ពិតជាមិនសរសើរមិនបាន ខ្មែរពូជអ្នកសាងអង្គរពិតជាខ្លាំង ដោយគ្រាន់តែដើមឬស្សីមួយប្រភេទ អាចច្នៃសម្ភារៈរាប់រយ រាប់ពាន់មុខ ដើម្បីប្រើប្រាស់ក្នុងតម្រូវការជីវភាពប្រចាំថ្ងៃ និងច្នៃចេញជាវត្ថុអនុស្សារីយ៍ជាច្រើនទៀត ។ តើបងប្អូនយល់យ៉ាងដែរ? ដើមឬស្សីមួយ…
ពិតជាមិនសរសើរមិនបាន ខ្មែរពូជអ្នកសាងអង្គរពិតជាខ្លាំង ដោយគ្រាន់តែដើមឬស្សីមួយប្រភេទ អាចច្នៃសម្ភារៈរាប់រយ រាប់ពាន់មុខ ដើម្បីប្រើប្រាស់ក្នុងតម្រូវការជីវភាពប្រចាំថ្ងៃ និងច្នៃចេញជាវត្ថុអនុស្សារីយ៍ជាច្រើនទៀត ។ តើបងប្អូនយល់យ៉ាងដែរ?
ដើមឬស្សីមួយ អាចយកទៅច្នៃធ្វើបានរបស់ច្រើនយ៉ាងដូចជា ឆ្នៀង កន្ត្រក់ កន្រង អង្រុត ចង្អេរ តោក និងវត្ថុអនុស្សាវរីយ៍គួរអោយទាក់ទាញប្លែកភ្នែកនោះ ។ ជាការពិតនៅបច្ចុប្បន្ននេះសម្ភារ:ដែលយើងមាន គឺច្រើនប្រភេទផ្សេងៗគ្នាសម្រាប់យើងទិញយកមកប្រើប្រាស់ តែប្លែកភ្នែក និងចាប់អារម្មណ៍ ងាកមកមើលសម្ភារ:ទាំងនេះវិញ គឺសុទ្ធតែធ្វើឡើងពីវត្ថុធាតុដើម ដែលពីធម្មជាតិទាំងអស់ ដោយធ្វើអំពីរុក្ខជាតិដើមឬស្សី ដែលមើលទៅស្អាតប្លែក និងមានគុណភាពល្អសម្រាប់អ្នកប្រើប្រាស់ ។
តោះមកដឹងពីដំណើរការនៃការធ្វើស្នាដៃហត្ថកម្មទាំងនេះរបស់អ្នកភូមិមួយក្រុម ដែលធ្វើឡើងក្នុងគោលបំណងលើកកម្ពស់ជីវភាព និងភាពមានការងារធ្វើ មិនទៅធ្វើការចំណាក់ស្រុក ។
តាមរយ:បទសម្ភាសន៍ជាមួយសារព័ត៌មានកោះសន្តិភាព អ្នកស្រី រឿម ធារ៉ា ជាអ្នកធ្វើសម្ភារៈប្រើប្រាស់ចេញពីដើមឬស្សី និងដើមល្ពាក់ អ្នកស្រីនិយាយថា អ្នកស្រី ចាប់ផ្ដើមធ្វើសម្ភារនេះជាយូរឆ្នាំមកហើយ ដោយក្ដីស្រលាញ់ និងម្យ៉ាងទៀត កើតមកក្នុងត្រកូលអ្នកស្រុកជនបទ ដែលធ្វើសម្ភារទាំងនេះឡើង ដើម្បីលក់យកប្រាក់ចំណូល ដើម្បីបំពេញតម្រូវការជីវភាពប្រចាំថ្ងៃ ។
មួយវិញទៀត អ្នកស្រី ធារ៉ា ដែលជាអ្នកធ្វើស្នាដៃទាំងនេះ អ្នកស្រី គឺមានចិត្តចង់ថែរក្សានូវក្បូរក្បាច់រចនាម៉ូតសម្ភារ:ប្រើប្រាស់ទាំងនេះឲ្យបានគង់វង្ស ដើម្បីផ្សព្វផ្សាយឲ្យយុវជន និងក្មេងៗជំនាន់ក្រោយបានឃើញ និងស្គាល់ឈ្មោះប្រភេទសម្ភារនីមួយៗ ។ អ្នកស្រីបន្តថា ការធ្វើនូវសម្ភារទាំងនេះ គឺមានផលលំបាកដោយយើងត្រូវចំណាយពេលយូរ និងប្រើកម្លាំងពលកម្មច្រើនទើបធ្វើបានពិសេសទាមទារការផ្ចិតផ្ចង់ ។
