនិញបំផ្លាញផ្លូវបែបនេះទេទាន មេត្តាមានចំណាត់ការហើយ។
ទាក់ទិនករណីខាងលើនេះ មិនអាចរកការបំភ្លឺពីលោកវរសេនីយ៍យ៉ន សុផល បានទេ មកដល់រសៀលថ្ងៃទី១៩ កញ្ញា ។ ចំណែកលោកហេង សំបូរ ប្រធានសាខាគយ និងរដ្ឋាករខេត្តស្វាយរៀងក៏មិនអាចទាក់ទងបានដែរ ទូរសព្ទ័មិនចូល ។
ចែករំលែកព័តមាននេះ