ខេត្តស្វាយរៀង ៖ ភ្លៀងមួយមេ បង្កឲ្យរថយន្តក្រឡុកស៊ីម៉ងត៏ ១គ្រឿង រេចង្កូតបុកប៉ាន់ណូ និងរថយន្ត ១គ្រឿងទៀត បើកធ្លាក់ប្រឡាយទឹក ប៉ុន្តែសំណាងល្អ…
ខេត្តស្វាយរៀង ៖ ភ្លៀងមួយមេ បង្កឲ្យរថយន្តក្រឡុកស៊ីម៉ងត៏ ១គ្រឿង រេចង្កូតបុកប៉ាន់ណូ និងរថយន្ត ១គ្រឿងទៀត បើកធ្លាក់ប្រឡាយទឹក ប៉ុន្តែសំណាងល្អ អ្នកបើកបរ បើកទ្វាររថយន្តចេញរួច មិនមានគ្រោះថ្នាក់ដល់អាយុជីវិតនោះទេ ។
ករណីទី១ ៖ កើតឡើងនៅវេលាម៉ោង៣និង២នាទីរសៀលថ្ងៃទី១៨ ខែកញ្ញា ឆ្នាំ២០២៤ នៅភូមិចុងព្រែកសង្កាត់ស្វាយរៀង ក្រុងស្វាយរៀង បណ្តាលឲ្យបាក់ខូចប៉ាន់ណូ ស្លាកយីហោ មីហឹរ ១គ្រឿង ក៏ប៉ុន្តែពុំមានបង្កឲ្យរងគ្រោះដល់មនុស្សទេ ។
ករណីទី២ ៖ កើតឡើងនៅវេលាម៉ោង៣និង៣០នាទីរសៀលថ្ងៃទី១៨ ខែកញ្ញា ឆ្នាំ២០២៤ ស្ថិតនៅភូមិអំពឹល សង្កាត់ច្រកម្ទេសក្រុងបាវិត អ្នកបើកបររថយន្ត បើកក្នុងលឿន ក៏រេចង្កូតក្រឡាប់ចូលទឹកប្រឡាយ លិចបាត់ក្នុងទឹក សល់តែដំបូល ប៉ុន្តែសំណាងល្អ អ្នកបើកបរមានស្មារតីរឹង បានបើកទ្វាររថយន្តចេញមករួច ហែលទឹកឡើងគោក មិនគ្រោះថ្នាក់ដល់អាយុជីវិត ។
សមត្ថកិច្ច បានសន្និដ្ឋានជាបឋមថា មកពីការបើកបរពេលមេធ្លាក់ភ្លៀង ហើយខ្វះការប្រុងប្រយត្ន័ ៕
ចែករំលែកព័តមាននេះ