ខេត្តស្វាយរៀង ៖ បុរសវ័យ៣៧ឆ្នាំម្នាក់បានរអិលជើងធ្លាក់ចូលក្នុងស្រះរណ្តៅដីដែលគេជីកយកអាចម៍ដីលក់ បណ្តាលឲ្យលង់ស្លាប់យ៉ាងអាណោចអាធម័។ ករណីនេះបានកើតឡើងកាលពីវេលាម៉ោង១០និង៣០នាទី ថ្ងៃទី១៤ ខែសីហា ឆ្នាំ២០២៤ នៅក្នុងរណ្តៅជីកយកអាចម៏ដី មួយកន្លែងស្ថិតនៅចំណុចក្បែចំការស្វាយ…
ខេត្តស្វាយរៀង ៖ បុរសវ័យ៣៧ឆ្នាំម្នាក់បានរអិលជើងធ្លាក់ចូលក្នុងស្រះរណ្តៅដីដែលគេជីកយកអាចម៍ដីលក់ បណ្តាលឲ្យលង់ស្លាប់យ៉ាងអាណោចអាធម័។
ករណីនេះបានកើតឡើងកាលពីវេលាម៉ោង១០និង៣០នាទី ថ្ងៃទី១៤ ខែសីហា ឆ្នាំ២០២៤ នៅក្នុងរណ្តៅជីកយកអាចម៏ដី មួយកន្លែងស្ថិតនៅចំណុចក្បែចំការស្វាយ ស្ថិតក្នុងភូមិថ្នល់កែង ឃុំពពែតស្រុកស្វាយទាប ខេត្តស្វាយរៀង។
បើតាមសមត្ថកិច្ចបានឲ្យដឹងថា ជនរងគ្រោះ ឈ្មោះមាស ធីតា ភេទប្រុស អាយុ៣៧ឆ្នាំ មានមុខរបរកសិករ រស់នៅក្នុងភូមិកណ្តៀងរាយ ឃុំកណ្តៀងរាយ ស្រុកស្វាយខេត្តស្វាយរៀង។
តាមប្រភពដដែលបានបន្តថា មុនពេលកើតហេតុ ជនរងគ្រោះដេញក្របីទៅឃ្វាល នៅវាលស្រែក្បែចំការស្វាយជិតកន្លែងកើតហេតុជាមួយអ្នភូមិជាច្រើននាក់ លុះនៅម៉ោង១០និង៣០នាទីព្រឹកជនរងគ្រោះទំនងជាក្តៅ ក៏ដើរទៅចុះលប់មុខឬចង់ងូតទឹក ចុះឈក្បែរច្រាំងក្បង់ទឹកលប់មុខ និងស្រោចលើក្បាល ស្រាប់តែរអឹលជើងធ្លាក់ចូលក្នុងទឹកជ្រៅ «ធ្លាក់ទាំងខោទាំងអាវ លិចចូលទៅក្នុងទឹកបាត់»ដោយជនរងគ្រោះមិនចេះហែលទឹកផងក៏លង់ទឹកលិចបាត់តែម្តង។
ខណៈនោះអ្នកទៅឃ្វាលក្របីជាមួយក៏មិនចេះហែលទឹកក៏ស្រែកហៅអ្នកភូមិឱ្យមកជួយភ្លាមៗដែរ នៅកន្លែងជនរងគ្រោះលិចចូលក្នុងទឹកបាត់ចាប់ពីម៉ោង១០និង៣០នាទីព្រឹក រាវរកមិនឃើញរហូតដល់ម៉ោង៤និង០០នាទីល្ងាចទើបរាវរកឃើញសាកសពនៅក្នុងរណ្តៅដីនោះជម្រៅជិត៤មែត្រ។
សមត្ថកិច្ចធ្វើការសន្និដ្ឋានថា ដោយមូលហេតុជនរងគ្រោះមិនចេះហែលទឹកហើយទៅមើលក្របីនៅឯវាលស្រែក្តៅពេកបានចុះងួតទឹកក៍រអិលជើងចូលក្នុងរណ្តៅជីកយកអាចម៏ដីហើយក៍លង់ស្លាប់តែម្តងទៅ។ក្រោយពីសមត្ថកិច្ចពិនិត្យធ្វើកោសលវិច្ច័យរួចក៏ប្រគល់ឲ្យក្រមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