រាជធានីភ្នំពេញ ៖ ដើម្បីចូលរួមចំណែកជំរុញមនសិកាជាតិ និងស្មារតីស្នេហាជាតិពិតប្រាកដឯកឧត្តមបណ្ឌិត សុខ ទូច ប្រធានរាជបណ្ឌិត្យសភាកម្ពុជា បានស្នើរដ្ឋសភាផ្ដួចផ្ដើមគំនិ តរៀបចំច្បាប់ហាមឃាត់ចំពោះអ្នកមានសញ្ជាតិពីរ មិនឱ្យធ្វើនយោបាយ។…
រាជធានីភ្នំពេញ ៖ ដើម្បីចូលរួមចំណែកជំរុញមនសិកាជាតិ និងស្មារតីស្នេហាជាតិពិតប្រាកដឯកឧត្តមបណ្ឌិត សុខ ទូច ប្រធានរាជបណ្ឌិត្យសភាកម្ពុជា បានស្នើរដ្ឋសភាផ្ដួចផ្ដើមគំនិ តរៀបចំច្បាប់ហាមឃាត់ចំពោះអ្នកមានសញ្ជាតិពីរ មិនឱ្យធ្វើនយោបាយ។
ថ្លែងសុន្ទរកថា បិទវេទិកាទំនាក់ទំនងអន្តរជាតិ លើកទី៣ ស្តីពីសណ្តាប់ធ្នាប់ពិភ ពលោកប្រកបដោយការផ្លាស់ប្តូរ និងតួនាទីរបស់មហាអំណាចសម្រាប់សន្តិភាព ស្ថិរភាព និងវិបុលភាពសាកល នៅថ្ងៃទី៤ ខែកញ្ញា ឆ្នាំ២០២៤ បណ្ឌិត សុខ ទូច បានលើកឡើងថា មនសិកាស្នេហាជាតិ ជាតិ
និយម និងការឯកភាពជាតិ គឺជាមូលដ្ឋានសំខាន់ ក្នុងការអភិវឌ្ឍប្រទេសជាតិ។
ជាមួយគ្នានោះដែរឯកឧត្តមបណ្ឌិត បន្ដថា ដោយបានភ្ជាប់ជាមួយឧទា ហរណ៍ជា បទពិសោធ នៃការអភិវឌ្ឍ របស់ប្រទេសរីកចម្រើននៅក្នុងតំបន់ ដូចជា ជប៉ុន និងកូរ៉េខាងត្បូង ដែលប្រជាពលរដ្ឋនៃប្រទេសទាំងពីរ បានចូលរួមចំណែកអភិវឌ្ឍប្រទេសជាតិ ដោយឈរ នៅលើមូលដ្ឋានមនសិកាស្នេហាជាតិ និងជាតិនិយមពិតប្រាកដ។
ឯកឧត្តមបណ្ឌិតបានគូសបញ្ជាក់ថា៖« មនសិកាស្នេហាជាតិ និងស្មារតីជាតិនិយមពិត ប្រាកដរបស់ប្រជាពលរដ្ឋ គឺពិតជាមានសារៈសំខាន់ណាស់ ដើម្បីអភិវឌ្ឍមាតុភូមិរបស់ខ្លួន ព្រោះ មានតែឯកភាពជាតិតែប៉ុណ្ណោះ ដែលយើងអាចកសាងប្រទេសជាតិមួយនេះ ឱ្យរីកច ម្រើនដូចបណ្ដាប្រទេសនានានៅក្នុងតំបន់»។
មិនត្រឹមតែលើកឡើងអំពីមនសិកាស្នេហាជាតិ និងស្មារតីជាតិនិយម ពីសំណា ក់ប្រជាពលរដ្ឋប៉ុណ្ណោះ ឯកឧត្តមបណ្ឌិត បានលើកឡើងថា អ្នកនយោបាយគ្រប់និន្នាការ ត្រូវមានចូលរួមចំណែកនៅក្នុងការអភិវឌ្ឍប្រទេសជាតិ ដោយមនសិកាស្នេហាជាតិ និងស្មារតី ជាតិនិយមពិតប្រាកដ ចៀសវាងការប្រើប្រាស់ត្រឹមតែពាក្យខាងលើ ដើម្បីទាក់ទាញការចូលរួម និងគាំទ្រពីប្រជាពលរដ្ឋ។
ក្នុងន័យនេះ ឯកឧត្តមបណ្ឌិត សុខ ទូច ក៏បានស្នើរដ្ឋសភាជាតិកម្ពុជា ផ្ដួចផ្ដើមគំនិតរៀប ចំច្បាប់ហាមឃាត់ចំពោះអ្នកដែលមានសញ្ជាតិពីរ មិនឱ្យធ្វើនយោបាយ ដើម្បីចូលរួមចំណែក ជំរុញមនសិកាជាតិ និងស្មារតីស្នេហាជាតិពិតប្រាកដរបស់អ្នកនយោបាយខ្មែរ។ ឯកឧត្តមបណ្ឌិតសង្កត់ធ្ងន់ថា ៖«ខ្ញុំស្នើសុំឱ្យសភារៀបចំទៅ អាអ្នកកាន់សញ្ជាតិពីរ កុំឱ្យមកធ្វើនយោបាយ ធ្វើនយោបាយវាអាលាយស្រុក»។
លើសពីនេះទៀត ឯកឧត្តមបណ្ឌិត សុខ ទូច បានសង្កត់ធ្ងន់ថា ដើម្បីជំរុញស្មារតី ស្នេហាជាតិពិតប្រាកដ គេត្រូវតែគាំទ្រផលិតផលខ្មែរ ទិញផលិតផលខ្មែរ និងជំរុញការដាំដុះ និងផលិតផលនៅក្នុងស្រុក ពុំមែនត្រឹមតែស្នេហាជាតិតែនៅលើបបូរមាត់ប៉ុណ្ណោះទេ៕
ចែករំលែកព័តមាននេះ