ប្រទេសម៉ូណាកូ ៖ ការចាប់ឆ្នោតដោយប្រើបច្ចេកវិទ្យាទំនើប សម្រាប់ការប្រកួតពានរង្វាន់ UEFA Champions League សម្រាប់រដូវកាល ២០២៤-២៥ ជាមួយការប្រកួតទម្រង់ថ្មី…
ប្រទេសម៉ូណាកូ ៖ ការចាប់ឆ្នោតដោយប្រើបច្ចេកវិទ្យាទំនើប សម្រាប់ការប្រកួតពានរង្វាន់ UEFA Champions League សម្រាប់រដូវកាល ២០២៤-២៥ ជាមួយការប្រកួតទម្រង់ថ្មី ដែលត្រូបានប្រកាសដោយសហព័ន្ធបាល់ទាត់ទ្វីបអឺរ៉ុប UEFA ចេញលទ្ធផលជាផ្លូវការហើយ កាលពីថ្ងៃទី២៩ ខែសីហា ឆ្នាំ២០២៤ កន្លងទៅ។
https://editorial.uefa.com/resources/0290-1bbaa2451685-906c66b8c331-1000/format/wide1/fbl-eur-c1-draw.jpeg?imwidth=2048
ជាមួយនឹងទម្រង់ប្រកួតថ្មី ដែលត្រូវបានប្រកាសដោយ UEFA កាលពីពេលកន្លងមក។ ការប្រកួតប្រជែងបានបន្ថែមចំនួនក្រុមពី ៣២ ដល់ ៣៦ក្រុម នៅរដូវកាល ២០២៤-២៥ និងលែងមានការប្រកួតវគ្គចែកពូលតទៅទៀតហើយ ក្រោមទម្រង់ថ្មី ក្រុមទាំង ៣៦ នឹងប្រកួតតាមទម្រង់ជាលីគតែមួយ ដោយមានចំណាត់ថ្នាក់ ដើម្បីស្វែងរកក្រុមបន្តឡើងវគ្គ១៦ក្រុមចុងក្រោយ និងបន្តរហូតដល់វគ្គផ្តាច់ព្រ័ត្រតែម្តង។
ក្រោមទម្រង់ថ្មី ការប្រកួតជាលីគតែមួយ ក្រុមនីមួយៗ នឹងត្រូវលេង៨ប្រកួតតទល់នឹង ៨ក្រុមផ្សេងគ្នា ហើយ៤ប្រកួតក្នុងផ្ទះ និង៤ប្រកួតទៀតក្រៅផ្ទះ ដោយលែងប្រកួតទល់នឹង៣ក្រុមធ្វើឡើង២ជើង ដូចកាលពីវគ្គចែកពូលតទៅទៀតហើយ។ ដើម្បីកំណត់គូប្រកួត៨ក្រុមផ្សេងគ្នា ក្រុមដំបូងនឹងត្រូវបានចាត់ថ្នាក់នៅក្នុង Pot ចំនួន៤ផ្សេងគ្នា ហើយក្រុមផ្សេងៗទៀត នឹងត្រូវបានចាប់ឆ្នោតដើម្បីបំពេញ Pot ទាំង៤ ឱ្យគ្រប់ ៣៦ក្រុម។
https://talksport.com/wp-content/uploads/sites/5/2024/08/cristiano-ronaldo-portuguese-professional-928451724.jpg?strip=all&quality=100&w=1080&h=1080&crop=1
សម្រាប់ក្រុមរកតំណែងកំពូលពីចំណាត់ថ្នាក់លេខ១ ដល់លេខ៨ នឹងទទួលបានកៅអីវគ្គ១៦ក្រុមចុងក្រោយដោយស្វ័យប្រវត្តិ។ ក្រុមស្ថិតនៅចំណាត់ថ្នាក់លេខ៩ ដល់ លេខ២៤ នឹងត្រូវលេង Play-Off ដែលមានពីរជើង ដើម្បីឡើងទៅបំពេញវគ្គ១៦ក្រុមចុងក្រោយ។ ចំណែកក្រុមស្ថិតនៅចំណាត់ថ្នាក់ពីលេខ២៥ ដល់លេខ៣៦ ធ្លាក់ចេញពីការប្រកួត និងគ្មានសិទ្ធិលេងនៅពានរង្វាន់ UEFA Europa League ឡើយ។ ជាមួយគ្នានោះផងដែរ ទម្រង់ថ្មីនេះ ក៏ត្រូវប្រើប្រាស់សម្រាប់ការប្រកួតពានរង្វាន់ UEFA Europa League និង UEFA Conference League រដូវកាល ២០២៤-២៥ ផងដែរ។
https://www.newsnationnow.com/wp-content/uploads/sites/108/2024/08/66d0d4d8dfdad5.11843719.jpeg?w=2560&h=1440&crop=1
ការចាប់ឆ្នោតដោយប្រើបច្ចេកវិទ្យាទំនើបបានធ្វើឡើងក្នុងទីក្រុងម៉ូណាកូ ប្រទេសម៉ូណាកូ កាលពីថ្ងៃទី២៩ ខែសីហា កន្លងទៅ ដោយខ្សែប្រយុទ្ធព័រទុយហ្គាល់ Cristiano Ronaldo គឺជាអ្នកចុចប៊ូតុង ដើម្បីបង្កើតក្បួនដោះស្រាយតាមកុំព្យូទ័រកំណត់កាលវិភាគប្រកួតរបស់ក្រុមទាំង ៣៦ តាមទម្រង់ថ្មី។ ហើយការប្រកួតចែក Pot ទៅជាលីគតែមួយ នឹងចាប់ផ្តើមដំណើរការនៅថ្ងៃទី១៧ ខែកញ្ញា ឆ្នាំ២០២៤ ដល់ថ្ងៃទី២០ ខែមករា ឆ្នាំ២០២៥ មុនឈានដល់វគ្គជម្រុះ Play-Off ។
លទ្ធផលការចាប់ឆ្នោត កាលពីថ្ងៃទី២៩ សីហា កន្លងទៅ ៖
ចែករំលែកព័តមាននេះ