ខេត្តពោធិ៍សាត់ ៖ នាព្រឹកថ្ងៃទី១៥ មិថុនា លោកឧត្តមសេនីយ៍ទោ ហ៊ុន ម៉ាណែត នាយរងសេនាធិការចម្រុះនៃកងយោធពលខេមរភូមិន្ទ និងជាមេបញ្ជាការរងកងទ័ពជើងគោកអមដំណើរដោយនាយទាហាន នាយទាហានរងថ្នាក់ឧត្តមសេនីយ៍ វរសេនីយ៍បានអញ្ជើញទៅសំណេះសំណាលសួរសុខទុកុ្ខនាយទាហាន នាយទាហានរង
ខេត្តពោធិ៍សាត់ ៖ នាព្រឹកថ្ងៃទី១៥ មិថុនា លោកឧត្តមសេនីយ៍ទោ ហ៊ុន ម៉ាណែត នាយរងសេនាធិការចម្រុះនៃកងយោធពលខេមរភូមិន្ទ និងជាមេបញ្ជាការរងកងទ័ពជើងគោកអមដំណើរដោយនាយទាហាន នាយទាហានរងថ្នាក់ឧត្តមសេនីយ៍ វរសេនីយ៍បានអញ្ជើញទៅសំណេះសំណាលសួរសុខទុកុ្ខនាយទាហាន នាយទាហានរង និងពលទាហាន អង្គភាពកងពលតូចអន្តរាគមន៍លេខ១៤ដែលមានទីតាំងនៅភ្នំបាយឃ្លះ ឃុំត្នោតជុំ ស្រុកក្រគរ ខេត្តពោធិ៍សាត់។ លោកឆាយ សារ៉េត ប្រធានក្រុមប្រឹក្សាខេត្ត និងលោកខូយ សុខា អភិបាលខេត្តក៏មានវត្តមានក្នុងឱកាសនោះដែរ។
លោកឧត្តមសេនីយ៍ត្រីគឹម សេងងន មេបញ្ជាការកងពលតូចអន្តរាគមន៍លេខ១៤បានជំរាបជូនថា អង្គភាពបានរៀបចំជា៤វរសេនាតូច គឺលេខ១៤១, ១៤២, ១៤៣ និង១៤៤ ។ នៅថ្ងៃទី២៩ មីនា ២០១១ អគ្គបញ្ជាការបានបូកបញ្ចូលកងការពារព្រំដែនគោកលេខ៥០១ចំណុះយោធភូមិភាគទី៥ដែលឈរជើងតាមបណ្តោយខ្សែព្រំដែនទិសទី៤ ខេត្តពោធិ៍សាត់ឱ្យទៅជាវរសេនាតូចលេខ១៤៥ ចំណុះកងពលតូចអន្តរាគមន៍លេខ១៤វិញ។ ៤វរសេនាតូចឈរជើងក្នុងភូមិសាស្ត្រ ស្រុកភ្នំក្រវាញ និងស្រុកក្រគរ សំរាប់ត្រៀមចល័តអន្តរាគមន៍ និងមួយវរសេនាតូចឈរជើងនៅស្រុកវាលវែងច្បាម ភូមិសាស្ត្រខ្សែបណ្តោយព្រំដែនភាគខាងលិចរបស់ខេត្តពោធិ៍សាត់។
លោកឧត្តមសេនីយ៍ទោ ហ៊ុន ម៉ាណែត បានពាំនាំប្រសាសន៍ផ្តាំផ្ញើពីសំណាក់សម្តេចតេជោហ៊ុន សែន និងលោកជំទាវ លោកនាយឧត្តមសេនីយ៍អគ្គបញ្ជាការកងយោធពលខេមរភូមិន្ទ និងមេបញ្ជាការកងទ័ពជើងគោកដែលតែងនឹកគិតព្រួយបារម្ភពីសុខទុក្ខរបស់បងប្អូនកងទ័ពគ្រប់ពេលវេលា។ លោកឧត្តមសេនីយ៍បានកោតសរសើរចំពោះអង្គភាពកងពលតូចអន្តរាគមន៍លេខ៤ ដែលបានខិតខំកសាងទីបញ្ជាការ និងបានពង្រឹងកំលាំងគ្រប់ពេលវេលាសំរាប់ត្រៀមអន្តរាគមន៍សមរភូមិជួរមុខ ពិសេសនៅទិសព្រំដែនថ្មដា ស្រុកវាលវែង។
លោកហ៊ុន ម៉ាណែត ថ្លែងថា «ការសួរសុខទុក្ខថ្ងៃទី១៥ មិថុនា ចំខួបលើកទី៤៩(១៥ មិថុនា ១៩៦២) នៃ ការប្រកាសរបស់តុលាការអន្តរជាតិនៅទីក្រុងឡាអេ ក្នុងការប្រគល់ប្រាសាទព្រះវិហារមកឱ្យប្រទេសកម្ពុជា។ ផ្ទុយទៅវិញមេដឹកនាំជ្រុលនិយមថៃបែរជាបង្កើតសង្គ្រាមទាមទារយកប្រាសាទព្រះវិហាររបស់កម្ពុជាយើងដោយឥតអៀនខ្មាសទៅវិញ»។
ក្នុងឱកាសនោះ លោកហ៊ុន ម៉ាណែត បាននាំយកសំភារជាអំណោយរបស់សម្តេចតេជោហ៊ុន សែន និងលោកជំទាវរួមមានថវិកា៥.០០០.០០០រៀល អង្ករ៥តោន មី៥០កេស ទឹកស៊ីអ៊ីវ៥កេស ទឹកផ្លែឈើ៥កេស និងថ្នាំពេទ្យ៧មុខមកផ្តល់ជូនអង្គភាពកងពលតូចអន្តរាគមន៍លេខ១៤។ ក្រុមប្រឹក្សាឃុំ៦នាក់ ក្នុងម្នាក់សារុង១ ថវិកា៥០.០០០រៀល និងគ្រួសារយោធិន១៨៩នាក់ ក្នុងម្នាក់សារុង១ ថវិកា២០.០០០រៀល។ ដោយឡែកដែក១០តោន ស៊ីម៉ង់ត៍២០តោន ប្រេងសាំង២.០០០លីត្រ ប្រេងម៉ាស៊ូត២.០០០លីត្រ គោយន្តភ្ជាប់ដោយនង្គ័ល និងរនាស់១គ្រឿង វិទ្យុទាក់ទងធុនធំ១គ្រឿងនិងសង័្កសី៥០០សន្លឹកដែលអង្គភាពកងពលតូចអន្តរាគមន៍លេខ១៤ ស្នើសុំនោះក៏ត្រូវបានលោកហ៊ុន ម៉ាណែត ផ្តល់ជូនតាមសំណូមពរផងដែរ៕
ចែករំលែកព័តមាននេះ