ខេត្តសៀមរាប ៖ កូនប្រុសប្រជាការពារផឹកស៊ីស្រវឹង ប្រើអំពើហិង្សាក្នុងគ្រួសារ ត្រូវ បានប៉េអឹមឃាត់ខ្លួន និងឆែកឆេរ រកឃើញវត្ថុតាង មួយចំនួន រួចរៀបចំកសាងសំណុំបញ្ជួន…
ខេត្តសៀមរាប ៖ កូនប្រុសប្រជាការពារផឹកស៊ីស្រវឹង ប្រើអំពើហិង្សាក្នុងគ្រួសារ ត្រូវ បានប៉េអឹមឃាត់ខ្លួន និងឆែកឆេរ រកឃើញវត្ថុតាង មួយចំនួន រួចរៀបចំកសាងសំណុំបញ្ជួន ទៅកាន់ទីបញ្ជាការកងរាជ អាវុធហត្ថខេត្តសៀមរាប ដើម្បីចាត់ការបន្ត ទៅតាមនីតិវិធីច្បាប់ ។
ហេតុការណ៍ឃាត់ខ្លួនបុរសម្នាក់ បានកើតឡើង នៅវេលាម៉ោង៩និង១០នាទីយប់ ថ្ងៃអង្គារ៍ ២កើត ខែស្រាពណ៌ ឆ្នាំរោង បញ្ចស័ក ព.ស ២៥៦៨ ត្រូវនឹងថ្ងៃទី០៦ ខែសីហា ឆ្នាំ២០២៤ ស្ថិតនៅតំបន់U(2871)ក្នុងភូមិសាស្ត្រក្រុងរុនតាឯក ខេត្តសៀមរាប ។
បើតាមប្រភពពីកម្លាំងកងរាជអាវុធហត្ថ មូលដ្ឋានក្រុងរុនតាឯក បានប្រាប់នៅថ្ងៃ ទី៧ ខែសីហា ឆ្នាំ២០២៤ នេះថា ដោយ មាន ការចង្អុល បង្ហាញពី លោក មេបញ្ជា ការកងរាជអាវុធ ហត្ថខេត្តសៀមរាប បានឱ្យកម្លាំងមូល ដ្ឋានកងរាជអាវុធហត្ថ ក្រុងរុនតាឯកតេជោសែន ចំនួន០៨នាក់ ម៉ូតូ ០៤គ្រឿង ដឹកនាំដោយលោកវរសេនីយ៍ ទោ យិន កុម្ភៈ មេបញ្ជាការ មូលដ្ឋានកងរាជអាវុធហត្ថ ក្រុងរុនតាឯកតេជោសែន បានចុះបង្ក្រាបករណីអំពើហិង្សានៅក្នុងគ្រួសារ ស្ថិតនៅតំបន់U(2871)ក្រុងរុនតា ឯកតេជោសែនខេត្តសៀមរាប រហូតឈានដល់ធ្វើការឃាត់ខ្លួនបានបុរសម្នាក់ប្រើប្រាស់គ្រឿងញៀ.ន ជាជនដៃដល់ក្នុងអំពើហិង្សា និង ត្រូវជាកូនប្រុសប្រជាការ ពារភូមិរួចរៀបចំកសាងសំណុំបញ្ជូនទៅ កាន់ទីបញ្ជាការដ្ឋានកងរាជអាវុធហត្ថខេត្ត សៀមរាប ដើម្បីចាត់ការបន្តតាមនីតិវិធីនៃច្បាប់។
ប្រភពបន្ថែមថា ជនបង្កឈ្មោះ ឈិន ឆៃ ភេទប្រុស អាយុ២៦ ឆ្នាំ មុខរបរ មិនពិតប្រាកដ មានទីលំនៅបច្ចុប្បន្នក្នុងភូមិរុនតាឯក ថ្មី ក្រុងរុនតាឯក ខេត្តសៀម រាប។
ប្រភពបញ្ជាក់ថា ក្រោយកើតហេតុ កម្លាំងជំនាញបានចុះទៅដល់ រួចចូលឆែកឆេរ និង ដកហូតវត្ថុតាងមួយចំនួនដូចជា៖កាំបិតចំនួន០៣ដើម។ កាំបិតមិន ទាន់សំលៀងចំនួន០១ដើម ខ្វែវចំនួន០១ ដើម។សាងសម្រាប់ចាក់ត្រីចំនួន០៥ ដើម និង សម្ភារៈប្រើប្រាស់គ្រឿងញៀនរួមមាន (ដែកកេះ ទុយោនិងកែវជក់គ្រឿង ញៀន) ព្រមទាំងបានធ្វើតេស្តសារធាតុញៀនដោយទទួលបានលទ្ធផល (វិជ្ជមាន)។
បច្ចុប្បន្ន ជនសង្ស័យ និងវត្ថុតាង មួយចំនួន ដែលកម្លាំងជំនាញ កងរាជអាវុធហត្ថមូលដ្ឋាន ដកហូតបានកំពុងរៀបចំកសាង សំណុំរឿងបញ្ជូនទៅកាន់ទីបញ្ជា ការកងរាជអាវុធហត្ថខេត្តសៀមរាប និងរៀបចំកសាងសំណុំរឿងបញ្ជូនបន្តទៅកាន់តុលាការខេត្តសៀមរាប ដើម្បីចាត់ការតាមផ្លូវច្បាប់៕
ចែករំលែកព័តមាននេះ