ខេត្តស្វាយរៀង ៖ ជនសង្ស័យម្នាក់ ត្រូវសមត្ថកិច្ចចាប់ឃាត់ខ្លួន រួមទាំងវត្ថុតាងគ្រឿងញៀន និងអាវុធកែច្នៃ ចំនួន០២ដើម បញ្ជូនទៅសាលាដំបូងខេត្តស្វាយរៀង ត្រូវបានលោកចៅក្រម ចេញដីកាឃុំខ្លួនបណ្តោះអាសន្ន…
ខេត្តស្វាយរៀង ៖ ជនសង្ស័យម្នាក់ ត្រូវសមត្ថកិច្ចចាប់ឃាត់ខ្លួន រួមទាំងវត្ថុតាងគ្រឿងញៀន និងអាវុធកែច្នៃ ចំនួន០២ដើម បញ្ជូនទៅសាលាដំបូងខេត្តស្វាយរៀង ត្រូវបានលោកចៅក្រម ចេញដីកាឃុំខ្លួនបណ្តោះអាសន្ន នៅពន្ធនាគារ នៅថ្ងៃទី២៦ ខែសីហា ឆ្នាំ២០២៤នេះ ។
បើតាមសមត្ថកិច្ចបានឲ្យដឹងថា បន្ទាប់ពីទទួលបានព័ត៌មានពីប្រជាពលរដ្ឋតាមរយៈ App NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀន លោកឧត្តមសេនីយ៍ទោ ស្នងការនគរបាលដ្ឋានខេត្ត បានដាក់បទបញ្ជាដល់កម្លាំងជំនាញផែនការងារប្រឆាំងគ្រឿងញៀន នៃស្នងការដ្ឋាននគរបាលខេត្តស្វាយរៀង សហការជាមួយកម្លាំងជំនាញអធិការដ្ឋាននគរបាលស្រុកស្វាយទាប បានធ្វើការស្រាវជ្រាវ និងឃាត់ខ្លួនមុខសញ្ញាជួញដូរគ្រឿងញៀន ចំនួន០១នាក់ កាលពីថ្ងៃទី២២ ខែសីហា ឆ្នាំ២០២៤ ស្ថិតនៅក្នុងភូមិទួលអង្គប់ ឃុំសំបួរ ស្រុកស្វាយទាប ខេត្តស្វាយរៀង ។
ប្រភពបន្តថា ក្នុងប្រតិបត្តិការនេះ សមត្ថកិច្ចដកហូតវត្ថុតាង និងសម្ភារមួយចំនួន រួមមាន ៖
១. ម្សៅក្រាម ពណ៌សថ្លា ចំនួន៣៣កញ្ចប់តូច
២. ទូរសព្ទដៃ ចំនួន០២គ្រឿង ម៉ាក Oppo ០១គ្រឿង Realme ០១គ្រឿង
៣. ជញ្ជីងថ្លឹងថ្នាំ ០១គ្រឿង
៤. កាំភ្លើងកែច្នៃ ០២គ្រឿង និងសម្ភារប្រើប្រាស់ និងវេចខ្ចប់មួយចំនួន ។
បច្ចុប្បន្នជនសង្ស័យ រួមទាំងវត្ថុតាង ត្រូវបានកម្លាំងជំនាញការិយាល័យ ប្រឆាំងគ្រឿងញៀនកសាងសំណុំរឿងបញ្ជូនទៅតុលាការចាត់ការបន្តតាម នីតិវិធីច្បាប់ ៕
ចែករំលែកព័តមាននេះ