បន្ទាយមានជ័យ ៖ កម្លាំងនគរបាលឃាត់ខ្លួនជនសង្ស័យជាក្មេងទំនើ.ងចំនួន៣នាក់ ដែលធ្វើសកម្មភាពកា.ប់យកម៉ូតូយកទៅប្លុងចោល ត្រូវបានបញ្ជូនទៅសាលាដំបូងខេត្តបន្ទាយមានជ័យ ថ្ងៃទី១៩ ខែសីហា ឆ្នាំ២០២៤ ។ លោកវរៈសេនីយ៍ឯក…
បន្ទាយមានជ័យ ៖ កម្លាំងនគរបាលឃាត់ខ្លួនជនសង្ស័យជាក្មេងទំនើ.ងចំនួន៣នាក់ ដែលធ្វើសកម្មភាពកា.ប់យកម៉ូតូយកទៅប្លុងចោល ត្រូវបានបញ្ជូនទៅសាលាដំបូងខេត្តបន្ទាយមានជ័យ ថ្ងៃទី១៩ ខែសីហា ឆ្នាំ២០២៤ ។
លោកវរៈសេនីយ៍ឯក ព្រហ្ម ប៊ុនធឿន នាយការិយាល័យនគរបាលព្រហ្មទណ្ឌកម្រិតស្រាល ខេត្តបន្ទាយមានជ័យ បានប្រាប់ថា ៖ កាលពីថ្ងៃទី១១ ខែសីហា ឆ្នាំ២០២៤ នៅចំណុចវេទិកា ស្ថិតភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ មានជនសង្ស័យដែលជាក្មេងទំនើ.ង១ក្រុម បានធ្វើសកម្មភាពដេញកា.ប់ជនរងគ្រោះ បណ្តាលឱ្យរបួស ហើយយកម៉ូតូទៅប្លុងចោល ឃើញបានប្រគល់ម្ចាស់វិញនៅចំណុចផ្លូវលេខ៤ សង្កាត់កំពង់ស្វាយ ក្រុងសិរីសោភ័ណ ។
លោកបានបញ្ជាក់ថា ៖ ក្រោយទទួលបណ្តឹងពីជនរងគ្រោះកម្លាំងការិយល័យនគរបាលព្រហ្មទណ្ឌកម្រិតស្រាល ខេត្តបន្ទាយមានជ័យបានសហការជាមួយកម្លាំងអធិការដ្ឋាននគរបាល ក្រុងសិរីសោភ័ណ បានធ្វើការស្រាវជ្រាវហើយកំណត់មុខសញ្ញាឃាត់ខ្លួនជនសង្ស័យ៣នាក់ និងម៉ូតូ១គ្រឿង ដែលជាមធ្យោបាយធ្វើសកម្មភាព ដែលឃាត់នៅថ្ងៃទី១៦ ខែសីហា ឆ្នាំ២០២៤ នៅភូមិតារាបាល់ សង្កាត់កំពង់ស្វាយ ក្រុងសិរីសោភ័ណ ។
លោកវរៈសេនីយ៍ឯក ព្រហ្ម ប៊ុនធឿន បានបញ្ជាក់ថា ៖ ក្រោយឃាត់ខ្លួនជនសង្ស័យជាក្មេងទំនើ.ង៣នាក់ និងម៉ូតូ១គ្រឿងនាំយកសាកសួរ តាមចម្លើយសារភាពថា មូលហេតុដែលពួកគេដេញកា.ប់ជនរងគ្រោះ ព្រោះខឹងដែលក្រុមជនរងគ្រោះធ្លាប់ដេញកា.ប់ពួកគេទើបពួកគេសងសឹក និងដេញកា.ប់យកម៉ូតូយកទៅប្លុងចោល ៕
ចែករំលែកព័តមាននេះ