ខេត្តកំពត ៖ មានករណីយុវជន2នាក់បានជិះម៉ូតូសង់125 មួយគ្រឿង ឌុបគ្នាតាមផ្លូវវាងថ្មី ក៏បានបុកបារ៉ាស់រថភ្លើង ហើយត្រូវរថភ្លើងកិនស្លាប់ម្នាក់និងម្នាក់ទៀតរងរបូសធ្ងន់ ។ ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅលើផ្លូវវាងថ្មីដែលមានផ្លូវរថភ្លើងឆ្លងកាត់កាលពីវេលាម៉ោង១និង៥០នាទីឈានចូលព្រឹកថ្ងៃទី2 ខែសីហា…
ខេត្តកំពត ៖ មានករណីយុវជន2នាក់បានជិះម៉ូតូសង់125 មួយគ្រឿង ឌុបគ្នាតាមផ្លូវវាងថ្មី ក៏បានបុកបារ៉ាស់រថភ្លើង ហើយត្រូវរថភ្លើងកិនស្លាប់ម្នាក់និងម្នាក់ទៀតរងរបូសធ្ងន់ ។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅលើផ្លូវវាងថ្មីដែលមានផ្លូវរថភ្លើងឆ្លងកាត់កាលពីវេលាម៉ោង១និង៥០នាទីឈានចូលព្រឹកថ្ងៃទី2 ខែសីហា ឆ្នាំ2024 ស្ថិតនៅភូមិទូកមាស ឃុំទូកមាសខាងលិច ស្រុកបន្ទាយមាស ខេត្តកំពត ។
លោកវរសេនីយ៍ត្រីសុខ មាន នាយនគរបាលប៉ុស្តិ៍ទូកមាស បានអោយដឹងថា បន្ទាប់ពីមានគ្រោះថ្នាក់រថភ្លើងបានបុកមនុស្ស កំលាំងនគរបាលបានចុះមកដល់កន្លែងកើតហែតុទើបដឹងថាយុវជនពីនាក់ខាងលើនោះបានជិះម៉ូតូឌុបគ្នាក្នុងទិសដៅពីត្បូងទៅជើង តែរថភ្លើងនោះក៍បើកពីជើងមកត្បូងដែរ ហើយក៍បុកតែម្ដង បណ្តាលឱ្យម៉ូតូខួចផ្នែកខាងមុខទាំងស្រុងតែម្ដង។
លោកវរសេនីយ៍ត្រីជានាយនគរបាលប៉ុស្តិ៍បានបញ្ជាក់ថា ពេលដែលរថភ្លើងបើកឆ្លងកាត់ផ្លូវថ្នល់ថ្មីវាងសាលាស្រុកនោះ កំលាំងខាងផ្លូវដែក2នាក់បានដាក់បារ៉ាសបិទផ្លូវ ស្រាប់តែយុវជនទាំង២នាក់ជិះម៉ូតូមួយគ្រឿងមកបុកតែម្ដង ។
ជនរងគ្រោះទាំង២នាក់ខាងលើ ក្នុងនោះជនរងគ្រោះដែលស្លា.ប់ឈ្មោះលន ចាន់ឌឿន អាយុ18ឆ្នាំ រស់នៅជាមួយយាយ ខណៈម្ដាយទើបតែចេញទៅរកការងារធ្វើនៅជប៉ុន និងឪពុករបស់គេបានស្លាប់ដោយគ្រោះថ្នាក់ចរាចរ ។ បច្ចុប្បន្នគ្រួសារដែលក្រីក្រគួរឱ្យសង្វែកនេះនៅភូមិឈើទាល ឃុំស្ដេចគង់ខាងលិច ស្រុកបន្ទាយមាស ខេត្តកំពត ។
ចំណែកយុវជនរងរបួសធ្ងន់ឈ្មោះឃាង កែវ អាយុ24ឆ្នាំ នៅភូមិចម្លងជ្រៃ ឃុំស្ដេចគង់ខាងលិច ស្រុកបន្ទាយមាស ខេត្តកំពត ។
ជនរងគ្រោះទាំងពីរនាក់មិនដឹងមានបំណងទៅណាទេ តែនគរបាលបានឃើញចំពាមកៅស៊ូមួយនិងមួករួមទាំងបំណែកសាច់របស់ជនរងគ្រោះដែលស្លាប់ ដោយសាររថភ្លើងកិន ត្រូវបានប្រមូលយកទៅធ្វើបុណ្យតាមប្រពៃណី ៕
ចែករំលែកព័តមាននេះ