ក្រសួងសាធារណៈការនិងដឹកជញ្ជូនបានអះអាងនៅរសៀលថ្ងៃទី ០៧ ខែសីហា ឆ្នាំ២០២៤ថា គម្រោងស្ពានឆ្លងកាត់ទន្លេបាសាក់ចាក់អង្រែក្រោម-ព្រែកប្រា បានកំពុងសិក្សាលើជម្រើសកសាងផ្លូវភ្ជាប់ទៅផ្លូវជាតិលេខ១។ ប្រភពបានឲ្យដឹងថា ជម្រើសមានចំនួន២ខ្សែ ក្នុងនោះជម្រើសផ្លូវទី១ មានប្រវែង១.៥៩៥គ.ម…
ក្រសួងសាធារណៈការនិងដឹកជញ្ជូនបានអះអាងនៅរសៀលថ្ងៃទី ០៧ ខែសីហា ឆ្នាំ២០២៤ថា គម្រោងស្ពានឆ្លងកាត់ទន្លេបាសាក់ចាក់អង្រែក្រោម-ព្រែកប្រា បានកំពុងសិក្សាលើជម្រើសកសាងផ្លូវភ្ជាប់ទៅផ្លូវជាតិលេខ១។
ប្រភពបានឲ្យដឹងថា ជម្រើសមានចំនួន២ខ្សែ ក្នុងនោះជម្រើសផ្លូវទី១ មានប្រវែង១.៥៩៥គ.ម និងជម្រើសផ្លូវទី២ មានប្រវែង ១.៤៩០គ.ម ខ្សែផ្លូវទាំងពីរនេះ តភ្ជាប់ពីស្ពាន នៅក្នុងភូមិសាស្ត្រសង្កាត់ព្រែកប្រា ខណ្ឌច្បារអំពៅ ទៅកាន់ផ្លូវជាតិលេខ១ សង្កាត់វាលស្បូវ ខណ្ឌច្បារអំពៅ។
ប្រភពដដែលបានបន្តថា បញ្ហានេះបានលើកឡើងពិភាក្សា រវាង លោក សួង ហេង រដ្ឋលេខាធិការក្រសួងសាធារណការ និងដឹកជញ្ជូន និង មន្ត្រីជំនាញជាមួយនឹង តំណាងក្រុមហ៊ុនShanghai Construction Group Co., Ltd និងអ្នកដែលពាក់ព័ន្ធ។
កិច្ចប្រជុំរៀបចំឡើងដើម្បីពិនិត្យកំណត់ខ្សែអ័ក្ស និងគំនូសប្លង់បច្ចេកទេសនៃ គម្រោងផ្លូវតភ្ជាប់ពីគម្រោងស្ពានឆ្លងកាត់ទន្លេបាសាក់ ផ្នែកខាងកើត ទៅផ្លូវជាតិលេខ១ ស្ថិតនៅសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ តាមការណែនាំដ៏ខ្ពស់ខ្ពស់ ពីសម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។
នៅក្នុងកិច្ចប្រជុំលោក រដ្ឋលេខាធិការ បានណែនាំដល់ភាគីពាក់ព័ន្ធធ្វើការសិក្សាបន្ថែមទៀតធ្វើយ៉ាងកាត់បន្ថយផលប៉ះពាល់ឱ្យនៅតិចតាមដែលអាចធ្វើបានដោយ សហការជាមួយអាជ្ញាធរមូលដ្ឋាន និងស្ថានប័នពាក់ព័ន្ធ និងផ្ដល់ព័ត៌មានគ្នាទៅវិញទៅមកឱ្យបានគ្រប់ជ្រុងជ្រោយទាំងទិដ្ឋភាពបច្ចេកទេស និងនយោបាយដើម្បីដាក់លទ្ធផលនៃការសិក្សាជូនថ្នាក់ដឹកនាំ ពិនិត្យសម្រេច ឱ្យបានឆាប់ ៕
ចែករំលែកព័តមាននេះ