ការប្រកួត UEFA Champions League ក្រោមទម្រង់ថ្មី ចាប់ផ្តើមពីយប់នេះតទៅហើយ
បរទេស ៖ ការប្រកួតពានរង្វាន់ UEFA Champions League រដូវកាល ២០២៤-២៥ ចាប់ផ្តើមនៅយប់នេះហើយ។ អ្វីដែលពិសេសជាងរដូវកាលមុននោះគឺរដូវកាលនេះ…
បរទេស ៖ ការប្រកួតពានរង្វាន់ UEFA Champions League រដូវកាល ២០២៤-២៥ ចាប់ផ្តើមនៅយប់នេះហើយ។ អ្វីដែលពិសេសជាងរដូវកាលមុននោះគឺរដូវកាលនេះ នឹង ធ្វើការប្រកួតប្រជែងក្រោមទម្រង់ថ្មី ដែលបង្កើតឡើងដោយសហព័ន្ធបាល់ទាត់ទ្វីបអឺរ៉ុប ដែលហៅកាត់ថា UEFA។
ជាមួយទម្រង់ប្រកួតថ្មី ដែលត្រូវបានប្រកាសដោយ UEFA កាលពីពេលកន្លងមក។ ការប្រកួតបានបន្ថែមចំនួនក្រុមពី ៣២ ដល់ ៣៦ក្រុម នៅរដូវកាលនេះ ហើយនឹងលែងមានការប្រកួតវគ្គចែកពូលតទៅទៀតហើយ។ ដោយក្រោមទម្រង់ថ្មី ក្រុមទាំង ៣៦ នឹងប្រកួតប្រជែងតាមទម្រង់ជាលីគតែមួយដណ្តើមពិន្ទុ និងចំណាត់ថ្នាក់ ដើម្បីស្វែងរកក្រុមបន្តឡើងទៅកាន់វគ្គ១៦ក្រុមចុងក្រោយ និងបន្តរហូតដល់វគ្គផ្តាច់ព្រ័ត្រតែម្តង ហើយចាប់ពីវគ្គ១៦ក្រុមចុងក្រោយ នឹងធ្វើការប្រកួតជាធម្មតាដូចរដូវកាលមុន។
ក្រោមទម្រង់ថ្មី ការប្រកួតជាលីគតែមួយ ក្រុមនីមួយៗ នឹងត្រូវលេង៨ប្រកួតតទល់នឹង ៨ក្រុមផ្សេងគ្នា ហើយ៤ប្រកួតក្នុងផ្ទះ និង៤ប្រកួតក្រៅផ្ទះ ដោយលែងប្រកួតទល់នឹង៣ក្រុមធ្វើឡើង២ជើង ដូចកាលពីវគ្គចែកពូល តទៅទៀតហើយ។ ដើម្បីកំណត់គូប្រកួត៨ក្រុមផ្សេងគ្នា ក្រុមដំបូងនឹងត្រូវបានចាត់ថ្នាក់ក្នុង Pot ចំនួន៤ផ្សេងគ្នា ហើយក្រុមផ្សេងៗទៀត នឹងត្រូវបានចាប់ឆ្នោតដើម្បីបំពេញ Pot ទាំង៤ ឱ្យគ្រប់ ៣៦ក្រុម។
សម្រាប់ក្រុមរក្សាតំណែងកំពូលពីចំណាត់ថ្នាក់លេខ១ ដល់លេខ៨ នឹងទទួលបានកៅអីវគ្គ១៦ក្រុមចុងក្រោយដោយស្វ័យប្រវត្តិ។ ក្រុមនៅចំណាត់ថ្នាក់លេខ៩ ដល់ លេខ២៤ នឹងត្រូវលេង Play-Off ដែលមានពីរជើង ដើម្បីឡើងទៅបំពេញវគ្គ១៦ក្រុមចុងក្រោយ។ ចំណែកក្រុមនៅចំណាត់ថ្នាក់ពីលេខ២៥ ដល់លេខ៣៦ ធ្លាក់ចេញពីការប្រកួត និងគ្មានការធ្លាក់ទៅលេងនៅពានរង្វាន់ UEFA Europa League ដូចមុនឡើយ។
ក្រោមទម្រង់ថ្មីនេះ ក្រុមទាំង ៣៦ នឹងត្រូវលេងតទល់គ្នាទាំងអស់ ដែលធ្វើឱ្យការប្រកួតស្មើភាព និងកាន់តែជក់ចិត្តដិតអារម្មណ៍បន្ថែមទៀត។ ហើយជាមួយគ្នាផងដែរ ទម្រង់ថ្មីនេះ ក៏ត្រូវប្រើប្រាស់សម្រាប់ការប្រកួតពានរង្វាន់ UEFA Europa League និង UEFA Conference League រដូវកាល ២០២៤-២៥ ផងដែរ។
កាលវិភាគប្រកួតនៅយប់នេះ រួមមាន ៖
-Juventus ប៉ះ PSV ម៉ោង២៣:៤៥នាទីយប់ ម៉ោងនៅកម្ពុជា
-Young Boys ប៉ះ Aston Villa ម៉ោង២៣:៤៥នាទីយប់
-Bayern Munich ប៉ះ Dinamo Zagreb ម៉ោង០២:០០នាទីទៀបភ្លឺចូលថ្ងៃថ្មី
-AC Milan ប៉ះ Liverpool ម៉ោង០២:០០នាទីទៀបភ្លឺចូលថ្ងៃថ្មី
-Sporting CP ប៉ះ Lille ម៉ោង០២:០០នាទីទៀបភ្លឺចូលថ្ងៃថ្មី
-Real Madrid ប៉ះ Stuttgart ម៉ោង០២:០០នាទីទៀបភ្លឺចូលថ្ងៃថ្មី
លទ្ធផលការចាប់ឆ្នោត កាលពីថ្ងៃទី២៩ ខែសីហា ឆ្នាំ២០២៤ កន្លងទៅ ៖
ចែករំលែកព័តមាននេះ