ខេត្តកែប ៖ អាជ្ញាធរខេត្តកែប ដឹកនាំដោយលោកអភិបាលរង គ្រោងនិងចុះមកពិនិត្យមើលទីតាំងគេចាក់ដីលប់សមុទ្រ កាលពីព្រឹកថ្ងៃទី១២ ខែកញ្ញា ២០២៤ នៅចំណុចភូមិអំពែង ឃុំពងទឹក…
ខេត្តកែប ៖ អាជ្ញាធរខេត្តកែប ដឹកនាំដោយលោកអភិបាលរង គ្រោងនិងចុះមកពិនិត្យមើលទីតាំងគេចាក់ដីលប់សមុទ្រ កាលពីព្រឹកថ្ងៃទី១២ ខែកញ្ញា ២០២៤ នៅចំណុចភូមិអំពែង ឃុំពងទឹក ស្រុកដំណាក់ចង្អើរ ខេត្តកែប បន្ទាប់ពីមានការផ្សព្វផ្សាយតាមបណ្ដាញសង្គម និងមានព័ត៌មានក្នុងស្រុកជាហូរហែ ពាក់ពន្ធ័និងលោកស្រីម៉ៅ ញិប នៅក្រុងកែប បានចាក់ដីលុបសមុទ្រម្ដងហើយម្ដងទៀត រហូតមានគម្រោងអាជ្ញាធរខេត្តកែបថា នឹងចុះមកពិនិត្យទីតាំងចាក់ដីនៅថ្ងៃនេះតែម្តង តែត្រូវបានអាក់ខានទៅវិញ ដោយមិនបានដឹងពីមូលហេតុ ។
លោកស្រីម៉ៅ ញិប ជាអ្នកចាក់ដីលប់សមុទ្របាននិយាយជាសាធារណៈ កាលពីល្ងាចថ្ងៃទី១១ កញ្ញា នៅទីតាំងចាក់ដីថា បើចង់កាយដីចេញវិញ បើអាជ្ញាធមានលទ្ធភាពកាយចុះ លោកស្រីបែបចង់និយាយថា បើអោយលោកស្រីកាយ គឺគាត់មិនកាយទេ ។ បានន័យថា គ្មានអ្នកណាហ៊ានជាមួយគាត់ទេ…ហេ! ហេ!
ទាក់ទងនឹងការចាក់ដីលុបសមុទ្រនេះ អ្នកយកព័ត៌មានបានជួបលោកទេព ចៀន នាយករដ្ឋបាលស្រុកដំណាក់ចង្អើរ កាលពីព្រឹកមិញ ដើម្បីប្រមូលព័ត៌មានអោយបានពិស្តារថា តើខាងស្រុកបានហាមឃាត់ឬទេដែលមានពលរដ្ឋជាង២០គ្រួសារបានធ្វើសំណង់រឹងចូលសមុទ្រ ។ ប៉ុន្តែលោកនាយករដ្ឋបាលរូបនោះ មិនបានផ្ដល់ព័ត៌មានទេ ដោយលោកនិយាយថា បើចង់ផ្ដល់ព័ត៌មាន
សរសេរសំណួរដាក់មុនមក និងដាក់ថ្ងៃអោយសម្ភាសន៍។
រីឯមន្ត្រីសាលាស្រុកដំណាក់ចង្អើរម្នាក់បានលើកឡើងថា មិនមែនតែលោកស្រីម៉ៅ ញិបទេ ចាក់ដីលុបសមុទ្រនោះ ពលរដ្ឋរស់នៅជាប់ដីម៉ៅ ញិប ក៏ចាក់ដែរ ពេញទៅដោយភាពអនាធិបតេយ្យ ម្នាក់ៗចង់យកសមុទ្រធ្វើជាកម្មសិទ្ធិ ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