បង្ក្រា.បទីតាំងម៉ាស្សាមួយកន្លែង ជាប់ចោទលួ.ចដូរដុល្លារសុទ្ធ ដាក់លុយខ្មោ.ចឱ្យភ្ញៀវ
- ភ្នំពេញ
រាជធានីភ្នំពេញ ៖ កម្លាំងអាវុធហត្ថ រាជធានីភ្នំពេញ សហការជាមួយនឹងកម្លាំង អាវុធហត្ថខណ្ឌចំការមន កាលពីវេលា ម៉ោងប្រ មាណ១១និង ៣០…
រាជធានីភ្នំពេញ ៖ កម្លាំងអាវុធហត្ថ រាជធានីភ្នំពេញ សហការជាមួយនឹងកម្លាំង អាវុធហត្ថខណ្ឌចំការមន កាលពីវេលា ម៉ោងប្រ មាណ១១និង ៣០ នាទី យប់ ថ្ងៃ ទី ២៥ ខែមករា ឆ្នាំ ២០២៦ កន្លងទៅ បានឆ្មក់បង្ក្រាបទីតាំងម៉ាស្សាបែបបុរាណមួយកន្លែងលេខ ៤១AE0 ស្ថិតនៅតាមផ្លូវសុធារស ក្នុងសង្កាត់ ទន្លេបាសាក់ ខណ្ឌចំការមន ពាក់ព័ន្ធករណី លួចដូរលុយ ជនបរទេស ដែលចូលទៅ ម៉ាស្សា នៅទីនោះ ។
ប្រភពព័ត៌មានបានឱ្យដឹងថា កាលពីថ្ងៃទី២៤ ខែមករា ឆ្នាំ ២០២៦ មានបុរសជនជាតិចិនម្នាក់ ជាមនុស្សគ បានចូលទៅទីតាំងម៉ាស្សាខាងលើ លុះពេលចេញទៅវិញក៏ដឹងថា ខ្លួនត្រូវបានអ្នកនៅទីនោះបន្លំដូរលុយអស់១៤០០ ដុល្លារ ហើយខ្លួនទទួលបានលុយសែនមកជំនួសវិញ ។
លុះនៅថ្ងៃទី២៥ ខែមករា ឆ្នាំ ២០២៦ ជនរងគ្រោះបានពឹងពាក់ អ្នកស្គាល់គ្នា ឱ្យជួយទូរស័ព្ទទៅប្តឹងកងរាជអាវុធហត្ថ រាជធានីភ្នំពេញ ឱ្យជួយអន្តរាគមន៍លើករណីនេះ ។ បន្ទាប់ពីទទួលបានបណ្តឹងនេះ កម្លាំងកងរាជអាវុធហត្ថរាជធានីភ្នំពេញ សហការជាមួយ នឹងកម្លាំងអាវុធហត្ថខណ្ឌចំការមន បាន ទៅទីតាំងម៉ាស្សាខាងលើ និងបានឃាត់ខ្លួនមនុស្សប្រុសស្រីចំនួន៧នាក់ ដោយដកហូតលុយសែនមួយចំនួន និងម៉ូតូ៣គ្រឿងផងដែរ ។
ជនទាំង៧នាក់ ក្នុងនោះប្រុស២នាក់ រួមទាំងវត្ថុតាងមួយចំនួន ត្រូវកម្លាំងអាវុធហត្ថនាំយកទៅសាកសួរ និងចាត់ការតាមនីតិវិធីនៅបញ្ជាការដ្ឋាន កងរាជអាវុធហត្ថ រាជធានីភ្នំពេញ ៕
ចែករំលែកព័តមាននេះ