ខេត្តមណ្ឌលគិរី ៖ អាជ្ញាធរខេត្តមណ្ឌលគិរី ដឹកនាំដោយឯកឧត្តម ថង សាវុន បានអញ្ចើញទទួលស្វាគមន៍ព្រះវត្តមានរបស់ប្រតិភូរបស់ព្រះអង្គម្ចាស់ ច័ន្ទ មុនី ដើម្បីបំពេញទស្សនកិច្ចតាមខ្សែបន្ទាត់ព្រំដែននៅភូមិភាគឦសាន…
ខេត្តមណ្ឌលគិរី ៖ អាជ្ញាធរខេត្តមណ្ឌលគិរី ដឹកនាំដោយឯកឧត្តម ថង សាវុន បានអញ្ចើញទទួលស្វាគមន៍ព្រះវត្តមានរបស់ប្រតិភូរបស់ព្រះអង្គម្ចាស់ ច័ន្ទ មុនី ដើម្បីបំពេញទស្សនកិច្ចតាមខ្សែបន្ទាត់ព្រំដែននៅភូមិភាគឦសាន នាព្រឹកថ្ងៃទី២១ ខែសីហា ឆ្នាំ២០២៤។
ក្នុងដំណើរទស្សនកិច្ចនេះគេសង្កេតឃើញថា មានបងប្អូនប្រជាពលរដ្ឋ ពុទ្ធបរិស័ទ រួមទាំងមន្ត្រីរាជការ បានទទួលស្វាគមន៍គណៈប្រតិភូយ៉ាងសប្បាយរីករាយ ។
មិនត្រឹមប៉ុណ្ណោះព្រះវត្តមានរបស់ព្រះអង្គ ច័ន្ច មុនី មិនត្រឹមតែធ្វើឲ្យប្រជាពលរដ្ឋរំភើបរីករាយបំពេញកុសលនោះទេ ថែមទាំងបានទៅឃើញដោយផ្ទាល់នូវការអភិវឌ្ឍនានាតាមព្រំដែន ជាពិសេសគឺបង្គោលកំណត់ព្រំដែនដ៏រឹងមាំទៀតផង។
គួរបញ្ជាក់ថា ក្រោយទទួលព័ត៌មានថា ព្រះអង្គ ច័ន្ទ មុនី និមន្តទៅខេត្តមណ្ឌលគិរី គេសង្កេត
ឃើញថា មានអាជីវករជាច្រើនបានត្រៀមលក់សម្ភារជំនឿនៅមុខវត្តសែនមនោរម្យ នាព្រឹកថ្ងៃទី២១ ខែសីហា ឆ្នាំ២០២៤ នេះ ។
ព្រះអង្គ ច័ន្ទ មុនី និមន្តមកទស្សនកិច្ចនៅតំបន់ភូមិភាគឦសាន តាមក្រវាត់ព្រំដែន គិតចាប់ពីថ្ងៃទី២០ សីហា រហូតដល់ថ្ងៃទី២៤ សីហា ២០២៤
ចែករំលែកព័តមាននេះ