រាជធានីភ្នំពេញ ៖ រថយន្តម៉ាក Toyota Corolla Cross មួយគ្រឿងបានបើកជ្រុលចង្កូតទៅបុករថយន្តម៉ាក prius កំពុងឈប់បណ្ដាលឲ្យក្រឡាប់ខ្លួនឯងហើយរថយន្តទាំងពីរគ្រឿងបានរងការខូចខាត។ ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង…
រាជធានីភ្នំពេញ ៖ រថយន្តម៉ាក Toyota Corolla Cross មួយគ្រឿងបានបើកជ្រុលចង្កូតទៅបុករថយន្តម៉ាក prius កំពុងឈប់បណ្ដាលឲ្យក្រឡាប់ខ្លួនឯងហើយរថយន្តទាំងពីរគ្រឿងបានរងការខូចខាត។
ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង ១ និង១០ នាទីរសៀលថ្ងៃទី២៦ ខែមករាឆ្នាំ២០២៦ នៅតាមបណ្ដោយផ្លូវជាតិលេខ៦Aមុខហាងនំប៉័ងភ្នំពេញក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
តាមសាក្សីបានឲ្យដឹងថា នៅមុនពេលកើតហេតុគេឃើញរថយន្តម៉ាក Toyota Corolla Cross ពណ៌ស
មួយគ្រឿងខាងលើ ពាក់ស្លាកលេខភ្នំពេញ២CI ៨១៨៩បានធ្វើដំណើរតាមផ្លូវជាតិលេខ ៦A ក្នុងទិសដៅពីត្បូងទៅជើង នៅពេលធ្វើដំណើរមកដល់ចំណុចកើតហេតុក៍រ៉េ ចង្កូតទៅបុកពីក្រោយរថយន្ត Toyota Prius ពណ៌ស ពាក់ផ្លាកលេខ ភ្នំពេញ 2BW-៧៥៤៧ ដែលកំពុងឈប់ចតលើចិញ្ចើមផ្លូវបណ្ដាឲ្យរងការខូចខាតហើយរថយន្តម៉ាក toyota cross ក៍បានក្រឡាប់ដេកស្តូក នៅហ្នឹងកន្លែង។
ទោះបីជាយ៉ាងណា ពុំបណ្ដាឲ្យមនុស្សរងរបួសឡើយគឺបណ្ដាឲ្យតែរថយន្តពីរគ្រឿងខាងលើបានរងការខូចខាតតែប៉ុណ្ណោះ ។ បន្ទាប់ពីកើតមានគ្រោះថ្នាក់ ពលរដ្ឋក៏ដូចជាសមត្ថកិច្ចក៏បាននាំគ្នារុញក្រឡាប់រថយន្ត មកវិញ ហើយម្ចាស់រថយន្តម៉ាក toyota cross ក៏បានសម្របសម្រួលសងការខូចខាតរថយន្តម៉ាក់ព្រូស ដើម្បីបញ្ចប់រឿង ៕
ចែករំលែកព័តមាននេះ