ខេត្តព្រះសីហនុ ៖ សមត្ថកិច្ចមូលដ្ឋានកងរាជអាវុធហត្ថស្រុកស្ទឹងហាវនៃទីបញ្ជាការកងរាជអាវុធហត្ថខេត្តព្រះសីហនុបានឲ្យដឹងថា កាលពីវេលាម៉ោង២១ និង៥០នាទីថ្ងៃទី១៣ ខែកញ្ញា ឆ្នាំ ២០២៤ តាមបណ្ដោយតិរវិថីសម្តេចហ៊ុន សែន(ផ្លូវ១៤៨…
ខេត្តព្រះសីហនុ ៖ សមត្ថកិច្ចមូលដ្ឋានកងរាជអាវុធហត្ថស្រុកស្ទឹងហាវនៃទីបញ្ជាការកងរាជអាវុធហត្ថខេត្តព្រះសីហនុបានឲ្យដឹងថា កាលពីវេលាម៉ោង២១ និង៥០នាទីថ្ងៃទី១៣ ខែកញ្ញា ឆ្នាំ ២០២៤ តាមបណ្ដោយតិរវិថីសម្តេចហ៊ុន សែន(ផ្លូវ១៤៨ ) ចន្លោះគីទ្បូម៉ែត្រលេខ(១៤-១៥) ចំណុចអតីតចំការម្រេច ស្ថិតក្នុង ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតបង្កឡើង ដោយរថយន្តដឹកកុងទីនរ័ ម៉ាក Hyundai ពណ៌ស ពាក់ស្លាកលេខភ្នំពេញ ៣B៩៤៥៤ សណ្ដោងរ៉ឺម៉កពាក់ស្លាកលេខភ្នំពេញ៤A២០៩៥ អ្នកបើកបរមិនស្គាល់អត្តសញ្ញាណ ពេលកើតហេតុភ្លាមៗអ្នកបើកបរ(រត់គេចខ្លួនបាត់ស្រមោល បើកបរមានទិសដៅពីស្រុកស្ទឹងហាវទៅក្រុងព្រះសីហនុ។
ចំពោះមូលហេតុមកដល់ចំណុចកើតហេតុខាងលើ រថយន្តដឹកកុងទីនរ័សណ្តោងរ៉ឺម៉កដែលមានភិនភាគខាងលើ បានឡើងវ៉ាជែងគ្នាក៏បុកពីចំហៀងខាងឆ្វេងរថយន្តFORD បណ្ដាលឲ្យក្រឡាប់ធ្លាក់ផ្លូវ។ រថយន្តរងគ្រោះម៉ាកFORD ពណ៌ស ពាក់ស្លាកលេខកម្ពុជា H CHHOUN(មានទិសដៅពីក្រុងព្រះសីហនុមកស្រុកស្ទឹងហាវ) បើកបរដោយឈ្មោះ លី វណ្ណធី ហៅ(គុជ ) ភេទប្រុស អាយុ ៥៤ឆ្នាំ ជាយោធា ស្នាក់នៅក្រុម១៤ ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ (របួសធ្ងន់)។
ចំណែកអ្នករួមដំណើរនៅក្នុងរថយន្តរងគ្រោះមានដូចខាងក្រោមនេះ ១-ឈ្មោះលីវ យុទ្ធ ភេទប្រុស អាយុ១៦ឆ្នាំ មុខរបរសិស្ស ស្នាក់នៅក្រុម១៤ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ (របួសធ្ងន់)ត្រូវជាកូនអ្នកបើកបររថយន្តFORD។ ២/ឈ្មោះលីវ ឯករាជ ភេទប្រុស អាយុ១៣ឆ្នាំ ស្នាក់នៅភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ (របួសធ្ងន់)ត្រូវជាកូនអ្នកបើកបររថយន្តFORD។ ៣-ឈ្មោះសេង ហ៑ុយឈូន ភេទស្រី អាយុ៤៣ឆ្នាំ ស្នាក់នៅក្រុម១៤ ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ (របួសស្រាល) ជាប្រពន្ធអ្នកបើករថយន្តFORD។ ៤/ឈ្មោះគីម ម៉ារី ភេទស្រី អាយុ៤ឆ្នាំ ស្នាក់នៅក្រុម១៤ ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ (របួសស្រាល)ជាចៅអ្នកបើកបររថយន្តFORD។
នៅក្នុងរបាយការណ៍មូលដ្ឋានកងរាជអាវុធហត្ថស្រុកស្ទឹងហាវនៃទីបញ្ជាការកងរាជអាវុធហត្ថខេត្តព្រះសីហនុ បានឲ្យដឹងថា ករណីបង្ករឲ្យមានគ្រោះថ្នាក់ចរាចរណ៍ បណ្តាលឲ្យមនុស្សប្រុស,ស្រីរងរបួស (ស្រាល,ធ្ងន់ ) ចំនួន៥នាក់ខាងលើ មកពីអ្នកបើកបររថយន្តធំដឹកកុងតឺន័រ បើកបរខ្វះការប្រុងប្រយ័ត្ន ឡើងវ៉ាជែងហើយ ក៏ជ្រុលទៅបុករថយន្តជនរងគ្រោះបណ្តាលឲ្យក្រឡាប់ធ្លាក់ចេញពីលើផ្លូវតែម្តង។
នៅក្នុងឧប្បត្តិហេតុគ្រោះថ្នាក់ចរាចរណ៍ខាងលើ បង្កឲ្យខូចខាតរថយន្ត២គ្រឿង និងគ្រោះថ្នាក់ដល់មនុស្សចំនួន៥នាក់(ស្រី២នាក់)របួសធ្ងន់ចំនួន៣នាក់(ប្រុស)។ ក្រោយកើតហេតុភ្លាមៗ ជនរងគ្រោះត្រូវបានបញ្ជូនទៅសង្គ្រោះនៅគ្លីនិកឯកជន(CT ) ចំណែកវត្ថុតាងរថយន្តទាំងពីរគ្រឿង សមត្ថកិច្ចជុំនាញស្ទូចយកទៅរក្សាទុកនៅអធិការដ្ឋាននគរបាលស្រុកស្ទឹងហាវ ដើម្បីដោះស្រាយតាមនីតិវិធី។
ចែករំលែកព័តមាននេះ