បន្ទាយមានជ័យ ៖ ជនសង្ស័យ២នាក់ ដែលឃាត់ខ្លួនពាក់ព័ន្ធគ្រឿងញៀ.នសមត្ថកិច្ចថៃចាប់បាន៣វ៉ាលី ស្មើ២៦ដុំ ជាង៤០ម៉ឺនគ្រាប់ បម្រុងនាំចូលមកកម្ពុជាត្រូវបានបញ្ជូនទៅស្នងការដ្ឋាននគរបាលខេត្តបន្ទាយមានជ័យ នៅល្ងាចថ្ងៃទី០៣ ខែកញ្ញា ឆ្នាំ២០២៤…
បន្ទាយមានជ័យ ៖ ជនសង្ស័យ២នាក់ ដែលឃាត់ខ្លួនពាក់ព័ន្ធគ្រឿងញៀ.នសមត្ថកិច្ចថៃចាប់បាន៣វ៉ាលី ស្មើ២៦ដុំ ជាង៤០ម៉ឺនគ្រាប់ បម្រុងនាំចូលមកកម្ពុជាត្រូវបានបញ្ជូនទៅស្នងការដ្ឋាននគរបាលខេត្តបន្ទាយមានជ័យ នៅល្ងាចថ្ងៃទី០៣ ខែកញ្ញា ឆ្នាំ២០២៤ ។
លោកវរៈសេនីយ៍ទោ កែវ ដូល អធិការរងនគរបាលក្រុងប៉ោយប៉ែតបានប្រាប់ថា ៖ ជនសង្ស័យ២នាក់ មាន១.ឈ្មោះ ហ៊ុន សុភាព ភេទប្រុស អាយុ៤៤ឆ្នាំ(មេខ្លោង) ២.ឈ្មោះ យូ សុវណ្ណារ៉ា ភេទប្រុស អាយុ៤៥ឆ្នាំ(អ្នកការពារដឹកជញ្ជូន) ស្នាក់នៅបន្ទប់ជួលភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
លោកបានបញ្ជាក់ថា ៖ នៅវេលាម៉ោង៦និង៣០នាទី ថ្ងៃទី០៣ ខែកញ្ញា ឆ្នាំ២០២៤នៅចំណុចក្បែរច្រកខ្លងលឹក ស្រុកអារ័ញ្ញប្រថេត ខេត្តស្រះកែវ ប្រទេសថៃ បង្ក្រាបចាប់គ្រឿងញៀ.នដែលដឹកតាមរទេះអូសបម្រុងនាំចូលមកកម្ពុជាតាមច្រកទ្វារអន្តរជាតិប៉ោយប៉ែតដែលគ្រឿងញៀ.នដាក់ក្នុងវ៉ាលី ចំនួន៣ មានគ្រឿងញៀ.នចំនួន២៦ដុំ ដែលមានគ្រឿងញៀ.នប្រភេទមេតំហ្វេតាមីន ហៅយ៉ាម៉ា ប្រមាណជាង៤០ម៉ឺនគ្រាប់ ។
លោកវរៈសេនីយ៍ទោ កែវ ដូល បានបញ្ជាក់ថា ៖ នៅពេលដែលសមត្ថកិច្ចថៃចាប់បានគ្រឿងញៀ.នប្រមាណជាង៤០ម៉ឺនគ្រាប់បម្រុងនាំចូលមកកម្ពុជា គឺមានកម្មករអូសរទេះម្នាក់ លើកដាក់រទេះ ហើយធ្ងន់សង្ស័យបានរូតវ៉ាលីមើល ឃើញសង្ស័យទើបរាយការជូនតម្រួតថៃធ្វើការឆែកឆេររកឃើញគ្រឿងញៀ.នត្រូវរឹបអូសមានវ៉ាលីចំនួន៣គ្រឿងញៀ.ន២៦ដុំ មានប្រមាណជាង៤០ម៉ឺនគ្រាប់ ។
លោកវរៈសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានប្រាប់ថា ៖ ក្រោយសមត្ថកិច្ចថៃចាប់គ្រឿងញៀ.នជាង៤០ម៉ឺនគ្រាប់ និងរថយន្ត១គ្រឿង នៅក្បែព្រំដែនទឹកដីថៃច្រកខ្លងលឹកឈម ច្រកអន្តរជាតិប៉ោយប៉ែត បានទំនាក់ទំនងជាមួយកម្លាំងជំនាញអធិការដ្ឋាននគរបាលក្រុងប៉ោយប៉ែតដែលជនសង្ស័យឈ្មោះ ហ៊ុន សុភាព មានរថយន្ត១គ្រឿង ម៉ាក់ហុងដា ស៊ីវីក ពាក់ផ្លាក់លេខថៃ៩០៣ ស្រះកែវ បានទទួលគ្រឿងញៀ.នពីឈ្មួញថៃផ្ញើមកបាងកក ។
ហើយចាំទទួលយកដាក់តាមរថយន្ត ហើយដាក់តាមរទេះអោយកម្មករអូសបម្រុងនាំចេញមកកម្ពុជា ហើយឈ្មោះ ហ៊ុន សុភាព ពេលដាក់វ៉ាលីគ្រឿងញៀ.នលើរទេះ ហើយពាក់អាវខ្មៅដៃវែងដើរចូលចាំច្រកទ្វារអន្តរជាតិប៉ោយប៉ែតដោយដូរអាវការ៉ូដៃវែង អង្គុយចាំច្រកទ្វារអន្តរជាតិប៉ោយប៉ែត២នាក់ឈ្មោះ យូរ សុវណ្ណារ៉ា អ្នកការពារការដឹកជញ្ជូនគ្រឿងញៀ.នទៅអោយឈ្មួញថៃម្នាក់ទៀត ដែលកំពុងចាំទទួលត្រូវបានដឹងមុនគេចខ្លួនបាត់ចាប់បាន២នាក់ អ្នកដែលចាំទទួលគ្រឿងញៀ.ន ឬស៊ីឈ្មួលដឹកជញ្ជូនដែលចាប់កម្លាំងអធិការដ្ឋាននគរបាលក្រុងប៉ោយប៉ែត សហការជាមួយកម្លាំងនគរបាលអន្តោប្រវេសន៍ នៅថ្ងៃទី០៣ ខែកញ្ញា ឆ្នាំ២០២៤ នៅច្រកទ្វារអន្តរជាតិប៉ោយប៉ែត ៕
ចែករំលែកព័តមាននេះ