ខេត្តកំពង់ស្ពឺ៖ បុរសម្នាក់ត្រូវបាននគរបាលធ្វើការឃាត់ខ្លួន ខណៈដែលយកដែកជ្រុងមួយកំណាត់ គប់ទៅលេីរថយន្ដស៊េរីទំនើបរបស់អ្នកដំណេីរ ចំកញ្ចក់ផ្នែកខាងមុខ បណ្តាលឱ្យបែកមិនមានមូលហេតុ ពេលម្ចាស់ចុះមកសួរនាំ ថែមទាំងវាយម្ចាស់រថយន្តរងរបួសទៀត ទើបប្តឹងនគរបាលអន្តរាគមន៍តែម្តង។ ការឃាត់ខ្លួនជនដៃដល់យកដែកគប់កញ្ចក់រថយន្តអ្នកដំណើរ…
ខេត្តកំពង់ស្ពឺ៖ បុរសម្នាក់ត្រូវបាននគរបាលធ្វើការឃាត់ខ្លួន ខណៈដែលយកដែកជ្រុងមួយកំណាត់ គប់ទៅលេីរថយន្ដស៊េរីទំនើបរបស់អ្នកដំណេីរ ចំកញ្ចក់ផ្នែកខាងមុខ បណ្តាលឱ្យបែកមិនមានមូលហេតុ ពេលម្ចាស់ចុះមកសួរនាំ ថែមទាំងវាយម្ចាស់រថយន្តរងរបួសទៀត ទើបប្តឹងនគរបាលអន្តរាគមន៍តែម្តង។
ការឃាត់ខ្លួនជនដៃដល់យកដែកគប់កញ្ចក់រថយន្តអ្នកដំណើរ និងវាយម្ចាស់ បានធ្វើឡើងកាលពីវេលាម៉ោង១០យប់ថ្ងៃទី១៤ ខែកញ្ញា ឆ្នាំ២០២៥ នៅក្នុងឃុំវល្លិ៍សរ ស្រុកសំរោងទង ខេត្តកំពង់ស្ពឺ។
នគរបាលស្រុកសំរោងទងបាននិយាយឱ្យដឹងថា ជនដៃដល់ដែលនគរបាលឃាត់ខ្លួនមានឈ្មោះ កន សាវ័រ ភេទប្រុស អាយុ៣៤ឆ្នាំ មុខរបរមិនពិតប្រាកដ រស់នៅក្នុងភូមិពងទឹក ឃុំវល្លិ៍សរ ស្រុកសំរោងទង ខេត្ដកំពង់ស្ពឺ។
រថយន្តមួយគ្រឿងដែលត្រូវជនបង្កគប់បណ្តាលឱ្យបែកកញ្ចក់នោះម៉ាកឡិចស៊ីស RX330 ពណ៌ស ពាក់ផ្លាកលេខ រដ្ឋ ០៧.២-៥៥៥៦ មានម្ចាស់ឈ្មោះ ផាត់ ម៉ង់តារា ភេទប្រុស អាយុ៣៥ឆ្នាំ រស់នៅក្នុងភូមិសំណង់ សង្កាត់រការធំ ក្រុងច្បារមន ខេត្តកំពង់ស្ពឺ រួមដំណើរ ពីរនាក់ប្រពន្ធមានឈ្មោះ មាស សុភត្ត្រា អាយុ៣៣ឆ្នាំ។
នគរបាលស្រុកសំរោងទងបានបន្តថា នៅមុនពេលឈានទៅដល់ធ្វើការឃាត់ខ្លួនជនដៃដល់ខាងលើ គឺនគរបាលបានទទួលពាក្យបណ្តឹងពីម្ចាស់រថយន្ដឈ្មោះ ផាត់ ម៉ង់តារា ភេទប្រុស អាយុ៣៥ឆ្នាំ រស់នៅភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ បានមករាយការណ៍ជូនសមត្ថកិច្ច និងដាក់ពាក្យបណ្តឹងលើឈ្មោះ កន សាវ័រ ភេទប្រុស អាយុ៣៤ឆ្នាំ នៅភូមិពងទឹក ឃុំវល្លិ៍សរ ស្រុកសំរោងទង ខេត្ដកំពង់ស្ពឺ។
