ខេត្តបន្ទាយមានជ័យ ៖ សាកសពស្ត្រីរងគ្រោះដែលស្លាប់ដោយសារករណីឃាតកម្មត្រូវបានបញ្ជូនតាមច្រកទ្វារអន្តរជាតិប៉ោយប៉ែតប្រគល់សាច់ញាតិមកទទួលបុណ្យតាមប្រពៃណីយ៍នៅថ្ងៃទី០៤ ខែកញ្ញា ឆ្នាំ២០២៤។ លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា៖សាកសពជនរងគ្រោះមានឈ្មោះ សឿន…
ខេត្តបន្ទាយមានជ័យ ៖ សាកសពស្ត្រីរងគ្រោះដែលស្លាប់ដោយសារករណីឃាតកម្មត្រូវបានបញ្ជូនតាមច្រកទ្វារអន្តរជាតិប៉ោយប៉ែតប្រគល់សាច់ញាតិមកទទួលបុណ្យតាមប្រពៃណីយ៍នៅថ្ងៃទី០៤ ខែកញ្ញា ឆ្នាំ២០២៤។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា៖សាកសពជនរងគ្រោះមានឈ្មោះ សឿន ម៉ាប់ ភេទស្រីអាយុ៣០ឆ្នាំ(មុខរបបជាកម្មការនី)មានស្រុកកំណើតនភូមិសូរិយា ឃុំត្នោតចុងស្រង់ ស្រុកទូកមាស ខេត្តកំពត។
លោកបានបញ្ជាក់ថា៖កាលពីថ្ងៃទី០១ ខែកញ្ញា ឆ្នាំ២០២៤មានករណីឃាតកម្មលើស្ត្រីជនជាតិខ្មែរម្នាក់ដែលឃាតករចាក់និងវ៉ៃសំលាប់ជាស្ត្រីរងគ្រោះជាកម្មការនីរោងចក្រសាច់មាន់នៅខេត្តលុបបុរីប្រទេសថៃ ហើយឃាតករត្រូវបានសមត្តកិច្ចចាប់ខ្លួនបានហើយក្រោយធ្វើសកម្មភាពឃាតកម្មទៅស្ត្រីរងគ្រោះជនដៃដល់ជាបុរស់ជនជាតិថៃ។
លោក វ៉ាន់ ដារ៉ាន់ បានបញ្ជាក់ថា៖ក្រោយស្ត្រីរងគ្រោះបានស្លាប់បាត់បង់ជីវិតដោយអំពើឃាតកម្មចាក់និងវ៉ៃសំលាប់ស្ត្រីរងគ្រោះជាស្ត្រីខ្មែរធ្វើជាកម្មការនីរោងចក្រនៅប្រទេសថៃ ស្ថានអគ្គកុងស៊ុលនៃព្រៈរាជាណាចក្រកម្ពុជាប្រចាំខេត្តស្រៈកែវប្រទេសថៃ បានរៀបចំឯកសារបញ្ជូនសាកសពស្ត្រីរងគ្រោះតាមច្រកទ្វារអន្តរជាតិប៉ោយប៉ែតដើម្បីអោយគ្រួសារសាច់ញាតិមកទទួលយកទៅធ្វើបុណ្យតាមប្រពៃណីយ៍នៅស្រុកកំណើតភូមិសូរិយា ឃុំត្នោតចុងស្រង់ ស្រុកទូកមាស ខេត្តកំពង់ស្ពឺ ៕
ចែករំលែកព័តមាននេះ