ជនបរទេស៦សាសន៍ បានស្ពាយលុយដែលមានទំហំរហូតដល់ទៅជាង១ពាន់លានដុល្លារ មកវិនិយោគលើឧស្សាហកម្ម ហេដ្ឋារចនាសម្ព័ន្ធ កសិកម្ម និងទេសចរណ៍នៅកម្ពុជា នៅក្នុងមួយខែសីហា ឆ្នាំ២០២៤ ។ ក្រុមប្រឹក្សាអភិវឌ្ឍន៍កម្ពុជា…
ជនបរទេស៦សាសន៍ បានស្ពាយលុយដែលមានទំហំរហូតដល់ទៅជាង១ពាន់លានដុល្លារ មកវិនិយោគលើឧស្សាហកម្ម ហេដ្ឋារចនាសម្ព័ន្ធ កសិកម្ម និងទេសចរណ៍នៅកម្ពុជា នៅក្នុងមួយខែសីហា ឆ្នាំ២០២៤ ។
ក្រុមប្រឹក្សាអភិវឌ្ឍន៍កម្ពុជា បានប្រកាសនៅថ្ងៃទី៩ ខែកញ្ញ ឆ្នាំ២០២៤ ថា បរទេសទាំងនោះ គឺមានចិន សិង្ហបុរី កោះសាម៉ាវ ហូឡង់ ម៉ាឡេស៊ី និងសហរដ្ឋអាមេរិក ប៉ុន្តែទោះបីជាយ៉ាងណាក៏ដោយ ចិននៅតែធំជាងគេ ខណៈដែលតូចជាងគេ គឺសហរដ្ឋអាមេរិក ។
ប្រភពដដែល បានអះអាងថា បរទេសទាំងនោះ បានស្ពាយលុយមកវិនិយោគលើគម្រោង ៥៣គម្រោង ជាមួយទុនវិនិយោគសរុបជាង ១,២ពាន់លានដុល្លារ ដែលនឹងអាចបង្កើតការងារបានប្រមាណជាង ៣ម៉ឺនកន្លែង ។
នៅក្នុងចំណោមគម្រោងវិនិយោគទាំងអស់ វិនិយោគទុនចិន បានស្ពាយលុយ ៨៤ភាគ នៃលុយសរុប ខណៈដែលការវិនិយោគក្នុងស្រុកបានដាក់ទុន ប្រមាណជាង៩ភាគរយដែរ ។
ប្រភពដដែល បានឲ្យដឹងថា លុយទាំងនោះ ត្រូវបានបង្ហូរចូលវិស័យឧស្សាហកម្មប្រមាណជា១.០៩១ លានដុល្លារ ទេសចរណ៍ជាង៨០លានដុល្លារ កសិកម្មប្រមាណជាជាង៤៨លានដុល្លារ ហើយក្រៅពីនោះ មានហេដ្ឋារចនាសម្ព័ន្ធ ។
ដោយ ៖ ស ផាន់
ចែករំលែកព័តមាននេះ