ខេត្តកំពង់ស្ពឺ ៖ នាងក្រមុំម្នាក់បានផឹកថ្នាំ បំពុលសត្វកុកអស់មួយកញ្ចប់ធំ ដើម្បីធ្វើអត្តឃាតកាលពីយប់ថ្ងៃទី១៤ ខែមិថុនា ហើយបើ ទោះបីជាឪពុកម្តាយប្រឹងប្រែងដឹកទៅសង្គ្រោះនៅមន្ទីរពេទ្យក៏ដោយ ក៏នាងបានផុតដង្ហើមនៅក្នុងមន្ទីរពេទ្យខេត្ត។ សពរបស់នាងត្រូវបានដឹកត្រឡប់មកធ្វើបុណ្យនៅឯលំនៅឋានវិញទាំងយប់
ខេត្តកំពង់ស្ពឺ ៖ នាងក្រមុំម្នាក់បានផឹកថ្នាំ បំពុលសត្វកុកអស់មួយកញ្ចប់ធំ ដើម្បីធ្វើអត្តឃាតកាលពីយប់ថ្ងៃទី១៤ ខែមិថុនា ហើយបើ ទោះបីជាឪពុកម្តាយប្រឹងប្រែងដឹកទៅសង្គ្រោះនៅមន្ទីរពេទ្យក៏ដោយ ក៏នាងបានផុតដង្ហើមនៅក្នុងមន្ទីរពេទ្យខេត្ត។ សពរបស់នាងត្រូវបានដឹកត្រឡប់មកធ្វើបុណ្យនៅឯលំនៅឋានវិញទាំងយប់។
មន្ត្រីប៉ូលិសប៉ុសិ៍្តឃុំខ្ទុំក្រាំងបានឱ្យដឹងថា នាងក្រមុំដែលផឹកថ្នាំសម្លាប់ខ្លួននេះឈ្មោះឆន ស៊ីនួន អាយុ១៩ឆ្នាំ ជាកូនស្រីទី៣ ក្នុងចំណោមកូនទាំង៩នាក់របស់លោកកែវ នី និងអ្នកស្រីអូន រស់នៅភូមិខ្វាន ឃុំខ្ទុំក្រាំង ស្រុកសំរោងទង ។ ចំណែកលោកមេភូមិច្រកបាវ ឃុំខ្ទុំក្រាំងបានរៀបរាប់ថា នាងឆន ស៊ីនួន ត្រូវបានជីដូនឈ្មោះ អ៊ូច អាយុ៧០ឆ្នាំ សព្វថ្ងៃរស់នៅភូមិច្រកបាវយកមកចិញ្ចឹមតាំងពីតូច ព្រោះមើលឃើញ ឪពុកម្តាយនាងមានកូនប្រុស ស្រីច្រើនលំបាកក្នុងជីវភាព ហើយរហូតដល់ពេលនេះចៅស្រីមានអាយុ១៩ឆ្នាំហើយគឺពុំដែលស្តីបន្ទោសចៅទេ ។
នៅចំពោះមុខមន្ត្រីប៉ូលិស លោកយាយអ៊ូច បានប្រាប់ថា កាលពីតូចចៅគាត់រៀននៅវត្តអង្គចំណោម តែក្រោយមកក៏បានឈប់រៀនដើម្បីជួយធ្វើស្រែចំការ ព្រោះគាត់ជាស្រីមេម៉ាយផង ។ មុននេះនាងឆន ស៊ីនួន បានទៅធ្វើការនៅរោងចក្រកាត់ដេរបានតែ៣ខែ គាត់ក៏ឱ្យឈប់ព្រោះទៅកាត់ដេរនៅឆ្ងាយពីគាត់ ហើយពេលទៅធ្វើការនោះយកលុយ យកអង្ករពីផ្ទះទៅដដែល ពុំឃើញសល់ប្រាក់កាសអ្វីសោះ ទើបគាត់សម្រេចឱ្យឈប់មកជួយធ្វើស្រែចំការវិញ ។
លោកយាយជាជីដូនរៀបរាប់ទៀតថា នៅល្ងាចថ្ងៃទី១៤ មិថុនា ទឹកមុខចៅគាត់ហាក់ដូចជាស្រងូតស្រងាត់ចម្លែករហូតដល់ម៉ោងប្រមាណ៧ និង៣០នាទីយប់ ក៏បានទៅមើលទូរទស្សន៍នៅផ្ទះបងប្អូនក្បែរគ្នា លុះត្រឡប់មកវិញក៏លូកស្ករពាងមួយទូកដៃមកហូប មួយសន្ទុះក្រោយមក ស្រាប់តែប្រកាច់ ហូរទឹកមាត់តែម្តង ។ ពេលនោះរូបគាត់រួមជាមួយឪពុកម្តាយនាងក៏បានដឹកនាងសង្គ្រោះបន្ទាន់ នៅឯមន្ទីរពេទ្យក្រោយពីបានផឹកថ្នាំបំពុលសត្វកុក ប៉ុន្តែនៅក្នុងពីម៉ោង១១ ទៅ១២យប់ក៏បានស្លាប់ដោយគ្រូពេទ្យពុំអាចជួយបាន និងបានដឹកត្រឡប់មកផ្ទះវិញទាំងយប់ ។
លោកយាយជាជីដូន និងឪពុកនាងឆន ស៊ីនួន និយាយថា ការផឹកថ្នាំបំពុលនេះក៏ព្រោះតែខឹងគាត់ជាឪពុកស្តីបន្ទោសពីរឿងយកម៉ូតូជិះកាច់កញ្ចក់ឱ្យបាក់ ។ ចំណែកមន្ត្រីប៉ូលិសពិនិត្យសព ក៏បានអះអាងដែរថា នាងពិតជាពុលថ្នាំប្រាកដមែន ៕
ចែករំលែកព័តមាននេះ