ខេត្តកំពត ៖ ម្ចាស់កសិដ្ឋានចិញ្ចឹមឃ្មុំនៅស្រុកកំពង់ត្រាច ឈ្មោះលឹម តុង ភេទប្រុស អាយុ៣៧ឆ្នាំដែលមានបទពិសោធន៍ពីការចិញ្ចឹមឃ្មុំរយៈពេល៥ឆ្នាំចុងក្រោយនេះ គឺរកចំណូលពីការចិញ្ចឹមឃ្មុំបានក្រាស់ក្រែលគួរសម ។ …
ខេត្តកំពត ៖ ម្ចាស់កសិដ្ឋានចិញ្ចឹមឃ្មុំនៅស្រុកកំពង់ត្រាច ឈ្មោះលឹម តុង ភេទប្រុស អាយុ៣៧ឆ្នាំដែលមានបទពិសោធន៍ពីការចិញ្ចឹមឃ្មុំរយៈពេល៥ឆ្នាំចុងក្រោយនេះ គឺរកចំណូលពីការចិញ្ចឹមឃ្មុំបានក្រាស់ក្រែលគួរសម ។
លោកលឹម តុង ជាម្ចាស់កសិដ្ឋានចិញ្ជឹមឃ្មុំបានឱ្យដឹងកាលពីព្រឹកថ្ងៃទី១២ ខែសីហា ថា ការចិញ្ចឹមឃ្មុំមិនមែនជាការងាយស្រួលប៉ុន្មាននោះទេ គឺមានការឆ្លងកាត់ជាច្រើនទំរាំមកដល់ថ្ងៃនេះ មានរយៈពេលជាង៥ឆ្នាំ ។
លោកលឹម តុង បានបញ្ជាក់ថា មេឃ្មុំដែលគាត់ចិញ្ចឹមនៅក្នុងកសិដ្ឋានរបស់គាត់មានជាង១០០ធុងដែលបានចែក២កន្លែងដាក់អោយឃ្មុំនៅផ្សេងៗគ្នា ។ លោកបន្តថា ការចិញ្ចឹមឃ្មុំចេះមើលរដូវកាល និងទីតាំងសម្រាប់ដឹកកេះឃ្មុំងាយស្រួលមេឃ្មុំហើររកលំអងផ្កាក្រេប ដើម្បីបំពេញក្បាលទឹករបស់វាដែលយើងចង់បាន ដូចជារដូវផ្ការកៅស៊ូយើងត្រូវដឹកឃ្មុំទៅដាក់ទីតាំងជិតចម្ការកៅស៊ូខេត្តកំពង់ចាម ។
បើដើមគរចាប់ផ្ដើមចេញផ្កា យើងត្រូវដឹកឃ្មុំទៅកាន់ខេត្តណាដែលសំបូរដើមគរ ។ លុះចូលដល់ខែមៀនមានផ្កាឃ្មុំនោះ ត្រូវដឹកជញ្ជូនទៅកាន់កោះក្របី ក្នុងខេត្តកណ្ដាល ។ លោកតុងបញ្ជាក់ថាមេឃ្មុំមិនសំដៅតែក្រេបលម្អងផ្កាតែមួយមុខនោះទេ ផ្កាអ្វីក៏វាបឺតបានដែរ ។ ដូចនេះ ផ្ការុក្ខជាតិគ្រប់ប្រភេទបានមកពីទឹកឃ្មុំនោះហើយ ដែលយើងម្នាក់ៗចង់យកមកធ្វើជាថ្នាំបុរាណណឹង ។
លោកលឹម តុង និយាយប្រាប់បន្តថា ក្នុងរយៈពេល៥ខែក្នុងរដូវប្រាំងនេះ យើងបានទទួលផលពីឃ្មុំ-តែ6ខែក្នុងរដូវវស្សានេះ យើងមិនបានទទួលផលពីឃ្មុំទេ- មានតែជួយចិញ្ចឹមមេឃ្មុំទៅវិញចំណីឃ្មុំគឺទឹកឃ្មុំ និងលំអងឃ្មុំលាយទុក សម្រាប់មេឃ្មុំរាប់លានក្បាលមកជញ្ជក់ក្នុងរដូវវស្សាឆ្នាំនេះនិងមានលក់ទឹកឃ្មុំ និងលម្អងឃ្មុំយកទៅធ្វើថ្នាំផងដែរ ។
ចែករំលែកព័តមាននេះ