ឯកឧត្តម ជៀង អំ អញ្ជើញទស្សនកិច្ចបង្គោលព្រំដែននៅច្រកទ្វារអន្តរជាតិអូរយ៉ាដាវ-ឡេថាញ់
- រតនគិរី
ខេត្តតនគិរី ៖ កាលពីរសៀលថ្ងៃទី៨ ខែកញ្ញា ឆ្នាំ២០២៤ ឯកឧត្តម ជៀង អំ រដ្ឋលេខាធិការក្រសួងការពារជាតិ និងជាប្រធានក្រុមការងាររាជរដ្ឋាភិបាល…
ខេត្តតនគិរី ៖ កាលពីរសៀលថ្ងៃទី៨ ខែកញ្ញា ឆ្នាំ២០២៤ ឯកឧត្តម ជៀង អំ រដ្ឋលេខាធិការក្រសួងការពារជាតិ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តរតនគិរី បានដឹកនាំក្រុមការងារចុះធ្វើទស្សនកិច្ច បង្គោលព្រំដែន្នៅច្រកទ្វារអន្តរជាតិអូរយ៉ាដាវ-ឡេថាញ់ ស្ថិតក្នុងភូមិសាស្ត្រស្រុកអូរយ៉ាដាវ ខេត្តរតនគិរី។
នៅក្នុងឱកាសនេះ ឯកឧត្តម និងក្រុមការងាររាជរដ្ឋាភិបាល បានអញ្ជើញទស្សនា បង្គោលព្រំដែន២៩លើ៣ ២៩លើ៤ និងបង្គោលលេខ៣០ដោយឯកឧត្តម បានសម្តែងនូវការសប្បាយរីករាយនៅពេលចុះមកបានឃើញដោយផ្ទាល់នូវបង្គោលព្រំដែនដ៏រឹងមាំដែលជាតឹកតាងការការពោរបូរណភាពទឹកដីរបស់កម្ពុជា។
ឯកឧត្តមបន្តថា ការងារខណ្ឌសីមានិងបោះបង្គោលព្រំដែន ត្រូវរាជរដ្ឋាភិបាលផ្អែកលើផែនទីជាមូលដ្ឋានគឺផែនទីបូនខ្នាត ១/១០០ ០០០ របស់ក្រុមភូមិសាស្ត្រឥណ្ឌូចិនបារាំងហើយយើងបានយកទៅតម្កល់នៅអង្គការសហប្រជាជាតិក្នុងឆ្នាំ ១៩៦៤ ដែលត្រូវបានទទួលស្គាល់ជាអន្តរជាតិ និងឈរមូលដ្ឋាននិយាមការដែលបានកំណត់និងបរិយាយលម្អិតនៅក្នុងពិធីសាស្តីពីការបរិយាយខ្សែព្រំដែន និងបង្គោលព្រំដែនដែលប្រទេសទាំងបានឯកភាពគ្នា។
មុននឹងធ្វើការបោះបង្គោលព្រំដែននៅលើដីជាក់ស្តែង ត្រូវឆ្លងកាត់នីតិវិធីបច្ចេកទេសលម្អិតដែលធ្វើឡើងដោយក្រុមបច្ចេកទេសចម្រុះព្រំដែននៃភាគីទាំងពីរ ដោយមិនមានការលម្អៀងសូម្បីតែមួយមីល្លីម៉ែត្រឡើយ។ដូច្នេះ សូមបងប្អូនកុំមានការយល់ច្រឡំ ជឿលើការបំភ្លៃរបស់បុគ្គលជ្រុលនិយមមួយក្តាប់តូច៕
ចែករំលែកព័តមាននេះ