ខេត្តតមណ្ឌលគិរី ៖ ក្នុងដំណើរនិមន្តបំពេញទស្សនកិច្ចពេញមួយថ្ងៃនៅតាមខ្សែក្រវ៉ាត់ព្រំដែនកម្ពុជា-វៀតណាមលើទឹកដីខេត្តមណ្ឌលគិរី នាថ្ងៃទី២១ សីហា ២០២៤ ព្រះអង្គធម្មវនវាសីបណ្ឌិត ច័ន្ទ មុនី បានកោតសសើរដល់អាជ្ញាធរមូលដ្ឋាន…
ខេត្តតមណ្ឌលគិរី ៖ ក្នុងដំណើរនិមន្តបំពេញទស្សនកិច្ចពេញមួយថ្ងៃនៅតាមខ្សែក្រវ៉ាត់ព្រំដែនកម្ពុជា-វៀតណាមលើទឹកដីខេត្តមណ្ឌលគិរី នាថ្ងៃទី២១ សីហា ២០២៤ ព្រះអង្គធម្មវនវាសីបណ្ឌិត ច័ន្ទ មុនី បានកោតសសើរដល់អាជ្ញាធរមូលដ្ឋាន ជាពិសេស កម្លាំងឈរជើងការពារតាមព្រំដែន ដែលបានលះបង់កម្លាំងកាយចិត្តយ៉ាងមោះមុតដើម្បីជាតិមាតុភូមិ ហើយព្រះអង្គរីករាយជាមួយពុទ្ឋបរិស័ទ និងបងប្អូនប្រជាពលរដ្ឋដែលកំពុងអាស្រ័យផលប្រកបរបរចិញ្ចឹមជីវិត រស់នៅយ៉ាងសុខសាន្តតាមបន្ទាត់ព្រំដែន ។
ខណៈស្ថិតនៅបង្គោលព្រំដែនលេខ៦៥ ចំណុចច្រកទ្វារទ្វេរភាគីឡាប៉ាខេ ស្រុកកែវសីមា ព្រះធម្មវនវាសីបណ្ឌិត ចន្ទ មុនី មានថេរដីកាថា ទឹកដីប្រទេសកម្ពុជានៅតំបន់ភូមិភាគឦសាននេះ មិនមានការបាត់បង់នោះទេ តែមានផ្លូវក្រវ៉ាត់ព្រំដែន និងបង្គោលព្រំដែនផុសឡើងយ៉ាងល្អស្អាត និងរឹងមាំ ដើម្បីជាព្រំប្រទល់រវាងប្រទេសទាំងពីរ គឺប្រទេសកម្ពុជា និងប្រទេសវៀតណាម ដែលនៅជិតខាងគ្នា។
ត្រឹមមានផ្លូវស្អាត និងបង្គោលព្រំដែន មិនទាន់គ្រប់គ្រាន់សម្រាប់កិច្ចការពារដែនអធិបតេយ្យកម្ពុជា១០០%នោះទេ ដូច្នេះសម្រាប់ការតាំងទីលំនៅរបស់បងប្អូនប្រជាពលរដ្ឋរស់នៅតាមព្រំដែន គឺជារបងមួយដ៏រឹងមាំ កំណត់បង្ហាញពីដែនបូរណភាពទឹកដីខ្មែរយ៉ាងប្រាកដ។
ព្រះអង្គ ច័ន្ទ មុនី បានបញ្ជាក់បន្ថែមថា ប្រជាជនកម្ពុជាទាំងអស់មិនថា ស្ថិតក្នុងឋានៈអ្វីសុទ្ឋតែស្រឡាញ់ជាតិ ស្រឡាញ់ទឹកដីរបស់ខ្លួន ដូច្នេះ សូមផ្តាំផ្ញើរដល់យុវជនយុវតីជំនាន់ក្រោយ ដែលខ្វះនូវបទពិសោធន៌ជីវិតមិនទាន់ជួប និងមានការភាន់ច្រឡំ តាមការបំប៉ោងព័ត៌មាន ឬការផ្សព្វផ្សាយព័ត៌មានមិនពិត បង្កការជ្រួលច្របល់ក្នុងសង្គម រហូតឈានដល់ការមិនជឿទុកចិត្តលើខ្មែរគ្នាឯង សូមងាកមកគិតសាមគ្គីនូវកិច្ចការជាតិសំខាន់ៗឡើងវិញ។
ជាក់ស្តែង សក្ខីភាពបច្ចុប្បន្នក្នុងដំណើរទស្សនកិច្ចតាមក្រវ៉ាត់ព្រំដែនផ្ទាល់នាពេលនេះ សបញ្ជាក់ឲ្យបានឃើញយ៉ាងច្បាស់អំពី ការគិតគូរយកចិត្តទុកដាក់របស់ថ្នាក់ដឹកនាំរាជរដ្ឋាភិបាល លើកិច្ចការការពារទឹកដីខ្មែរនាពេលសព្វថ្ងៃឲ្យបានគង់វង្សតទៅអនាគត។
សូមរំឭកថា សម្តេចតេជោ ហ៊ុន សែន ប្រធាន ព្រឹទ្ធសភា បានឲ្យដឹងថា ព្រះអង្គធម្មវនវាសី ចន្ទ មុនី នឹងនិមន្តទៅកាន់ខេត្ត ទាំង ៤ គឺ រតនគិរី មណ្ឌលគិរី ក្រចេះ និង ស្ទឹងត្រែង ចាប់ពីថ្ងៃទី២០ សីហា ឆ្នាំ ២០២៤ ដូច្នេះ សូមប្រជាពុទ្ធបរិស័ទជ្រាបជា ដំណឹង និង ត្រៀមទទួលព្រះអង្គ ។ការនិមន្តរបស់ព្រះអង្គ ច័ន្ទ មុនី ទៅភូមិភាគឦសានតាមព្រំដែននាពេលនេះ ក្រោយមានបងប្អូនមួយចំនួនមានបំណងធ្វើបាតុកម្មប្រឆាំងរាជរដ្ឋាភិបាលជុំវិញ កិច្ចសហប្រតិបត្តិការ CLV ព្រោះតែការយល់ច្រឡំតាមការផ្សព្វផ្សាយរបស់ជនអគតិថា កម្ពុជាបានបាត់បង់ទឹកដីព្រោះតែគម្រោងសហប្រតិបត្តិការអភិវឌ្ឍន៍ត្រីកោណ កម្ពុជា ឡាវ និងវៀតណាម៕
ចែករំលែកព័តមាននេះ