សម្ភារៈទាំងនេះដែរ អ្នកស្រី ធារ៉ា និយាយថា វត្ថុធាតុដើមដែលយកមកផ្សំ គឺមានដើមឬស្សី ដើមទ្រាង ដើមផ្អាវ វល្លិផ្ដៅ វល្លិរុក្ខជាតិផ្សេងៗទៀត ។ បើងាកមកដំណាក់កាលនៃការធ្វើ ជាដំបូងត្រូវមានដើមឬស្សី រួចយកមកច្រៀកជាបំណែកតូចៗ និងកាប់វល្លិផ្ដៅច្រៀកដូចគ្នា និងដុះខាត់ឲ្យស្អាត ទើបយកមកតម្បាញ ដើម្បីបានជាផលិតសម្រេចមួយ ។ ចំពោះការតម្បាញ គឺអ្នកស្រីបង្ហើបថា ត្រូវមានជំនាញច្បាស់លាស់ដោយការធ្វើរបស់ទាំងនេះ គឺអ្នកស្រីរៀនបន្តពីម្តាយឪពុកមក ពោលការធ្វើសម្ភារទាំងនេះ គឺងាយស្រួលរក និងដាំនៅជុំវិញផ្ទះ និងដុះនៅតាមព្រៃជិតៗភូមិធ្វើឲ្យគាត់អាចរកបានដោយងាយ និងមិនទៅណាឆ្ងាយ។
សម្ភារៈនេះទៀតសោត មានច្រើនប្រភេទច្រើនយ៉ាងចង្អេរ កញ្ជើរ អង្រុត កន្ត្រក់ម្លូស្លា និងមានរបស់របរជាច្រើនទៀត ។ អ្នកស្រី ធារ៉ាថា ចំពោះសម្ភារៈទាំងនេះ ដែលយើងអាចយកទៅប្រើប្រាស់បានដូចជា ដាក់នំនេកដាក់ស្លាដកធ្វើជាវត្ថុអនុស្សាវរីយ៍សម្រាប់តាំងលម្អមុខផ្ទះ ឬតាំងលម្អតាមហាងភោជនីដ្ឋាននានា ។
អ្នកស្រីធារ៉ា ដែលជាអ្នកតម្បាញរបស់ទាំងនេះបន្តទៀតថា ការធ្វើសម្ភារ:ទាំងនេះមានសារ:ប្រយោជន៍ច្រើន និងទទួលបានប្រាក់ចំណូលសមល្មមសម្រាប់ការផ្គត់ផ្គង់គ្រួសារ ។ អ្នកស្រីធារ៉ា ដែលបានចាប់យករបរមួយនេះ ដើម្បីដោះស្រាយជីវភាពនោះ និងដោយក្ដីស្រលាញ់សម្ភារៈខ្មែរពីបុរាណ និងលើកកម្ពស់បង្ហាញឲ្យឃើញនូវស្នាដៃកូនខ្មែរការធ្វើរបស់ប្រើប្រាស់ដោយដៃផ្ទាល់ និងចង់ឲ្យបងប្អូនទាំងអស់គ្នា មានមុខរបរនៅក្នុងស្រុកមួយទៀតវាល្អប្រសើរទាំងអ្នកប្រើប្រាស់ និងអ្នកធ្វើដោយយើងងាយស្រួលរក និងបង្កើតដោយខ្លួនអែងផ្ទាល់ជារបស់ប្រើប្រាស់ដែលស្រស់ស្អាត ហើយមានគុណភាពល្អ មួយវិញទៀតអាចកាត់បន្ថយការប្រើប្រាស់ថង់ប្លាសស្ទិច ជួយកាត់បន្ថយកាក់សំរាមផ្សេងៗ ។
សូមបងប្អូនខ្មែរទាំងអស់គ្នាចូលរួមគាំទ្រផលិតផលខ្មែរ នៅក្នុងស្រុកជួយបង្កើតស្នាដៃបងប្អូនទាំងអស់គ្នា អោយបានគ្រប់ទិសទី និងជួយផ្សព្វផ្សាយឲ្យបានទូលំទូលាយ ដើម្បីឲ្យបងប្អូននៅជនបទអាចទាញយកផលប្រយោជន៍ពីរុក្ខជាតិនៅក្នុងស្រុកភូមិ ៕ ដោយ៖ឡុង សំនៀង
ចែករំលែកព័តមាននេះ