បើតាមការបញ្ជាក់ឲ្យដឹងពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង បានឲ្យដឹងថា ករណីគប់កញ្ចក់រថយន្តម្ចាស់រថយន្ដបានបើករថយន្ត០១គ្រឿងម៉ាកលុចស៊ីសRX330ពណ៌ស ពាក់ផ្លាកលេខ រដ្ឋ០៧.២-៥៥៥៦ ពីរនាក់ប្រពន្ធឈ្មោះ មាស សុភត្ត្រា អាយុ៣៣ឆ្នាំ ចេញពីផ្ទះទៅភ្នំពេញតាមបណ្ដោយផ្លូវ ជាតិលេខ៤ ពីទិសខាងលិចទៅទិសខាងកើត លុះពេលធ្វើដំណើរមកដល់ចន្លោះបង្គោលគីឡូម៉ែត្រលេខ៤១-ទៅលេខ៤២ ស្ថិតនៅក្នុងភូមិវល្លិ៍សរ ឃុំវល្លិ៍សរ ស្រុកសំរោងទង ស្រាប់តែមានហេតុការណ៍ភ្ញាក់ផ្អើល និងមានការភ័យរន្ធត់កើតឡើងមានបុរសម្នាក់ឈ្មោះ កន វ័រ ជិះកង់០១គ្រឿង ធ្វើដំណើរពីទិសខាងកើតទៅទិសលិចបញ្ច្រាសទិសគ្នា បានយកដែកជ្រុងគប់មកលេីរថយន្ដត្រូវកញ្ចក់រថយន្ដផ្ទាំងមុខផ្នែកខាងស្តាំ បណ្ដាល ឲ្យបែកប្រេះស្រាំ ។ពេលជួបហេតុការណ៍ខាងលើនេះម្ចាស់រថយន្តបានឈប់ចុះទៅសួរនាំរកខុសត្រូវស្រាប់តែឈ្មោះកន វ័រ ខាងលេីបានវាយមកលេីម្ចាស់រថយន្ដ បណ្ដាលឱ្យរងរបួសចំផ្ទៃមុខនិងចំក្បាលផងដែរ។
នគរបាលស្រុកសំរោងទងបានបញ្ជាក់ថា ក្រោយហេតុការណ៍ខាងលើ អ្នកដំណើរនាំគ្នាចុះជួយអន្ដរាគមន៍ឃាត់ជនដៃដល់និងប្រគល់ជូនមកសមត្ថកិច្ចនគរបាលមូលដ្ឋានរួចបញ្ជូនទៅអធិការដ្ឋាននគរបាលស្រុកដើម្បីសាកសួរបំពេញនីតិវិធី។
ក្រោយឃាត់ខ្លួនជនដៃដល់ នគរបាលដកហូតបានដែកជ្រុងមួយកំណាត់ដែលបានគប់កញ្ចក់រថយន្ត និងកង់០១គ្រឿង។ នៅចំពោះមុខសមត្ថកិច្ចនគរបាលជនបង្កដៃដល់បានឆ្លេីយសារភាពថាខ្លួនពិតជាបានប្រព្រឹត្ដសកម្មភាពខាងលេីពិតប្រាកដមែន។
បច្ចុប្បន្នជនដៃដល់រួមជាមួយនិងវត្ថុតាងសមត្ថកិច្ចនគរបាលបានកសាងសំណុំរឿង ដេីម្បីបញ្ជូនបន្តការចាត់តាមផ្លូវច្បាប់ ៕
ចែករំលែកព័តមាននេះ