កុំភ្លេចល្ងាចនេះ! ឈុន ប៊ុនថន សល់ឱកាសប្រកួតម្តងទៀតនៅអូឡាំពិកប៉ារីស
ប្រទេសបារាំង ៖ កីឡាកររត់ប្រណាំងកម្ពុជា ឈុន ប៊ុនថន បញ្ចប់ទីនៅក្នុងចំណាត់ថ្នាក់ទី៩ នៅក្នុងក្រុមទី ៥ ឬ Heat…
ប្រទេសបារាំង ៖ កីឡាកររត់ប្រណាំងកម្ពុជា ឈុន ប៊ុនថន បញ្ចប់ទីនៅក្នុងចំណាត់ថ្នាក់ទី៩ នៅក្នុងក្រុមទី ៥ ឬ Heat ទី៥ វិញ្ញាសារត់ចម្ងាយ៨០០ម៉ែត្រ ព្រឹត្តិការណ៍កីឡាអូឡាំពិកទីក្រុងប៉ារីសឆ្នាំ ២០២៤ ដោយប្រើថិរវេលា ១:៥៣.៣១ កាលពីថ្ងៃទី៧ ខែសីហា ឆ្នាំ២០២៤ កន្លងទៅ។
បើទោះបីជាមិនអាចបញ្ចប់នៅក្នុងចំណាត់ថ្នាក់ល្អបំផុតទាំង៣រូប នៅក្នុង Heat យ៉ាងណាក៏ដោយ ប៉ុន្តែកីឡាករ ឈុន ប៊ុនថន សល់ឱកាសប្រកួតលើកទី២ ដែលភាសាបច្ចេកទេសហៅថា «Repe chage»។ មានន័យថា កីឡាករមិនជាប់ចំណាត់ថ្នាក់ល្អបំផុតទាំង៣រូបចេញពី Heat ទាំង ៦ ដែលកក់កៅអីនៅវគ្គពាក់កណ្តាលផ្តាច់ព្រ័ត្រដោយស្វ័យប្រវត្តិនោះ នឹងត្រូវធ្វើការប្រកួត Repechage ដើម្បីដណ្តើមកៅអីឡើងទៅកាន់វគ្គពាក់កណ្តាលផ្តាច់។
ការប្រកួត Repechage នឹងធ្វើឡើងថ្ងៃនេះផ្ទាល់តែម្តង នៅពហុកីឡដ្ឋាន Stade de France ដោយកីឡាករ ឈុន ប៊ុនថន ស្ថិតនៅក្នុង Heat ទី១។ ហើយការប្រកួតចាប់ផ្តើមនៅវេលាម៉ោង ១២:០០នាទីរសៀល ម៉ោងក្នុងស្រុក ដែលត្រូវនឹងម៉ោង ៥:០០នាទីល្ងាច ម៉ោងនៅកម្ពុជា៕ (រូបភាព ៖ Chhun Bunthorn និង Olympic Cambodia)
ចែករំលែកព័តមាននេះ